Madurai Fire Cracker: ମଦୁରାଇ ବାଣ କାରଖାନାରେ ଭୀଷଣ ଅଗ୍ନିକାଣ୍ଡ; ୫ ମୃତ,ଉଦ୍ଧାର କାର୍ଯ୍ୟ ଜାରି
ମଦୁରାଇ: ଶୁକ୍ରବାର ତାମିଲନାଡୁର ମଦୁରାଇ (Madurai) ରେ ଏକ ବଡ଼ ଦୁର୍ଘଟଣା ଘଟିଛି। କାଲୁପାଟ୍ଟି ଅଞ୍ଚଳରେ ଥିବା ଏକ ଆତସବାଜି (Fire Cracker) କାରଖାନାରେ ନିଆଁ ଲାଗି ପାଞ୍ଚ ଜଣଙ୍କ ମୃତ୍ୟୁ ଘଟିଥିବା ବେଳେ ତିନିଜଣ ଆହତ ହୋଇଛନ୍ତି। ମଦୁରାଇ ପୋଲିସ ଏହି ସୂଚନା ଦେଇଛି।
ପ୍ରାଥମିକ ଅନୁସନ୍ଧାନରୁ ଉଦ୍ଧୃତ ପୋଲିସ କହିଛି ଯେ ରାସାୟନିକ ପଦାର୍ଥ ମିଶ୍ରଣ କରୁଥିବା ବେଳେ ଘର୍ଷଣ ଯୋଗୁଁ ନିଆଁ ଲାଗିଯାଇଥିଲା ଏବଂ କାରଖାନା ବିଲ୍ଡିଂରେ ଅନେକ ବିସ୍ଫୋରଣ ଘଟିଥିଲା। ଏହି ସମୟ ମଧ୍ୟରେ ପୀଡ଼ିତାଙ୍କ ଦେହାନ୍ତ ହୋଇଥିଲା।
ପୋଲିସ କହିଛି ଯେ ଅନ୍ୟ ସାତ ଜଣ କର୍ମଚାରୀ ସୁରକ୍ଷିତ ଭାବେ ବାହାରକୁ ଯିବାରେ ସଫଳ ହୋଇଥିଲେ। ଅଗ୍ନିଶମ ବିଭାଗର ବିରୁଧୁନଗର ଏବଂ ଶ୍ରୀବିଲିପୁଥୁର ୟୁନିଟର କର୍ମଚାରୀମାନେ ନିଆଁକୁ ଆୟତ୍ତ କରିଛନ୍ତି।
ଦୀପାବଳି ପୂର୍ବରୁ ବାଣ କାରଖାନାଗୁଡ଼ିକରେ ସୁରକ୍ଷା ବ୍ୟବସ୍ଥା ସୁନିଶ୍ଚିତ କରିବାକୁ ସରକାରଙ୍କୁ ଦାବି କରାଯାଉଛି। ଏଥିସହ ମୃତକଙ୍କ ପରିବାରକୁ ପର୍ଯ୍ୟାପ୍ତ କ୍ଷତିପୂରଣ ଦାବି ହେଉଛି।
Also Read | Onion Price Hike: ରାଜ୍ୟରେ ପିଆଜ ଦର ୯୦ ଟଙ୍କା, ଜିଲ୍ଲାପାଳଙ୍କୁ ଚିଠି
