DRDO କରୋନା ଔଷଧ 2-DG ର ବ୍ୟବହାର ନିର୍ଦ୍ଦେଶନାମା ଜାରି, ଏମାନଙ୍କୁ ନିଷେଧ

2dg-orl-min
Share this:

ନୂଆଦିଲ୍ଲୀ: 2-DG ଔଷଧ ବ୍ୟବହାର ବିଷୟରେ DRDO ନିର୍ଦ୍ଦେଶ ଜାରି କରିଛି। DRDO ପକ୍ଷରୁ କୁହାଯାଇଛି ଯେ ଡାକ୍ତରଙ୍କ ତତ୍ତ୍ଵାବଧାନରେ ଥିବା କରୋନା ସଂକ୍ରମିତ (Covid-19) ରୋଗୀଙ୍କୁ 2-DG ଔଷଧ ଦିଆଯାଏ।

ଅଧିକାଂଶ ଡାକ୍ତର କରୋନା ଔଷଧ ଦିଅନ୍ତି ସେହି ରୋଗୀଙ୍କୁ ଦିଅନ୍ତି ଯେଉଁମାନେ ମଧ୍ୟମ କିମ୍ବା ଗୁରୁତର ସଂକ୍ରମଣ ହୋଇଥାନ୍ତି। ଏହି ଔଷଧ ସର୍ବାଧିକ ୧୦ଦିନ ପାଇଁ ଦିଆଯାଏ। DRDO କହିଛି ଯେ ଅନିୟନ୍ତ୍ରିତ ମଧୁମେହରୋଗୀ , ଭୟଙ୍କର ହୃଦ୍ ରୋଗୀ, ଶ୍ଵାସ ରୋଗୀ, ଯକୃତ ଏବଂ କିଡନୀ ରୋଗୀଙ୍କୁ 2-ଡିଜି ଔଷଧ ଏପର୍ଯ୍ୟନ୍ତ ଦିଆଯାଇ ନାହିଁ। ତେଣୁ ସେମାନଙ୍କୁ ଏହି ଔଷଧ ଦେବାରେ ଧ୍ୟାନ ଦେବା ଉଚିତ୍। DRDO ସ୍ପଷ୍ଟ କରିଛି ଯେ ଗର୍ଭବତୀ ଏବଂ ସ୍ତନ୍ୟପାନ କରାଉଥିବା ମହିଳା ଏବଂ 18 ବର୍ଷରୁ କମ୍ ରୋଗୀଙ୍କୁ ମଧ୍ୟ ୨-ଡ଼ିଜି ଔଷଧ ଦିଆଯିବା ଉଚିତ୍ ନୁହେଁ।

ଏହି ଔଷଧ ଗ୍ଲୁକୋଜ ପରି ଗୋଳେଇ ରୋଗୀକୁ ଦିନକୁ ଦୁଇଥର ଦିଆଯାଏ। ଏହି ଔଷଧ କରୋନା ଭୂତାଣୁ ରୋଗୀର ଶରୀରରେ ଏହାର ସଂଖ୍ୟା ବୃଦ୍ଧି କରିବାରେ ରୋକିଥାଏ, ଯେଉଁ କାରଣରୁ ରୋଗୀର ଶରୀରରେ ଅମ୍ଳଜାନର ଅଭାବ ନଥାଏ ଏବଂ ସେ ଶୀଘ୍ର ସୁସ୍ଥ ହୋଇଯାଆନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟର ସାମ୍ବାଦିକ ସମ୍ମିଳନୀରେ କୁହାଯାଇଥିଲା ଯେ ଏହି ଔଷଧ ପୂର୍ବରୁ କର୍କଟ ରୋଗୀଙ୍କୁ ଦିଆଯାଉଥିଲା।

ସୂଚନାଯୋଗ୍ୟ ଏହି 2-DG  ଔଷଧ ଡକ୍ଟର ରେଡ୍ଡୀ ଫାର୍ମାସ୍ୟୁଟିକାଲ୍ କମ୍ପାନୀ (Dr Reddy’s Pharmaceutical Company) ସହଯୋଗରେ DRDO ଦ୍ୱାରା  ପ୍ରସ୍ତୁତ କରାଯାଇଛି। ଏହା ମେ ୮ରେ ଲଞ୍ଚ କରାଯାଇଥିଲା ଏବଂ କରୋନା ରୋଗୀଙ୍କ ପାଇଁ ଏକ ରାମବାଣ ଭାବରେ ବିବେଚନା କରାଯାଉଛି।

Also Read | Corona:ରାଜ୍ୟରୁ ଆଜି ୮ ହଜାର ୭୩୫ ସଂକ୍ରମିତ ଚିହ୍ନଟ,ଖୋର୍ଦ୍ଧାରୁ ସର୍ବାଧିକ

Share this: