Corona Vaccine: ଆସନ୍ତା ବର୍ଷ ପ୍ରାରମ୍ଭରେ ମିଳିବ କରୋନା ଟିକା: କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ଼ା. ହର୍ଷ ବର୍ଦ୍ଧନ
ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡ଼ା.ହର୍ଷ ବର୍ଦ୍ଧନ (Dr. Harsh Vardhan) ମଙ୍ଗଳବାର ଦିନ ମନ୍ତ୍ରୀମାନଙ୍କ ସମୂହ ବୈଠକରେ କହିଛନ୍ତି ଯେ ଭାରତ ଆସନ୍ତା ବର୍ଷ ଆରମ୍ଭରେ କରୋନା ଭୂତାଣୁ (Covid -19) ଟିକା ପାଇବାର ସମ୍ଭାବନା ରହିଛି।
ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ “ଆମେ ଆଶା କରୁଛୁ ଯେ ଆସନ୍ତା ବର୍ଷ ଆରମ୍ଭ ସୁଦ୍ଧା ଦେଶରେ ଏକରୁ ଅଧିକ ଉତ୍ସରୁ ଟିକା ପାଇବାର ସମ୍ଭାବନା ରହିଛି। ଦେଶରେ ଟିକା ବିତରଣକୁ କିପରି କାର୍ଯ୍ୟକାରୀ କରାଯିବ ସେନେଇ ଆମର ବିଶେଷଜ୍ଞ ଗୋଷ୍ଠୀ ଯୋଜନା ପ୍ରସ୍ତୁତ କରୁଛନ୍ତି।”
ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ମୁଖ୍ୟ ବୈଜ୍ଞାନିକ ମଧ୍ୟ କହିଛନ୍ତି ଯେ ଚଳିତ ବର୍ଷ ଶେଷ ସୁଦ୍ଧା କିମ୍ବା ଆସନ୍ତା ବର୍ଷ ଆରମ୍ଭରେ ଏକ ଟିକା ପଞ୍ଜୀକରଣ ପାଇଁ ପ୍ରସ୍ତୁତ ହେବ। ସେ କହିଛନ୍ତି ଯେ ଟିକା ପାଇଁ ଆମର ୪୦ ଜଣ ପ୍ରାର୍ଥୀ ଅଛନ୍ତି ଯାହା ବିଭିନ୍ନ ସ୍ତରରେ କ୍ଲିନିକାଲ ଟ୍ରାଏଲରେ ଅଛି ଏବଂ ସେମାନଙ୍କ ମଧ୍ୟରୁ ୧୦ ଜଣ ତୃତୀୟ ପର୍ଯ୍ୟାୟରେ ଅଛନ୍ତି। ଟିକା କେତେ ସୁରକ୍ଷିତ ତାହା ସେମାନେ ଆମକୁ କହିବେ। ଏହି ବର୍ଷ ଆରମ୍ଭରୁ ମହାମାରୀ ଆରମ୍ଭ ହେବା ପରଠାରୁ ଡଜନେ ଦେଶ ଟୀକା ବିକଶିତ କରୁଛନ୍ତି, କିନ୍ତୁ ଏପର୍ଯ୍ୟନ୍ତ WHO ଅନୁମୋଦିତ ପର୍ଯ୍ୟାୟ ୩ ପରୀକ୍ଷା ମଧ୍ୟରୁ କୌଣସିଟି ପାସ୍ କରିନାହାଁନ୍ତି।
Also Read | ଦୁଇଶହରୁ ଅଧିକ କରୋନା ମୃତ ବ୍ୟକ୍ତିଙ୍କୁ ବିଦାୟ ଦେଇଥିବା ଆରିଫ ଖାନଙ୍କର ମୃତ୍ୟୁ, ଉପରାଷ୍ଟ୍ରପତିଙ୍କ ଦୁଃଖପ୍ରକାଶ
