Bengal Violence:ବଙ୍ଗଳାରେ TMC ର ବିଜୟ ପରେ ଏକ ଲକ୍ଷ ଲୋକ ଆକ୍ରମଣ ଭୟରେ ଘର ଛାଡିଛନ୍ତି:ଜେପି ନଡ୍ଡା
କୋଲକାତା: ପଶ୍ଚିମବଙ୍ଗ (West Bengal) ରେ ଘଟିଥିବା ହିଂସାକାଣ୍ଡ ଘଟଣାରେ ଭାରତୀୟ ଜନତା ପାର୍ଟି (BJP) ର ରାଷ୍ଟ୍ରୀୟ ସଭାପତି ଜେପି ନଡ୍ଡା (JP Nadda) ମମତା ବାନାର୍ଜୀ (Mamata Banarjee) ସରକାରଙ୍କୁ ଟାର୍ଗେଟ କରିଛନ୍ତି। ଦୁଇ ଦିନିଆ ବଙ୍ଗଳା ଗସ୍ତରେ ଆସିଥିବା ଜେପି ନଡ୍ଡା ବୁଧବାର କୋଲକାତାରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ହିଂସା ଉପରେ ମମତା ବାନାର୍ଜୀଙ୍କ ନିରବତା ତାଙ୍କ ସମ୍ପୃକ୍ତିକୁ ପ୍ରତିଫଳିତ କରିଛି ଏବଂ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କର ଦ୍ୱିତୀୟ କାର୍ଯ୍ୟକାଳ ଆରମ୍ଭ କରିଛି।
ଜେପି ନାଡା କହିଛନ୍ତି ଯେ ମୁଁ ଦଳର ସମର୍ଥକଙ୍କ ହତ୍ୟା, ବଙ୍ଗଳାରେ ମହିଳାଙ୍କ ଉପରେ ହେଉଥିବା ନିର୍ଯ୍ୟାତନାକୁ ନିନ୍ଦା କରୁଛି। ବଙ୍ଗଳା ନିର୍ବାଚନ ପରେ ‘ରାଜ୍ୟ ପ୍ରାୟୋଜିତ’ ହିଂସାରେ ୧୪ଜଣ ବିଜେପି କର୍ମୀ ନିହତ ହୋଇଛନ୍ତି ବୋଲି ସେ ଦାବି କରିଛନ୍ତି। ଏହା ବ୍ୟତୀତ ବଙ୍ଗଳା ନିର୍ବାଚନରେ ତୃଣମୂଳ କଂଗ୍ରେସର ବିଜୟ ପରେ ପ୍ରାୟ ୮୦ ହଜାରରୁ ଏକ ଲକ୍ଷ ଲୋକ ଆକ୍ରମଣ ଭୟରେ ଘର ଛାଡିଛନ୍ତି।
Related Post | Bengal: ପଶ୍ଚିମବଙ୍ଗରେ TMC ବିଜୟ ପରେ ହିଂସାକୁ ନେଇ ସୁପ୍ରିମକୋର୍ଟରେ BJP ର ଅପିଲ
ସେ କହିଛନ୍ତି ଯେ ଯେତେବେଳେ ଆମେ ପ୍ରଚାରରେ କହିଥିଲୁ ଯେ ବେଙ୍ଗଲରେ ମହିଳାମାନେ ସବୁଠାରୁ ଅସୁରକ୍ଷିତ, ଆମେ ଠିକ୍ କହିଥିଲୁ। ସେ ଆହୁରି ମଧ୍ୟ କହିଛନ୍ତି ଯେ ବେଙ୍ଗଲରେ ଆମକୁ ପ୍ରଥମେ ଦେଖିବାକୁ ମିଳୁଛି ଯେ ପ୍ରଥମେ ଲୋକମାନଙ୍କୁ ଆକ୍ରମଣ, ପରେ ପରିବାର ଉପରେ ଆକ୍ରମଣ, ପରେ ମହିଳାଙ୍କ ଉପରେ ଆକ୍ରମଣ କରନ୍ତି ଏବଂ ଶେଷରେ ଲୁଟ୍ କରନ୍ତି। ବିଜେପି ସଭାପତି କହିଛନ୍ତି ଯେ ବଙ୍ଗଳାରେ ଏହି ଘଟଣାରେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ଏପର୍ଯ୍ୟନ୍ତ ୧୪କୁ ବୃଦ୍ଧି ପାଇଛି। ଆମେ କହିବାକୁ ଚାହୁଁଛୁ ଯେ ବିଜେପି ପ୍ରତ୍ୟେକ କାର୍ଯ୍ୟକର୍ତ୍ତାଙ୍କ ସହ ଛିଡା ହୋଇଛି। ବଙ୍ଗଳାର ସମସ୍ତ ଲୋକଙ୍କ ପାଇଁ ଶେଷ ପର୍ଯ୍ୟନ୍ତ ଆମେ ଏହି ଯୁଦ୍ଧରେ ଲଢିବୁ।
Also Read | Job card ଧାରୀ ଚନ୍ଦନା ବାଉରୀ BJP ଟିକେଟ୍ ରେ ହେଲେ MLA, ସ୍ୱାମୀ ଜଣେ ଦିନ ମଜୁରିଆ, ସୋସିଆଲ ମିଡିଆରେ ଚର୍ଚ୍ଚା
