Samruddhi Mahamarg: ନାଗପୁରର ମହାରାଷ୍ଟ୍ର ସମୃଦ୍ଧି ମହାମାର୍ଗର ଉଦଘାଟନ କଲେ ପ୍ରଧାନମନ୍ତ୍ରୀ ମୋଦୀ

Share this:

ନାଗପୁର: Samruddhi Mahamarg ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନାଗପୁରର ୫୨୦ କିଲୋମିଟର ଦୈର୍ଘ୍ୟ ଏବଂ ନାଗପୁର ଏବଂ ଶିରିଡିକୁ ସଂଯୋଗ କରୁଥିବା ହିନ୍ଦୁ ହୃଦୟସମ୍ରାଟ ବାଲାସାହେବ ଥାକରେ ମହାରାଷ୍ଟ୍ର ସମୃଦ୍ଧି ମହାମାର୍ଗର ପ୍ରଥମ ପର୍ଯ୍ୟାୟକୁ ଉଦଘାଟନ କରିଛନ୍ତି ।

ପ୍ରଧାନମନ୍ତ୍ରୀ ଟୁଇଟ୍‍ କରି ଲେଖିଛନ୍ତି,

“ଆମେ ଉନ୍ନତ ମାନର ଭିତ୍ତିଭୂମି ପ୍ରଦାନ କରିବାକୁ ପ୍ରତିଶ୍ରୁତିବଦ୍ଧ ଏବଂ ନାଗପୁର ଏବଂ ଶିରିଡି ମଧ୍ୟରେ ମହାମାର୍ଗ ଏହି ପ୍ରୟାସର ଏକ ଉଦାହରଣ। ଏହି ଆଧୁନିକ ସଡକ ପ୍ରକଳ୍ପର ଉଦଘାଟନ କରିବା ସହିତ ମହାମାର୍ଗରେ ଯାତ୍ରା କଲୁ। ମୁଁ ନିଶ୍ଚିତ ଯେ ଏହା ମହାରାଷ୍ଟ୍ରର ଅର୍ଥନୈତିକ ପ୍ରଗତିରେ ଅଧିକ ସହାୟକ ହେବ।”

ପ୍ରଧାନମନ୍ତ୍ରୀ ପହଞ୍ଚିବା ପରେ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା ଏବଂ ତାଙ୍କ ସହ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଶ୍ରୀ ଏକନାଥ ସିନ୍ଦେ, ମହାରାଷ୍ଟ୍ରର ରାଜ୍ୟପାଳ ଶ୍ରୀ ଭଗତ ସିଂ କୋଶିୟାରି, ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଶ୍ରୀ ଦେବେନ୍ଦ୍ର ଫଡନାଭିସ୍ ଏବଂ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ଶ୍ରୀ ନିତିନ ଗଡକରି ଯୋଗ ଦେଇଥିଲେ।

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୫୨୦ କିଲୋମିଟର ଦୈର୍ଘ୍ୟ ନାଗପୁର ଏବଂ ଶିରିଡିକୁ ସଂଯୋଗ କରୁଥିବା ହିନ୍ଦୁ ହୃଦୟସମ୍ରାଟ ବାଲାସାହେବ ଥାକରେ ମହାରାଷ୍ଟ୍ର ସମୃଦ୍ଧି ମହାମାର୍ଗର ପ୍ରଥମ ପର୍ଯ୍ୟାୟ ଉଦଘାଟନ କରିଛନ୍ତି।

Advertisement

amazon_computer

ସମଗ୍ର ଦେଶରେ ଉନ୍ନତ ସଂଯୋଗୀକରଣ ଏବଂ ଭିତ୍ତିଭୂମି ସଂକ୍ରାନ୍ତରେ ପ୍ରଧାନମନ୍ତ୍ରୀଙ୍କ ଦୃଷ୍ଟିକୁ ସାକାର କରିବା ପାଇଁ ସମୃଦ୍ଧି ମହାମାର୍ଗ (Samruddhi Mahamarg) କିମ୍ବା ନାଗପୁର-ମୁମ୍ବାଇ ସୁପର କମ୍ୟୁନିକେସନ୍ ଏକ୍ସପ୍ରେସୱେ ପ୍ରକଳ୍ପ ଏକ ପ୍ରମୁଖ ପଦକ୍ଷେପ। ପ୍ରାୟ ୫୫,୦୦୦ କୋଟି ଟଙ୍କା ବ୍ୟୟରେ ର୍ନିମିତ ୭୦୧ କିଲୋମିଟର ଏକ୍ସପ୍ରେସୱେ ହେଉଛି ମହାରାଷ୍ଟ୍ରର ୧୦ ଟି ଜିଲ୍ଲା ତଥା ଅମରାବତୀ, ଔରଙ୍ଗାବାଦ ଏବଂ ନାଶିକର ପ୍ରମୁଖ ସହରାଞ୍ଚଳ ଦେଇ ଯାଇଥିବା ଭାରତର ଦୀର୍ଘତମ ଏକ୍ସପ୍ରେସୱେ ମଧ୍ୟରୁ ଅନ୍ୟତମ। ଏହି ଏକ୍ସପ୍ରେସୱେ ଅନ୍ୟ ୧୪ ଟି ଜିଲ୍ଲାର ସଂଯୋଗୀକରଣରେ ଉନ୍ନତି ଆଣିବାରେ ସାହାଯ୍ୟ କରିବ, ଯାହାଦ୍ୱାରା ବିଦର୍ଭ, ମରାଠୱାଡା ଏବଂ ଉତ୍ତର ମହାରାଷ୍ଟ୍ରର ପ୍ରାୟ ୨୪ ଟି ଜିଲ୍ଲାର ବିକାଶରେ ସହାୟକ ହେବ।

ପ୍ରଧାନମନ୍ତ୍ରୀ ଗତି ଶକ୍ତି ଅଧୀନରେ ସମନ୍ୱିତ ଯୋଜନା ଏବଂ ଭିତ୍ତିଭୂମି ସଂଯୋଗୀକରଣ ପ୍ରକଳ୍ପର ସମନ୍ୱିତ କାର୍ଯ୍ୟାନ୍ୱୟନର ପ୍ରଧାନମନ୍ତ୍ରୀଙ୍କ ଲକ୍ଷ୍ୟକୁ ସମର୍ଥନ କରି ସମୃଦ୍ଧି ମହାମାର୍ଗ ଦିଲ୍ଲୀ ମୁମ୍ବାଇ ଏକ୍ସପ୍ରେସୱେ, ଜବାହରଲାଲ ନେହେରୁ ପୋର୍ଟ ଟ୍ରଷ୍ଟ ଏବଂ ଅଜନ୍ତା ଏଲୋରା ଗୁମ୍ଫା, ଶିରିଡି, ଭେରୁଲ, ଲୋନାର ଆଦି ପର୍ଯ୍ୟଟନ ସ୍ଥଳୀକୁ ସଂଯୋଗ କରିବ। ମହାରାଷ୍ଟ୍ରର ଅର୍ଥନୈତିକ ବିକାଶରେ ଏକ ପ୍ରମୁଖ ଉତ୍ସ ଯୋଗାଇବାରେ ସମୃଦ୍ଧି ମହାମାର୍ଗ ଏକ ପରିବର୍ତ୍ତନକାରୀ ହେବ।

Read Also | PM Kisan Beneficiary New Status: ଏହି ଦିନ ମିଳିବ ପିଏମ କିସାନ ୧୩ତମ କିସ୍ତି

You Might Also Like It

Share this:

Leave a Reply

Your email address will not be published.