Special Train: ରାଉରକେଲା-ଭୁବନେଶ୍ୱର ମଧ୍ୟରେ ସ୍ପେଶାଲ୍ ଟ୍ରେନ୍ ଆଜିଠାରୁ ପ୍ରତ୍ୟହ ଚାଲିବ
ରାଉରକେଲା: ଆଜିଠାରୁ ରାଉରକେଲା-ଭୁବନେଶ୍ୱର-ରାଉରକେଲା ସ୍ପେଶାଲ୍ ଟ୍ରେନ୍ (Special Train) ଆସନ୍ତା ଡିସେମ୍ବର ୩୧ ପର୍ଯ୍ୟନ୍ତ ସବୁଦିନ ଚଳାଚଳ କରିବ। ଯାହାକି ପୂର୍ବରୁ ଏହା ସପ୍ତାହକୁ ୫ଦିନ ଚଳାଚଳ କରୁଥିଲା। ୦୨୮୬୧ ରାଉରକେଲା-ଭୁବନେଶ୍ୱର-ରାଉରକେଲା ସ୍ପେଶାଲ୍ ଟ୍ରେନ୍ ରାଉରକେଲାରୁ ସକାଳ ୫ଟାରେ ଛାଡ଼ି ଭୁବନେଶ୍ୱରରେ ଅପରାହ୍ଣ ୧୨ଟା ୩୦ମିନିଟ୍ରେପହଞ୍ଚିବ। ସେହିଭଳି ଏହି ଟ୍ରେନ୍ ଭୁବନେଶ୍ୱରରୁ ଅପରାହ୍ଣ ୨ଟା ୧୦ମିନିଟ୍ରେ ଛାଡ଼ି ରାଉରକେଲାରେ ରାତି ୯ଟା ୪୦ ମିନିଟ୍ରେ ପହଞ୍ଚିବ।
ରେଳବାଇ ପକ୍ଷରୁ ମିଳିଥିବା ସୂଚନା ଅନୁସାରେ ଏହି ଟ୍ରେନ୍ ଉଭୟ ଦିଗରୁ ରାଉରକେଲା ଓ ଭୁବନେଶ୍ୱର ମଧ୍ୟରେ ରାଜଗାଙ୍ଗପୁର, ବାମରା, ଝାରସୁଗୁଡ଼ା, ରେଙ୍ଗାଲି, ସମ୍ବଲପୁର ସିଟି, ରେଢ଼ାଖୋଲ, ବଇଣ୍ଡା, ଅନୁଗୁଳ, ତାଳଚେର ରୋଡ୍, ଢେଙ୍କାନାଳ ଓ ନରାଜ ମାର୍ଥାପୁର ଷ୍ଟେସନ୍ରେ ରହଣି କରିବ।
Also Read | Haryana: ଏଥର ହରିୟାଣାରେ ବେସରକାରୀ ଚାକିରୀରେ ନିଜ ରାଜ୍ୟ ଯୁବକ ଯୁବତୀଙ୍କ ପାଇଁ ୭୫% ସଂରକ୍ଷିତ
