Amit Shah: କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବଡ ଘୋଷଣା, ୩୩ ପ୍ରତିଶତ ହେବ ମହିଳାଙ୍କ ପାଇଁ ସରକ୍ଷଣ  

amit-shah
Share this:

ଅଗରତାଲା: Tripura News Updates ତ୍ରିପୁରାରେ ବିଜେପି ସରକାର (BJP Government) ର ୪ବର୍ଷ ପୂର୍ତ୍ତି ଅବସରରେ କେନ୍ଦ୍ର ସ୍ଵରାଷ୍ଟ୍ରମନ୍ତ୍ରୀ ଅମିତ ଶାହା (Amit Shah) ଏକ ସାଧାରଣ ସଭାକୁ ସମ୍ବୋଧିତ କରିଛନ୍ତି। ରାଜଧାନୀ ଅଗରତାଲାରେ ଅମିତ ଶାହା କହିଛନ୍ତି ଯେ ଆମ ଦେଶର ସ୍ୱାଧୀନତାର ୭୫ ବର୍ଷ ପୂରଣ ହୋଇଛି। ଏହା ସହିତ ସୁନ୍ଦର ତ୍ରିପୁରା ଗଠନ ପାଇଁ ୫୦ ବର୍ଷ ମଧ୍ୟ ସମାପ୍ତ ହୋଇଛି। ୨୫ ବର୍ଷ ଧରି କମ୍ୟୁନିଷ୍ଟମାନେ ତ୍ରିପୁରା ଉପରେ ଶାସନ କରିଥିଲେ। ସେ କହିଛନ୍ତି ଯେ ୨୫ବର୍ଷ ଧରି କମ୍ୟୁନିଷ୍ଟମାନେ ଏଠାରେ ଗରିବଙ୍କ ନାମରେ ଶାସନ କରିଥିଲେ, କିନ୍ତୁ ଗରିବଙ୍କ ପାଇଁ କିଛି କରିନଥିଲେ।

ଗୃହମନ୍ତ୍ରୀ ଆଜି ବିଶ୍ଵ ମହିଳା ଦିବସ (World Women’s Day) ଅବସରରେ ତ୍ରିପୁରା ମହିଳାଙ୍କୁ ଶାହା ଏକ ବଡ଼ ଉପହାର ଭେଟି ଦେଇଛନ୍ତି। ବର୍ତ୍ତମାନ ତ୍ରିପୁରାର ସରକାରୀ ଚାକିରିରେ ମାଆ ଓ ଭଉଣୀମାନଙ୍କୁ ୩୩ ପ୍ରତିଶତ ସଂରକ୍ଷଣ (33 Percent Women Reservation) ଦିଆଯିବ। ସେ କହିଛନ୍ତି ଯେ ତ୍ରିପୁରାର ପ୍ରତ୍ୟେକ ଗରିବ ଲୋକଙ୍କୁ ବିଦ୍ୟୁତ ଯୋଗାଣ ପାଇଁ ବିଜେପି ସରକାର କାର୍ଯ୍ୟ କରିଛନ୍ତି। ତ୍ରିପୁରାରେ ସଡକ ଏବଂ ରେଳପଥ ସହ ଜଡିତ ଆମ ସରକାର ଡର୍ଜନେ ଯୋଜନା ପୂରଣ କରିଛି। ଗୃହମନ୍ତ୍ରୀ ଶାହା କହିଛନ୍ତି ଯେ ସେହି ସମୟରେ ବିଜେପି ନିଷ୍ପତ୍ତି ନେଇଥିଲା ଯେ ଆମେ ତ୍ରିପୁରାରେ ଆନ୍ଦୋଳନ ଆରମ୍ଭ କରିବୁ। ବିଜେପି ସରକାର ଗଠନର ୪ ବର୍ଷ ପରେ ତ୍ରିପୁରା ଆଜି ଆତ୍ମନିର୍ଭରଶୀଳ ହେବାକୁ ଯାଉଛି। ଆମେ ଏଠାରେ ତ୍ରିପୁରାର ଯୁବକମାନଙ୍କ ପାଇଁ ନ୍ୟାସନାଲ ଫରେନସିକ୍ ସାଇନ୍ସ ୟୁନିଭରସିଟି କ୍ୟାମ୍ପସର ମୂଳଦୁଆ ପକାଇବାକୁ ଯାଉଛୁ।

ଅମିତ ଶାହା ଆହୁରି ମଧ୍ୟ କହିଛନ୍ତି ଯେ ପୂର୍ବରୁ ଏଠାରେ ଉଗ୍ରବାଦ, ଅନୁପ୍ରବେଶ, ଦୁର୍ନୀତି ବିଷୟରେ ଆଲୋଚନା ହେଉଥିଲା। ବର୍ତ୍ତମାନ ବିକାଶ, ସଂଯୋଗୀକରଣ, ଭିତ୍ତିଭୂମି, କ୍ରୀଡା, ପୁଞ୍ଜି ବିନିଯୋଗ ଏବଂ ଜୈବିକ ଚାଷ ପାଇଁ ସମଗ୍ର ଉତ୍ତର ପୂର୍ବକୁ ଏକ ବଡ଼ ହବ୍ କରିବା ପାଇଁ ଆଜି ପ୍ରଧାନମନ୍ତ୍ରୀ ମୋଦୀ କାର୍ଯ୍ୟ କରିଛନ୍ତି।

ଆସନ୍ତା ବର୍ଷ ଯେତେବେଳେ ୫ବର୍ଷ ସମାପ୍ତ ହୋଇଯିବ ସେତେବେଳେ ଭାଜପାକୁ ଆଉ ଥରେ ସୁଯୋଗ ଦେବାକୁ ଜନତାଙ୍କୁ ସେ ନିବେଦନ କରିଛନ୍ତି। ଏଥିସହ ଭାଜପା ଶାସନକୁ ଆସିଲେ ତ୍ରିପୁରାକୁ ଦେଶର ଏକ ନମ୍ବର ରାଜ୍ୟ ଭାବେ ଗଢ଼ି ତୋଳିବୁ ବୋଲି ଅମିତ ଶାହା କହିଛନ୍ତି।

Read Also | Municipal elections in odisha 2022: ପୌର ନିର୍ବାଚନରେ ରହିବନି Covid କଟକଣା, ପୂର୍ବ ପରି ହେବ ପ୍ରଚାର

Share this:

Leave a Reply

Your email address will not be published. Required fields are marked *