Covid:ଗତ ୨୪ଘଣ୍ଟାରେ ଦେଶରେ ୩ଲକ୍ଷରୁ କମ୍ ପଜିଟିଭ ଚିହ୍ନଟ,୪୫୨୯ମୃତ୍ୟୁ

ନୂଆଦିଲ୍ଲୀ: ଭାରତରେ କରୋନା ଭୂତାଣୁ  ସଂକ୍ରମଣ (Corona Virus Pandemic) ଲଗାତାର ଭାବେ କମୁଛି। ବର୍ତ୍ତମାନ ନୂଆ ମାମଲା କିଛି ମାତ୍ରାରେ ଆରାମ ଦେଉଛି। ତଥାପି, ସଂକ୍ରମଣ ହେତୁ ମୃତ୍ୟୁ ସଂଖ୍ୟା ପ୍ରାୟ ୪ ହଜାର ପାଖାପାଖି ରହୁଛି ଯାହାକି ଚିନ୍ତାର କାରଣ। ମଙ୍ଗଳବାର ଦିନ କ୍ରମାଗତ ତୃତୀୟ ଦିନ ପାଇଁ କରୋନା ରୋଗର ନୂଆ ମାମଲା ତିନି ଲକ୍ଷରୁ କମ୍ ରହିଥିଲା। ଗତ ୨୪ଘଣ୍ଟା ମଧ୍ୟରେ ଦେଶରେ ୨ ଲକ୍ଷ ୬୭ ହଜାର ୩୩୪ ନୂତନ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ୪ ହଜାର ୫୨୯ ମୃତ୍ୟୁ ଘଟିଛି।

ସବୁଠାରୁ ଚିନ୍ତାଜନକ ବିଷୟ ହେଉଛି କରୋନାରୁ ମୃତ୍ୟୁର ଗ୍ରାଫ୍ ତଳକୁ ଖସିଯାଉନାହିଁ। ମଙ୍ଗଳବାରର ତଥ୍ୟ ଅନୁଯାୟୀ ୧୧ଟି ରାଜ୍ୟରେ କରୋନା ଯୋଗୁଁ ୧୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ଗତ ୨୪ ଘଣ୍ଟା ମଧ୍ୟରେ ମହାରାଷ୍ଟ୍ରରେ ୬୭୯ଜଣଙ୍କର ମୃତ୍ୟୁ ହୋଇଥିଲା। ପରବର୍ତ୍ତୀ ସମୟରେ କର୍ଣ୍ଣାଟକରେ ୫୨୫ ଏବଂ ତାମିଲନାଡୁରେ ୩୬୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଦିଲ୍ଲୀରେ ୨୬୫, ଉତ୍ତରପ୍ରଦେଶରେ ୨୫୫  ଏବଂ ପଞ୍ଜାବରେ ୨୩୧ଜଣଙ୍କର ମୃତ୍ୟୁ ଘଟିଛି।

[amazon_auto_links id=”10233″]

Also Read | Corona Virus:ସାରା ବିଶ୍ଵରେ କେବଳ ଭାରତରେ ଅଛନ୍ତି ଅଧା କରୋନା ରୋଗୀ:WHO