IPL 2020: ଦୀନେଶ କାର୍ତ୍ତିକ KKR ଦଳର ଅଧିନାୟକତ୍ୱ ଛାଡିଲେ କାହିଁକି?
ଦୁବାଇ: ୟୁଏଇରେ ଇଣ୍ଡିଆନ୍ ପ୍ରିମିୟର ଲିଗ୍ (IPL)ର ୧୩ ତମ ସିଜନରେ KKR ଦଳର ଖରାପ ପ୍ରଦର୍ଶନ ପରେ ଅଧିନାୟକତ୍ୱକୁ ନେଇ ପ୍ରଶ୍ନ ଉଠିଥିବା ବେଳେ କୋଲକାତା ନାଇଟ୍ ରାଇଡର୍ସ ଅଧିନାୟକ ଦୀନେଶ କାର୍ତ୍ତିକ ଅଧିନାୟକତ୍ୱ ଛାଡିଛନ୍ତି। କାର୍ତ୍ତିକ ତାଙ୍କ ବ୍ୟାଟିଂ ଉପରେ ଧ୍ୟାନ ଦେବା ପାଇଁ ଏହି ନିଷ୍ପତ୍ତି ନେଇଛନ୍ତି। କାର୍ତ୍ତିକ ଅଧିନାୟକତ୍ୱ ଛାଡିବା ପରେ ଇଂଲଣ୍ଡର ଇଏନ୍ ମୋର୍ଗାନ୍ (Eoin Morgan)ଦଳର ନୂତନ ଅଧିନାୟକ ଭାବରେ ମନୋନୀତ ହୋଇଛନ୍ତି। ମୋର୍ଗାନ ଆଜି ମୁମ୍ବାଇ ବିପକ୍ଷ ମ୍ୟାଚର ଅଧିନାୟକ ନଜର ଆସିବେ।
କାର୍ତ୍ତିକ ଅଧିନାୟକତ୍ୱ ଛାଡିବାର ଖବର ପାଇବା ପରେ ଗୌତମ ଗମ୍ଭୀର (Goutam Gambhir) ଏକ ଟୁଇଟ୍ କରିଥିଲେ ଏକ ଉତ୍ତରାଧିକାରୀ ନିର୍ମାଣ ପାଇଁ ବର୍ଷ ବର୍ଷ ଲାଗିଥାଏ କିନ୍ତୁ ନଷ୍ଟ ହେବାକୁ ମାତ୍ର ଗୋଟିଏ ମିନିଟ୍।
ଆଇପିଏଲରେ ଗୌତମଙ୍କ ଅଧିନାୟକତ୍ୱ ବିଷୟରେ କହିଲେ ସେ ତାଙ୍କ ଅଧିନାୟକତ୍ୱରେ ଦୁଇଥର ଦଳ ଚାମ୍ପିୟନ ହୋଇଛନ୍ତି। ୨୦୧୮ ଆଇପିଏଲ୍ ଆରମ୍ଭ ହେବା ପୂର୍ବରୁ ଦୀନେଶ କାର୍ତ୍ତିକଙ୍କୁ ଦଳର ନୂତନ ଅଧିନାୟକ ଭାବରେ ମନୋନୀତ କରାଯାଇଥିଲା। ମୋର୍ଗାନ୍ ଏବଂ ଆଣ୍ଡ୍ରେ ରସେଲଙ୍କ ପରେ ଦୀନେଶ କାର୍ତ୍ତିକ ବ୍ୟାଟିଂ କରିବାକୁ ସୁଧାରିବା ଉଚିତ ବୋଲି ଗମ୍ଭୀର ପରାମର୍ଶ ଦେଇଛନ୍ତି। ଗମ୍ଭୀର ଏହା ମଧ୍ୟ କହିଛନ୍ତି ଯେ ସୁନୀଲ ନାରାୟଣଙ୍କ ସହ ଇନିଂସ ଆରମ୍ଭ କରିବା ପରିବର୍ତ୍ତେ ତାଙ୍କୁ ବ୍ୟାଟିଂ କ୍ରମରେ ଓହ୍ଲାଇବା ଉଚିତ।
It takes years to build a legacy but a minute to destroy it.
— Gautam Gambhir (@GautamGambhir) October 16, 2020
Also Read| Women’s T20 : ଓଡ଼ିଆ ଝିଅ ସୁଶ୍ରୀ ଦିବ୍ୟାଦର୍ଶିନୀ ମନୋନୀତ
