UP Govt Jobs: ଏଥର ପ୍ରତି ପରିବାରରୁ ଜଣକୁ ମିଳିବ ନିଯୁକ୍ତି: ଯୋଗୀ ଆଦିତ୍ୟନାଥ
ଲକ୍ଷ୍ନୌ: UP Govt Jobs for every family Chief Minister Yogi Adityanath ଏକ ବଡଖବର କ୍ରମରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘୋଷଣା କରିଛନ୍ତି ଯେ ତାଙ୍କ ସରକାର ରାଜ୍ୟର ପ୍ରତ୍ୟେକ ପରିବାରର ଅତି କମରେ ଜଣେ ବ୍ୟକ୍ତିଙ୍କୁ ଚାକିରି ଦେବେ। ଯେଉଁଥିପାଇଁ ଏକ ସ୍କିଲ୍ ମ୍ୟାପିଂ ଆରମ୍ଭ ହେବ। ଏହାକୁ ତତ୍କାଳ କାର୍ଯ୍ୟକାରୀ କରିବା ପାଇଁ ସରକାରୀ ସ୍ତରରେ ପ୍ରୟାସ ଆରମ୍ଭ ହୋଇଯାଇଛି।
ସେ ଏଠାରେ ଏକ ନିଯୁକ୍ତି ମେଳାରେ କହିଛନ୍ତି, “ସ୍କିଲ୍ ମ୍ୟାପିଙ୍ଗ୍ ସମୟରେ, ଯେଉଁ ପରିବାରରେ କେହି ଚାକିରୀ କରନ୍ତି ନାହିଁ, ସେମାନଙ୍କର ତଥ୍ୟ ପ୍ରସ୍ତୁତ କରାଯିବ। ଏହିପରି ପରିବାରର ସଦସ୍ୟମାନେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ସହିତ ଜଡିତ ହେବେ ଏବଂ ଅତି କମରେ ଜଣେ ପରିବାର ସଦସ୍ୟ ଚାକିରି ପାଇବେ।”
ସେ ଆହୁରି ମଧ୍ୟ କହିଛନ୍ତି ଯେ ଆବଶ୍ୟକତା ଅନୁଯାୟୀ ଲୋକଙ୍କୁ ତାଲିମ ଦିଆଯିବ ଏବଂ ଚାକିରୀ କିମ୍ବା ଆତ୍ମନିଯୁକ୍ତି ସହ ଜଡିତ କରାଯିବ। ଯେପରି ରାଜ୍ୟରେ କୌଣସି ପରିବାର ଚାକିରୀରୁ ବଞ୍ଚିତ ହେବେ ନାହିଁ।
ମୁଖ୍ୟମନ୍ତ୍ରୀ କହିଛନ୍ତି ଯେ ରାଜ୍ୟରେ ବିଜେପିର ଡବଲ ଇଞ୍ଜିନ ସରକାର ଏବଂ କେନ୍ଦ୍ର ଶ୍ରମିକମାନଙ୍କ ଦକ୍ଷତା ଏବଂ ସାମର୍ଥ୍ୟକୁ ଚିହ୍ନିବା ପାଇଁ ସ୍କିଲ ଇଣ୍ଡିଆ ଏବଂ ଷ୍ଟାର୍ଟଅପ୍ ଇଣ୍ଡିଆ ଭଳି ଅନେକ କାର୍ଯ୍ୟକ୍ରମ ଆରମ୍ଭ କରିଛି।
ଗତ ପାଞ୍ଚ ବର୍ଷ ମଧ୍ୟରେ ରାଜ୍ୟ ସରକାର ୫ଲକ୍ଷ ଯୁବକଙ୍କୁ ଚାକିରି ଦେଇଥିଲେ ଏବଂ ୬୦ ଲକ୍ଷ କାରିଗର ପରିବାର ଋଣ ପାଇଥିଲେ ବୋଲି ସେ ଦାବି କରିଛନ୍ତି। ଚାକିରି ନିମନ୍ତେ ଆବଶ୍ୟକତା ଅନୁଯାୟୀ, ଲୋକଙ୍କୁ ତାଲିମ ଦିଆଯିବ ଏବଂ ନିଯୁକ୍ତି କିମ୍ବା ସ୍ୱରୋଜଗାର ସହିତ ସେମାନେ ଜଡିତ ହେବେ। ୨୦୧୫-୧୬ରେ ରାଜ୍ୟରେ ବେକାରୀ ହାର ୧୮ ପ୍ରତିଶତରୁ ଅଧିକ ଥିଲା। ଏହା ବର୍ତ୍ତମାନ ୧୬ ପ୍ରତିଶତରୁ ଅଧିକ ହ୍ରାସ ପାଇଛି ଏବଂ ବର୍ତ୍ତମାନ ୨.୭ ପ୍ରତିଶତରେ ଅଛି ବୋଲି ମୁଖ୍ୟମନ୍ତ୍ରୀ ଦାବି କରିଛନ୍ତି। ରାଜ୍ୟର କୌଣସି ପରିବାର ନିଯୁକ୍ତିରୁ ବଞ୍ଚିତ ହେବେ ନାହିଁ ବୋଲି ମୁଖ୍ୟନ୍ତ୍ରୀ ଯୋଗୀ ଲକ୍ଷ୍ନୌରେ କହିଛନ୍ତି।
Read Also | ମାଗଣା ଯୋଜନା ହେବ ବନ୍ଦ! ପଦକ୍ଷେପ ନେବାକୁ କେନ୍ଦ୍ର, ନୀତି ଆୟୋଗ, ଅର୍ଥ ଆୟୋଗ ଏବଂ RBI କୁ ସୁପ୍ରିମକୋର୍ଟଙ୍କ ପରାମର୍ଶ
[amazon_auto_links id=”9939″]
