Deogarh: ଟ୍ରକ ଧକ୍କାରେ ସ୍ଵାମୀସ୍ତ୍ରୀ ସମେତ ୨ ବଳଦ ମୃତ

November 24, 2022 MahimaLive

Share this:

ଦେବଗଡ: Truck runs over a cart in Deogarh ଦେବଗଡ଼ ଜିଲ୍ଲାର ୪୯ ନମ୍ବର ଜାତୀୟ ରାଜପଥ ତିଳେଇବଣି ବ୍ଲକର ଅସୁରଖୋଳ ଗ୍ରାମ ନିକଟରେ ଆଜି ଏକ ଟ୍ରକ ଧକ୍କା ଦେବା ଫଳରେ ଘଟଣା ସ୍ଥଳରେ ଦୁଇଜଣଙ୍କର ମୃତ୍ୟୁ ହୋଇଛି। ଦୁଇ ବଳଦ ବି ଜୀବନ ହାରିଛନ୍ତି।

ସୂଚନାଅନୁସାରେ ଚାଷୀ ଦମ୍ପତି ନିଜର ଅମଳ ହୋଇଥିବା ଫସଲ ଆଣିବା ଲାଗି ଶଗଡ଼ରେ କ୍ଷେତକୁ ଯାଉଥିଲେ। ହଠାତ୍ ତିଲେଇବଣି ଛକରେ ଦେବଗଡ଼ (Deogarh) ପଟୁ ସମ୍ବଲପୁର ଅଭିମୁଖେ ଯାଉଥିବା ଟ୍ରକ୍‍ ଶଗଡ଼କୁ ପଛପଟୁ ଧକ୍କା ଦେବାରୁ ଶଗଡ଼ରେ ଥିବା ଦମ୍ପତ୍ତିଙ୍କ ସହ ଦୁଇଜଣ ବଳଦଙ୍କର ମୃତ୍ୟୁ ହୋଇଛି। ମୃତକ ଦ୍ୱୟ ହେଲେ ଅସୁରଖୋଳ ଗ୍ରାମର ଶରତ ସାହୁ ଏବଂ ତାଙ୍କ ବିଶାଖା ସାହୁ।

ଖବର ପାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଦୁର୍ଘଟଣା ପରେ କ୍ଷତି ପୁରଣ ପ୍ରଦାନ ଦାବିରେ ସ୍ଥାନୀୟ ଲୋକମାନେ ରାଜପଥରେ ରାସ୍ତାରୋକ କରିଥିଲେ ଫଳରେ ଦୀର୍ଘସମୟ ପର୍ଯ୍ୟନ୍ତ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା। ଦୁର୍ଘଟଣା ପରେ ଟ୍ରକ୍ ଛାଡ଼ି ଡ୍ରାଇଭର ଫେରାର ହୋଇଯାଇଛି। ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି।

Read Also