Delhi-NCR: ପ୍ରଦୂଷଣ ବନ୍ଦ କରିବାକୁ କେନ୍ଦ୍ର ସରକାରଙ୍କ ନୂଆ ନିୟମ, ୫ ବର୍ଷ ଜେଲ,୧ କୋଟି ଜୋରିମାନା

ନୂଆଦିଲ୍ଲୀ: ଦିଲ୍ଲୀ-ଏନସିଆର (Delhi-NCR) ରେ ବାୟୁ ପ୍ରଦୂଷଣ (Air Pollution) ର ସମସ୍ୟାର ମୁକାବିଲା ପାଇଁ କେନ୍ଦ୍ର ସରକାର ତୁରନ୍ତ ପ୍ରଭାବ ପକାଇବା ସହ ଏକ ନୂତନ ଆଇନ ପ୍ରଣୟନ କରିଛନ୍ତି। ଏହାର ନିୟମ ଉଲ୍ଲଂଘନକାରିଙ୍କୁ  ୫ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ ଏବଂ ୧ କୋଟି ଟଙ୍କା କିମ୍ବା ଉଭୟ ଦଣ୍ଡିତ ଲାଗୁ କରାଯାଇପାରେ ବୋଲି ଆଇନ ଓ ନ୍ୟାୟ ମନ୍ତ୍ରଣାଳୟ ଗୁରୁବାର ଏହି ନିର୍ଦ୍ଦେଶ ଦେଇଛନ୍ତି।

ମନ୍ତ୍ରଣାଳୟ କହିଛି, ଏହି ନିୟମକୁ ଏନସିଆରରେ ବାୟୁ ଗୁଣବତ୍ତା ପରିଚାଳନା ଆୟୋଗ  ଏବଂ କ୍ଷେତ୍ର ଅର୍ଡିନାନ୍ସ ୨୦୨୦ (Commission for Air Quality Management in National Capital Region and Adjoining Areas Ordinance 2020) ବୋଲି ନାମିତ କରାଯାଇଛି। ଏହା ଜାତୀୟ ରାଜଧାନୀ ଅଞ୍ଚଳ (National Capital Region) ଏବଂ ଏହା ସହିତ ଲାଗିଥିବା ଅଞ୍ଚଳରେ ପ୍ରଯୁଜ୍ୟ ହେବ। ଏହା NCR ରେ ବାୟୁ ପ୍ରଦୂଷଣ ସମ୍ବନ୍ଧୀୟ ବିଷୟଗୁଡିକ ସହିତ କାର୍ଯ୍ୟ କରିବ। ଏହା ସଙ୍ଗେ ସଙ୍ଗେ କାର୍ଯ୍ୟକାରୀ ହେବ। ବୁଧବାର ଦିନ ରାଷ୍ଟ୍ରପତି (President) ଏହି ନିୟମକୁ ସ୍ୱାକ୍ଷର କରିଛନ୍ତି।

ଏହି ନିୟମ ଅନୁଯାୟୀ, ଦିଲ୍ଲୀ ସହିତ ସଂଯୁକ୍ତ ଅଞ୍ଚଳ ପଞ୍ଜାବ (Punjab), ହରିୟାଣା (Haryana), ରାଜସ୍ଥାନ (Rajasthan) ଓ ଉତ୍ତରପ୍ରଦେଶ (Uttar Pradesh) ଲାଗୁ ହେବ। ଏହି ନିୟମକୁ କଡାକଡି ଭାବେ କାର୍ଯ୍ୟକାରୀ କରିବା ପାଇଁ ୨୦ ଜଣ ସଦସ୍ୟଙ୍କୁ ନେଇ ଏକ କମିଶନ ଗଠନ କରାଯିବ।

ମନ୍ତ୍ରଣାଳୟ କହିଛି ଯେ ଆୟୋଗ ଦ୍ଵାରା ଜାରି କରାଯାଇଥିବା କୋଣସି ଆଦେଶ କିମ୍ବା ନିର୍ଦ୍ଦେଶ କିମ୍ବା ନିୟମ ଉଲ୍ଲଂଘନ କରିବା ଏକ ଦଣ୍ଡନୀୟ ଅପରାଧ ହେବ ଏବଂ ଏହାକୁ ପାଞ୍ଚ ବର୍ଷ ପର୍ଯ୍ୟନ୍ତ ଜେଲ ଦଣ୍ଡ କିମ୍ବା ଏକ କୋଟି ଟଙ୍କା ପର୍ଯ୍ୟନ୍ତ ଜୋରିମାନା କିମ୍ବା ଉଭୟ ଦଣ୍ଡିତ କରାଯାଇପାରିବ।

ଜାତୀୟ ରାଜଧାନୀ ଦିଲ୍ଲୀ ଏବଂ ଏହାର ଆଖପାଖ ରାଜ୍ୟରେ ବଢୁଥିବା ମାରାତ୍ମକ ପ୍ରଦୂଷଣକୁ ରୋକିବା ପାଇଁ ପଦକ୍ଷେପ ଗ୍ରହଣ କରିବାକୁ କେନ୍ଦ୍ର ପରିବେଶ ମନ୍ତ୍ରୀ ପ୍ରକାଶ ଜାଭଡେକର (Union Environmental Minister Prakash Javadekar) ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କହିଛନ୍ତି। କେନ୍ଦ୍ର କ୍ୟାବିନେଟର ବୈଠକ ପରେ ସାମ୍ବାଦିକ ସମ୍ମିଳନୀରେ ଏକ ପ୍ରଶ୍ନର ଉତ୍ତରରେ ଜାଭଡେକର କହିଛନ୍ତି ଯେ ଏହି ଆୟୋଗ ଗଠନ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ପ୍ରଦୂଷଣର ମୁକାବିଲା ପାଇଁ ବିଭିନ୍ନ ପଦକ୍ଷେପ ନେବାକୁ ଆୟୋଗର ସମ୍ପୂର୍ଣ୍ଣ କ୍ଷମତା ରହିଛି। ଏହା ରାଜଧାନୀ ସମେତ ଆଖପାଖ ଅଞ୍ଚଳରେ ପ୍ରଦୂଷଣ ହ୍ରାସ କରିବାରେ ସହାୟକ ହେବ।

Also Read| Covid19 India: କରୋନା ନମୁନା ପରୀକ୍ଷା କ୍ଷେତ୍ରରେ ବିଶ୍ୱରେ ଭାରତ ଶୀର୍ଷରେ