ଧୋନିଙ୍କ ପରେ ପିଏମ ମୋଦୀଙ୍କ ସୁରେଶ ରୈନାଙ୍କୁ ଚିଠି, ପିଏମ ମୋଦୀ ଏମିତି କହିଲେ …
ନୂଆଦିଲ୍ଲୀ:ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଅବସର ପରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ତାଙ୍କୁ ଏକ ଚିଠି ଲେଖିଥିଲେ। ଯାହା ଦେଶରେ ଖୁବ ଚର୍ଚ୍ଚାର ବିଷୟଥିଲା। ପ୍ରଧାନମନ୍ତ୍ରୀ ମୋଦୀ ତାଙ୍କୁ ନୂତନ ଭାରତର ଉଦାହରଣ ବୋଲି ବର୍ଣ୍ଣନା କରିଥିଲେ। ଏହା ପରେ ଭାରତୀୟ ଦଳର ପୂର୍ବତନ କ୍ରିକେଟର ସୁରେଶ ରୈନାଙ୍କୁ ମଧ୍ୟ ପିଏମ ମୋଦୀ ଏକ ଚିଠି ଲେଖି ଖୁବ ପ୍ରଶଂସା କରିଛନ୍ତି। ସୂଚନାଯୋଗ୍ୟ ଧୋନିଙ୍କ ସହ ସୁରେଶ ରୈନା ଗୋଟିଏ ଦିନରେ ଅର୍ଥାତ ୧୫ ଅଗଷ୍ଟରେ ମଧ୍ୟ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି।
ଆଜି ଶୁକ୍ରବାର ଦିନ ସୁରେଶ ରୈନା ପ୍ରଧାନମନ୍ତ୍ରୀଙ୍କ ଚିଠିକୁ ସୋସିଆଲ ମିଡିଆରେ ସେୟାର କରିଛନ୍ତି। ପିଏମ ମୋଦୀ ତାଙ୍କ ଚିଠିରେ ଲେଖିଛନ୍ତି, ‘ଅଗଷ୍ଟ ୧୫ ରେ, ଆପଣ,ଆପଣଙ୍କ ଜୀବନ ସହ ଜଡିତ ଏକ ବଡ ନିଷ୍ପତ୍ତି ନେଇଥିଲ। ମୁଁ ଏହାକୁ ଅବସର ବୋଲି କହିବି ନାହିଁ, କାରଣ ଆପଣ ବର୍ତ୍ତମାନ ଯୁବକ ଏବଂ ଶକ୍ତିଶାଳୀ। ଆପଣ କ୍ରିକେଟ୍ ପଡ଼ିଆରେ ନିଜର ଇନିଂସ ଶେଷ କଲ। ଜୀବନର ନୂତନ ଇନିଂସ ପାଇଁ ପ୍ୟାଡ୍ ବନ୍ଧା ହୋଇଛି। ଖେଳ ପ୍ରତି ଆପଣଙ୍କର ଆଗ୍ରହ ପିଲାଦିନରୁ ଥିଲା ଏବଂ ଆପଣ ଲକ୍ଷ୍ନୌରେ ଖେଳିବା ଆରମ୍ଭ କରିଥିଲ। ସେଠାରୁ ଏଠାକୁ ଯାତ୍ରା ଚମତ୍କାର ଥିଲା। ତିନୋଟି ଫର୍ମାଟରେ ଦେଶକୁ ପ୍ରତିନିଧିତ୍ୱ କରିବା ପରେ ଆପଣଙ୍କୁ ଦେଶରୁ ବହୁତ ସ୍ନେହ ମିଳିଛି। ଏହି ପିଢି ଆପଣଙ୍କୁ କେବଳ ଜଣେ ବ୍ୟାଟ୍ସମ୍ୟାନ୍ ଭାବରେ ନୁହେଁ ବରଂ ବୋଲର ଭାବରେ ମଧ୍ୟ ମନେ ରଖିବେ, କାରଣ ଦଳ ଯେତେବେଳେ ଆବଶ୍ୟକ କରିଛି ସେତେବେଳେ ଆପଣ ଅଧିନାୟକଙ୍କୁ ୱିକେଟ୍ ଦେଇଛନ୍ତି। ଆପଣଙ୍କ ଫିଲ୍ଡିଂ ମଧ୍ୟ ସମସ୍ତଙ୍କୁ ପ୍ରେରଣା ଦେଇଛି।
ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି, ‘ପଡ଼ିଆରେ ଫିଲ୍ଡର ଭାବରେ ଆପଣ କେତେ ରନ୍ ସଂଗ୍ରହ କରିଛନ୍ତି ତାହା ଗଣିବାକୁ କିଛି ଦିନ ଲାଗିବ। ଜଣେ ବ୍ୟାଟ୍ସମ୍ୟାନ୍ ଭାବରେ ଆପଣ ବିଶେଷ ଭାବରେ ଟି -୨୦ କ୍ରିକେଟ୍ ରେ ଭଲ ପ୍ରଦର୍ଶନ କରିଛନ୍ତି। ଟି -୨୦ କ୍ରିକେଟ୍ ଏକ ସହଜ ଫର୍ମାଟ୍ ନୁହେଁ। ଭାରତ ଆପଣଙ୍କର ବିଶ୍ୱକପ ୨୦୧୧ ର ଅବଦାନକୁ କେବେବି ଭୁଲି ପାରିବ ନାହିଁ, ବିଶେଷ କରି ଶେଷ ମ୍ୟାଚରେ। ମୁଁ ଅହମ୍ମଦାବାଦର ମୋଟେରା ଷ୍ଟାଡିୟମରେ ଅଷ୍ଟ୍ରେଲିଆ ବିପକ୍ଷରେ ବିଶ୍ୱକପ ଖେଳିଥିଲି। କ୍ୱାର୍ଟର ଫାଇନାଲରେ ଲାଇଭ୍ ଦେଖିଥିଲି। ଦଳର ବିଜୟ ପାଇଁ ଆପଣଙ୍କର ଇନିଂସ୍ ଗୁରୁତ୍ୱପୂର୍ଣ୍ଣ ଥିଲା। ମୁଁ ଦୃଢ ଭାବରେ କହିପାରେ ଯେ ପ୍ରଶଂସକମାନେ ଆପଣଙ୍କର କଭର ଡ୍ରାଇଭ ଦେଖିବା ହରାଇବେ, ଯାହା ମୁଁ ମଧ୍ୟ ଦେଖିଛି।’
When we play, we give our blood & sweat for the nation. No better appreciation than being loved by the people of this country and even more by the country’s PM. Thank you @narendramodi ji for your words of appreciation & best wishes. I accept them with gratitude. Jai Hind!🇮🇳 pic.twitter.com/l0DIeQSFh5
— Suresh Raina🇮🇳 (@ImRaina) August 21, 2020
Also Read:
ଧୋନି କାହିଁକି ହଠାତ୍ ଅବସର ନେଲେ… ସୁନୀଲ ଗାଭାସ୍କର ତାର କାରଣ କହିଲେ
