ବାୟୁସେନାରେ ଚାକିରି ଆଶାୟୀଙ୍କ ପାଇଁ IAF ମୋବାଇଲ୍ ଆପ୍ଲିକେସନ୍ ‘My IAF’ ର ଉଦ୍ଘାଟନ
ନୂଆଦିଲ୍ଲୀ:ଡିଜିଟାଲ୍ ଇଣ୍ଡିଆ ପଦକ୍ଷେପର ଏକ ଅଂଶ ଭାବରେ ଏୟାର ଚିଫ୍ ମାର୍ଶଲ ରାକେଶ କୁମାର ସିଂ ଭଦୋରିଆ ବାୟୁସେନା ମୁଖ୍ୟାଳୟ ‘ଏୟାର ଭବନ’ରେ ଏକ ମୋବାଇଲ୍ ଆପ୍ଲିକେସନ୍’ My IAF ‘ଲଞ୍ଚ କରିଛନ୍ତି।
ସେଣ୍ଟର ଫର ଡେଭଲପମେଣ୍ଟ ଅଫ୍ ଆଡଭାନ୍ସଡ କମ୍ପ୍ୟୁଟିଙ୍ଗ୍ (C-DAC) ର ସହଯୋଗରେ ବିକଶିତ ଏହି ମୋବାଇଲ୍ ଆପ , ଭାରତୀୟ ବାୟୁସେନା (Indian Air Force) ରେ ଯୋଗଦେବାକୁ ଚାହୁଁଥିବା ଯୁବକ ଯୁବତୀଙ୍କ ପାଇଁ କ୍ୟାରିୟର ସୂଚନା ଏବଂ ବିବରଣୀ ପ୍ରଦାନ କରିବ।
ଆପର ଫର୍ମାଟ୍ IAF ରେ ଯୋଗଦାନ ପାଇଁ ହେଉଥିବା ଚୟନ ପ୍ରକ୍ରିୟା, ତାଲିମ ପାଠ୍ୟକ୍ରମ, ଦରମା ଏବଂ ଭତ୍ତା ଇତ୍ୟାଦି ବିବରଣୀ ସହିତ ଏକକ ଡିଜିଟାଲ୍ ପ୍ଲାଟଫର୍ମ ଭାବରେ ସବୁ ତଥ୍ୟ ଯୋଗାଇଦେବ। ଆଣ୍ଡ୍ରଏଡ୍ ଫୋନ୍ ( Android )ପାଇଁ ଗୁଗୁଲ୍ ପ୍ଲେ ଷ୍ଟୋର (Google Play Store)ରେ ଏହି ଆପ୍ଲିକେସନ୍ ଉପଲବ୍ଧ। ଏହା IAF ସୋସିଆଲ୍ ମିଡିଆ ପ୍ଲାଟଫର୍ମ (Social Media) ସହିତ ଜଡିତ। ଏହା ମଧ୍ୟ ଭାରତୀୟ ବାୟୁସେନା (IAF) ର ଇତିହାସ ଏବଂ ଏହାର ବୀରତ୍ୱର କାହାଣୀ ବିଷୟରେ ମୌଳିକ ତଥ୍ୟ ଯୋଗାଇବ।
Also Read:
DL ସହିତ ଗାଡି କାଗଜପତ୍ରର ବୈଧତା ଡିସେମ୍ବର ୩୧ ପର୍ଯ୍ୟନ୍ତ ବଢିଲା, ହେବ ନାହିଁ କୌଣସି କାର୍ଯ୍ୟାନୁଷ୍ଠାନ
