IPL 2020 MI vs RR: ମୁମ୍ବାଇ ଇଣ୍ଡିଆନ୍ସ ଉପରେ ବେନ ଷ୍ଟୋକ୍ସ ପଡିଲେ ଭାରି, ରାଜସ୍ଥାନ ରୟାଲ୍ସର ଏକତରଫା ବିଜୟ

ଦୁବାଇ: ସୁପର ରବିବାରର ଦ୍ୱିତୀୟ ମ୍ୟାଚ୍‌ରେ ଦର୍ଶକ ଏକ ମ୍ୟାଚ୍ ଦେଖିବାକୁ ପାଇଥିଲେ ଯେଉଁଠାରେ ଚୌକା ଓ ଛକାର ପ୍ରବଳ ବର୍ଷା ହୋଇଥିଲା। ଏହି ମ୍ୟାଚ୍‌ରେ ଟୁର୍ଣ୍ଣାମେଣ୍ଟର ଅନ୍ୟତମ ଦଳ ରାଜସ୍ଥାନ ରୟାଲ୍ସ (Rajasthan Royals) ଏକପାଖିଆ ମ୍ୟାଚରେ ଚାରିଥର ଆଇପିଏଲ ବିଜେତା ମୁମ୍ବାଇ ଇଣ୍ଡିଆନ୍ସ (Mumbai Indians) କୁ ଆଠ ୱିକେଟରେ ପରାସ୍ତ କରିଛି। ରାଜସ୍ଥାନ ରୟାଲ୍ସ ପାଇଁ ୧୯୬ ରନ୍‌ର ଏକ ବଡ଼ ଲକ୍ଷ୍ୟ ଥିଲା, ଯାହା ବେନ ଷ୍ଟୋକ୍ସ (Ben Stokes)ଙ୍କ ଅପରାଜିତ ୧୦୭ ରନ୍ କେବଳ ୬୦ ବଲରୁ ଏବଂ ସଞ୍ଜୁ ସାମସନଙ୍କ (Sanju Samson) ସହ ତୃତୀୟ ୱିକେଟ୍ ପାଇଁ ୧୫୨ ର ଭାଗିଦାରୀ ଦ୍ୱାରା ସହଜରେ ହାସଲ କରାଯାଇଥିଲା। ରୟାଲ୍ସର ବିଜୟ ସହିତ ଚେନ୍ନାଇ ସୁପର କିଙ୍ଗ୍ସ (CSK) ପ୍ଲେ ଅଫ୍ ଦୌଡରୁ ହଟାଇ ଯାଇଛି। ବିଜୟ ପାଇଁ ୧୯୬ ରନର ଲକ୍ଷ୍ୟକୁ ପଛରେ କରି ରୟାଲ୍ସ ୧୮.୨ ଓଭରରେ ଦୁଇଟି ୱିକେଟ ପାଇଁ ୧୯୬ ସ୍କୋର କରିଥିଲେ। ଏହି ମ୍ୟାଚରେ ସଞ୍ଜୁ ସାମସନ୍ ଭଲ ଖେଳି ୩୧ ଟି ବଲରେ ଚାରି ଚୌକା ଓ ତିନି ଛକା ସହ ୫୪ ରନ୍ ସ୍କୋର କରିଥିଲେ।

ପୂର୍ବତନ ଭାରତୀୟ ଅଧିନାୟକ କପିଲ ଦେବଙ୍କୁ ହୃଦଘାତ, ଆଇସିୟୁରେ ଭର୍ତ୍ତି

ଏହାପୂର୍ବରୁ ହାର୍ଦ୍ଦିକ ପାଣ୍ଡ୍ୟା (Hardik Pandya)ଙ୍କ ୨୧ ବଲରେ ଅପରାଜିତ ୬୦ରନ ସହାୟତାରେ ମୁମ୍ବାଇ ଇଣ୍ଡିଆନ୍ସ ପାଞ୍ଚ ୱିକେଟ୍ ପାଇଁ ୧୯୫ ରନ୍ ସଂଗ୍ରହ କରିଥିଲା। ମଧ୍ୟମ ଓଭରରେ ମୁମ୍ବାଇ ୱିକେଟ୍ ହରାଇଥିଲା କିନ୍ତୁ ପରେ ହାର୍ଦ୍ଦିକ ଏହି ସିଜନରେ ପ୍ରଥମ ଥର ପାଇଁ ଅତ୍ୟଧିକ ଆକ୍ରମଣାତ୍ମକ ଇନିଂସ ଖେଳି ଦଳକୁ ଏକ ବିରାଟ ସ୍କୋର ଦେଇଥିଲେ। ସେ ତାଙ୍କ ଇନିଂସରେ ଦୁଇଟି ଚୌକା ଓ ସାତଟି ଛକା ମାରିଥିଲେ। ଚାରି ଓଭରରେ ଡିଫେଣ୍ଡିଂ ଚାମ୍ପିଅନ୍ସ ଦଳ ୭୪ ରନ୍ ସଂଗ୍ରହ କରିଥିଲା।

ତିୱାରୀ ଏବଂ ହାର୍ଦ୍ଦିକ ପଞ୍ଚମ ୱିକେଟ୍ ପାଇଁ ୬୪ ରନ୍ ଯୋଡିଥିଲେ। ତିୱାରୀ ଆର୍ଚରଙ୍କ ୧୭ ତମ ଓଭରରେ ଦୁଇଟି ଚୌକା ଓ ଗୋଟିଏ ଛକା ମାରିଥିବା ବେଳେ ପରବର୍ତ୍ତୀ ଓଭରରେ ହାର୍ଦ୍ଦିକ ଅଙ୍କିତ ରାଜପୁତଙ୍କୁ ଚାରିଟି ଛକା ମାରିଥିଲେ। ଏହି ଓଭରରେ ୨୭ ରନ୍ ସ୍କୋର ହୋଇଥିଲା।

Also Read| IPL 2020: ଏବି ଡି ଭିଲିୟର୍ସ ‘ଅସମ୍ଭବ’ ମ୍ୟାଚ୍ ରେ RCB କୁ ଜିତାଇଲେ ଏମିତି ଥିଲା ଅନୁଷ୍କା-ବିରାଟଙ୍କ ପ୍ରତିକ୍ରିୟା

Share this: