Covid-19 India Vaccination: ଦେଶରେ ୭୩ କୋଟିରୁ ଅଧିକ କରୋନା ଟିକା ପ୍ରଦାନ
ନୂଆଦିଲ୍ଲୀ: ଦେଶବ୍ୟାପୀ ଟୀକାକରଣ ଅଭିଜାନରେ ଏପର୍ଯ୍ୟନ୍ତ କୋଭିଡ -୧୯ର (COVID-19) ୭୩ କୋଟି ୮୨ ଲକ୍ଷ ଟିକା ଡୋଜ ଦିଆଯାଉଛି। ଗତ ୨୪ ଘଣ୍ଟା ମଧ୍ୟରେ ଦେଶର ଯୋଗ୍ୟ ହିତାଧିକାରୀଙ୍କୁ ୭୨ ଲକ୍ଷ ୮୬ ହଜାର ଟିକା ଡୋଜ ଦିଆଯାଇଥିଲା। ସେହିପରି ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଗତ ୨୪ ଘଣ୍ଟା ମଧ୍ୟରେ ଦେଶରେ COVID-19 ର ୨୮ ହଜାରରୁ ଅଧିକ ନୂତନ ମାମଲା ରିପୋର୍ଟ ହୋଇଛି। ଦେଶର ସକ୍ରିୟ ମାମଲା ବର୍ତ୍ତମାନ ୩ ଲକ୍ଷ ୮୪ ହଜାର ୯୨୧ ଅଛି। ସକ୍ରିୟ ମାମଲା ଏପର୍ଯ୍ୟନ୍ତ ରିପୋର୍ଟ ହୋଇଥିବା ମୋଟ ମାମଲାର ୧.୧୬ ପ୍ରତିଶତ ଅଟେ।
ମନ୍ତ୍ରଣାଳୟ କହିଛି ଯେ ଗତ ୨୪ ଘଣ୍ଟା ମଧ୍ୟରେ ୩୪ ହଜାରରୁ ଅଧିକ ଲୋକ ସଂକ୍ରମଣରୁ ଉଦ୍ଧାର ହୋଇଥିଲେ। ପୁନରୁଦ୍ଧାର ହାର ୯୭.୫୧ ପ୍ରତିଶତ ରହିଛି।
ମନ୍ତ୍ରଣାଳୟ କହିଛି, ସାପ୍ତାହିକ ସକରାତ୍ମକତା ହାର ବର୍ତ୍ତମାନ ୨.୧୭ ପ୍ରତିଶତ ରହିଛି ଯାହା ଗତ ୭୯ ଦିନ ପାଇଁ ତିନି ପ୍ରତିଶତରୁ କମ୍ ଅଟେ। ଦୈନିକ ସକରାତ୍ମକତା ହାର ୧.୮୭ ପ୍ରତିଶତ ଏବଂ ଗତ ୧୩ ଦିନ ପାଇଁ ଏହା ୩ ପ୍ରତିଶତରୁ କମ୍ ଅଟେ। ମନ୍ତ୍ରଣାଳୟ କହିଛି ଯେ ପରୀକ୍ଷଣ କ୍ଷମତା ବହୁ ପରିମାଣରେ ବୃଦ୍ଧି ପାଇଛି ଏବଂ COVID-19 ପାଇଁ ଏପର୍ଯ୍ୟନ୍ତ ୫୪.୧୮ କୋଟିରୁ ଅଧିକ ପରୀକ୍ଷା କରାଯାଇଛି। ଗତକାଲି ୧୫.୩୦ ଲକ୍ଷରୁ ଅଧିକ ପରୀକ୍ଷା କରାଯାଇଥିଲା। ଗତ ୨୪ ଘଣ୍ଟା ମଧ୍ୟରେ ୩୩୮ ଜଣଙ୍କର ମୃତ୍ୟୁ ହୋଇଥିବା ଜଣାଯାଇଛି।
Show Your Support By Retweeting with #IndiaFightsCorona.
Also Read| e-Rupi ସେବା ଲଞ୍ଚ କଲେ ପ୍ରଧାନମନ୍ତ୍ରୀ ମୋଦୀ, ବାଟମାରଣା ମୁକ୍ତ ହେବ କଲ୍ୟାଣକାରୀ ସେବା
——ADVERTISEMENT——
