Jaswant Singh:ପୂର୍ବତନ କେନ୍ଦ୍ର ମନ୍ତ୍ରୀ ତଥା ବରିଷ୍ଠ ବିଜେପି ନେତା ଯସୱନ୍ତ ସିଂଙ୍କ ପରଲୋକ
ନୂଆଦିଲ୍ଲୀ : ପୂର୍ବତନ କେନ୍ଦ୍ର ମନ୍ତ୍ରୀ ତଥା ବରିଷ୍ଠ ବିଜେପି ନେତା ଯସୱନ୍ତ ସିଂ (Jaswant Singh) ଙ୍କ ୮୨ ବର୍ଷ ବୟସରେ ଆଜି ସକାଳେ ପରଲୋକ ହୋଇଛି। ଯଶବନ୍ତ ସିଂ କୁ ଗତ ୨୫ ଜୁନ୍ ରେ ମେଡିକଲ ଭର୍ତ୍ତି କରାଯାଇଥିଲା। ତାଙ୍କର କରୋନା ରିପୋର୍ଟ ନେଗେଟିଭ ଥିଲା। ଯସୱନ୍ତ ସିଂ ପ୍ରଥମେ ଦେଶର ସୈନିକ ଭାବେ ଯୋଗ ଦେଇଥିଲେ। ଅଟଳ ବିହାରୀ ବାଜପେୟୀ ସରକାରରେ ମନ୍ତ୍ରୀ ଜସୱନ୍ତ ସିଂ ମନ୍ତ୍ରୀ ଥିଲେ। ସେ ଦୀର୍ଘ ସମୟ ଧରି ଅସୁସ୍ଥ ଥିଲେ। ରାଷ୍ଟ୍ରପତି ରାମନାଥ କୋବିନ୍ଦ (Ramnath Kovind ), ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ (Narendra Modi) ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ(ରାଜନାଥ ସିଂ) ଟ୍ୱିଟ୍ କରି ଦୁଃଖ ପ୍ରକାଶ କରିଛନ୍ତି।
ଯସୱନ୍ତ ସିଂ ୩ ଜାନୁଆରୀ ୧୯୩୮ ମସିହାରେ ଜନ୍ମଗ୍ରହଣ କରିଥିଲେ। ସେ ସେନାରେ ମେଜର ପଦରୁ ଅବସର ନେଇଥିଲେ। ପରେ ସକ୍ରିୟ ରାଜନୀତିରେ ପାଦ ଦେଇଥିଲେ। ଅଟଳ ବିହାରୀ ବାଜପେୟୀଙ୍କ ନେତୃତ୍ଵରେ ଏନଡିଏ ସରକାରରେ ସେ ସକ୍ରିୟ ସଦସ୍ୟ ଥିଲେ। ସେ ୧୯୯ ୮ରୁ ୨୦୦୪ ପର୍ଯ୍ୟନ୍ତ ଏନଡିଏ (NDA) ଶାସନରେ ଅର୍ଥ, ପ୍ରତିରକ୍ଷା ଏବଂ ବୈଦେଶିକ ବ୍ୟାପାର ମନ୍ତ୍ରଣାଳୟର ମନ୍ତ୍ରୀ ଥିଲେ।
ଯସୱନ୍ତ ସିଂ ୧୯୯୯ରେ ଅପହରଣ ହୋଇଥିବା ଏୟାର ଇଣ୍ଡିଆର ବିମାନ ଯାତ୍ରୀଙ୍କୁ ଉଦ୍ଧାର କରିବା ପାଇଁ ଆତଙ୍କବାଦୀଙ୍କ ସହ କାନ୍ଦାହାରକୁ ଯାଇ ଚର୍ଚ୍ଚିତ ଥିଲେ। ଏନଡିଏ ଶାସନ କାଳରେ ଯସୱନ୍ତ ସିଂ ଅଟଳ ବିହାରୀ ବାଜପେୟୀଙ୍କ ଅତ୍ୟନ୍ତ ପ୍ରିୟ ଥିଲେ।
ପୂର୍ବତନ କେନ୍ଦ୍ର ମନ୍ତ୍ରୀ ଯସୱନ୍ତ ସିଂଙ୍କ ମୃତ୍ୟୁରେ ରାଷ୍ଟ୍ରପତି ରାମ ନାଥ କୋବିନ୍ଦ ଗଭୀର ଶୋକ ପ୍ରକାଶ କରିଛନ୍ତି। ରାଷ୍ଟ୍ରପତି ଟ୍ୱିଟ୍ କରି କହିଛନ୍ତି, ଭେଟେରାନ୍ ସୈନିକ, ବିଶିଷ୍ଟ ସଂସଦୀୟ, ଅସାଧାରଣ ନେତା ତଥା ବୁଦ୍ଧିଜୀବୀ ଶ୍ରୀ ଯସୱନ୍ତ ସିଂଙ୍କ ମୃତ୍ୟୁରେ ଦୁଃଖିତ। ସେ ସହଜ ଏବଂ ସମାନତା ସହିତ ଅନେକ କଠିନ ଭୂମିକା ଗ୍ରହଣ କରିଥିଲେ। ସେ କହିଛନ୍ତି, ତାଙ୍କ ପରିବାର ପ୍ରତି ମୋର ହୃଦୟରୁ ସମବେଦନା।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଟୁଇଟ୍ରେ କହିଛନ୍ତି ଯେ, ଯସୱନ୍ତ ସିଂ ଜୀ ପ୍ରଥମେ ସୈନିକ ଭାବରେ ଏବଂ ପରେ ରାଜନୀତି ସହ ତାଙ୍କର ଦୀର୍ଘ ସମୟରେ ସେବା କରିଥିଲେ। ଅଟଳଜି ଙ୍କ ସରକାର ସମୟରେ ସେ ଗୁରୁତ୍ୱପୂର୍ଣ୍ଣ ପୋର୍ଟଫୋଲିଓ ଧରିଥିଲେ ଏବଂ ଅର୍ଥ, ପ୍ରତିରକ୍ଷା ଏବଂ ବାହ୍ୟ ବ୍ୟାପାର ଜଗତରେ ଏକ ଦୃଢ ଚିହ୍ନ ରଖିଥିଲେ। ତାଙ୍କ ଦେହାନ୍ତରେ ମୁଁ ଦୁଖିତ।
