Rashtrapati Bhavan: ଜାନୁଆରୀ ୫ ରୁ ସର୍ବସାଧାରଣଙ୍କ ପାଇଁ ପୁନର୍ବାର ଖୋଲିବ ରାଷ୍ଟ୍ରପତି ଭବନ ସଂଗ୍ରହାଳୟ

ନୂଆଦିଲ୍ଲୀ: କୋଭିଡ-୧୯ (Covid-19) କାରଣରୁ ବିଗତ ମାର୍ଚ୍ଚ ୧୩, ୨୦୨୦ ଠାରୁ ଜନସାଧାରଣଙ୍କ ପାଇଁ ବନ୍ଦ ରହିଥିବା ରାଷ୍ଟ୍ରପତି ଭବନ (Rashtrapati Bhavan) ସଂଗ୍ରହାଳୟ ଆସନ୍ତା ଜାନୁୟାରୀ ୫, ୨୦୨୧ ରୁ ପୁନର୍ବାର ଖୋଲିବ। ସୋମବାର ଏବଂ ସରକାରୀ ଛୁଟି ଦିନ ବ୍ୟତୀତ ଏହା ସବୁ ଦିନ ଖୋଲା ରହିବ।

ୱେବସାଇଟ https://presidentofindia.nic.in କିମ୍ବା   https://rashtrapatisachivalaya.gov.in କିମ୍ବା  https://rbmuseum.gov.in ମାଧ୍ୟମରେ ପରିଦର୍ଶକମାନେ ସେମାନଙ୍କର ସ୍ଲଟ୍ ବୁକ୍ କରିପାରିବେ। ପୂର୍ବ ପରି, ପ୍ରତ୍ୟେକ ଭ୍ରମଣକାରୀଙ୍କ ନାମକରଣ ପଞ୍ଜିକରଣ ପାଇଁ ୫୦ ଟଙ୍କା ଶୁଳ୍କ ଆଦାୟ କରାଯିବ। ପୂର୍ବରୁ ଉପଲବ୍ଧ ଥିବା ସ୍ପଟ୍ ବୁକିଂ ସୁବିଧାକୁ ଅସ୍ଥାୟୀ ଭାବରେ ସ୍ଥଗିତ ରଖାଯାଇଛି।

ସାମାଜିକ ଦୂରତା ନିୟମକୁ ବଜାୟ ରଖିବା ପାଇଁ, ସକାଳ 9:30 – ପୂର୍ବାହ୍ନ 11:00, ପୂର୍ବାହ୍ନ 11:30 – ଅପରାହ୍ନ 1:00, ଅପରାହ୍ନ 1:30 – ଅପରାହ୍ନ 3:00 ଏବଂ ଅପରାହ୍ନ 3:30 – ଅପରାହ୍ନ 5:00 ମଧ୍ୟରେ ସର୍ବାଧିକ ୨୫ ଭ୍ରମଣକାରୀଙ୍କ ପାଇଁ  ଚାରୋଟି ପ୍ରି-ବୁକ୍ ହୋଇଥିବା ସମୟ ସ୍ଲଟ୍ ସ୍ଥିର କରାଯାଇଛି। ଭ୍ରମଣ ସମୟରେ, ପରିଦର୍ଶକମାନଙ୍କୁ କୋଭିଡ ନିଯମାବଳୀ ଅନୁସରଣ କରିବାକୁ ପଡିବ ଯେପରିକି ମାସ୍କ ପିନ୍ଧିବା, ସାମାଜିକ ଦୂରତା ବଜାୟ ରଖିବା, ଆରୋଗ୍ୟ ସେତୁ ଆପ୍ (Aarogya setu) ବ୍ୟବହାର କରିବା ଇତ୍ୟାଦି। କୋଭିଡ-୧୯ ସଂକ୍ରମିତ ଲୋକଙ୍କ ପାଇଁ ଏହି ଯାତ୍ରା ନିଷିଦ୍ଧ କରାଯାଇଛି ।

ରାଷ୍ଟ୍ରପତି ଭବନ କମ୍ପ୍ଲେକ୍ସ ସଂଗ୍ରହାଳୟ ବିଷୟ  ହେଉଛି ଏକ ଇଭେଣ୍ଟ ଭିତ୍ତିକ କାହାଣୀ ଯାହା କଳା, ସଂସ୍କୃତି, ଐତିହ୍ୟ ଏବଂ ଇତିହାସର ପ୍ରତୀକ ସୂକ୍ଷ୍ମ ତଥା ଅମୂଲ୍ୟ କଳାକୃତି ପ୍ରଦର୍ଶନ କରିଥାଏ। ଏସଂପର୍କରେ ଅଧିକ ବିବରଣୀ https://rbmuseum.gov.in ୱେବସାଇଟରୁ ପାଇପାରିବେ।

Also Read| ଚାଷୀଙ୍କ ଉତ୍ପାଦନ ଖର୍ଚ୍ଚ ହ୍ରାସ କରି ସେମାନଙ୍କୁ କୃଷିଜାତ ସାମଗ୍ରୀ ଉପରେ ଉଚିତ ମୂଲ୍ୟ ଦେବାକୁ ସରକାରଙ୍କ ଲକ୍ଷ୍ୟ: ପ୍ରଧାନମନ୍ତ୍ରୀ ମୋଦୀ

[amazon_auto_links id=”9932″]