ଆଜି ଭାରତୀୟ ବାୟୁ ସେନାରେ ସାମିଲ ହେବ ଅତ୍ୟାଧୁନିକ ଲଢ଼ୁଆ ବିମାନ Rafale

Share this:

ନୂଆଦିଲ୍ଲୀ: ଅମ୍ବାଲା ସ୍ଥିତ ବାୟୁସେନା ଘାଟିଠାରେ ସେପ୍ଟେମ୍ବର ୧୦ ଗୁରୁବାର ଦିନ ସମାରୋହପୂର୍ବକ ଅତ୍ୟାଧୁନିକ ଲଢ଼ୁଆ ବିମାନ ରାଫେଲ (Rafale) କୁ ବିଧିବଦ୍ଧ ଭାବେ ଭାରତୀୟ ବାୟୁସେନାରେ ସାମିଲ କରାଯିବ। ରାଫେଲ୍ ଲଢ଼ୁଆ ବିମାନ ଭାରତୀୟ ବାୟୁସେନାର ୧୭ ତମ ସ୍କ୍ୱାର୍ଡ଼ନ “ଗୋଲଡେନ ଆରୋ”(Golden Arrows) ର ଅଂଶ ଭାବେ ସାମିଲ ହେବ। ପ୍ରଥମ ପର୍ଯ୍ୟାୟରେ ପାଞ୍ଚଟି ରାଫେଲ ବିମାନ  ଜୁଲାଇ ୨୭ତାରିଖ ଦିନ ଫ୍ରାନ୍ସରୁ ଆସି ଅମ୍ବାଲାସ୍ଥିତ ବାୟୁସେନା ଘାଟିଠାରେ ପହଞ୍ଚିଥିଲା।

ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂହ ଏବଂ ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ ଶ୍ରୀମତୀ ଫ୍ଲୋରେନ୍ସ ପାର୍ଲି (Florence Parly ) ଏହି ଅବସରରେ ଆୟାଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି। ଚିଫ୍ ଅଫ୍ ଡିଫେନ୍ସ ଷ୍ଟାଫ୍ (CDS) ଜେନେରାଲ ବିପିନ ରାୱତ୍, ବାୟୁସେନା ମୁଖ୍ୟ ଏୟାର ମାର୍ଶାଲ ଆର କେ ଏସ ଭଦୌରିଆ, ପ୍ରତିରକ୍ଷା ସଚିବ ଡକ୍ଟର ଅଜୟ କୁମାର, ପ୍ରତିରକ୍ଷା ବିଭାଗର ସଚିବ ତଥା ଡିଆରଡିଓ (DRDO) ର ଅଧ୍ୟକ୍ଷ ଡକ୍ଟର ଜି ସତୀଶ ରେଡ୍ଡୀଙ୍କ ସମେତ ପ୍ରତିରକ୍ଷା ମନ୍ତ୍ରଣାଳୟ ତଥା ସଶସ୍ତ୍ର ବଳର ଅନେକ ବରିଷ୍ଠ ଅଧିକାରୀ ଏହି କାର୍ଯ୍ୟକ୍ରମରେ ସାମିଲ ହେବେ। ଭାରତୀୟ ବାୟୁସେନା ଇତିହାସରେ ପ୍ରଥମ ଥର ପାଇଁ ସାମିଲ ହେଉଥିବା ବିଶ୍ୱର ଏଭଳି ଅତ୍ୟାଧୁନିକ ବିମାନ ଭାରତ ପାଇଁ ଏକ ମହତ୍ତ୍ୱପୂର୍ଣ୍ଣ ଘଟଣା। ଏହି ଅବସରରେ ଫ୍ରାନ୍ସରୁ ଆସିଥିବା ଏକ ପ୍ରତିନିଧିମଣ୍ଡଳର ପ୍ରତିନିଧିତ୍ୱ ଭାରତରେ ଅବସ୍ଥାପିତ ଫ୍ରାନ୍ସ ରାଷ୍ଟ୍ରଦୂତ ଶ୍ରୀ ଇମାନୁଏଲ ଲେନିନ କରିବେ। ଏହି ପ୍ରତିନିଧି ମଣ୍ଡଳରେ ଫ୍ରାନ୍ସ ବାୟୁସେନାର ଉପ ପ୍ରମୁଖ ଏବଂ ଅନ୍ୟ ବରିଷ୍ଠ ଅଧିକାରୀମାନେ ସାମିଲ ରହିବ। ଡାସଲ୍ଟ ଏଭିଏସନ (Dassault Aviation) ର ଅଧ୍ୟକ୍ଷ ଏବଂ ମୁଖ୍ୟ କାର୍ଯ୍ୟକାରୀ ଅଧିକାରୀ ଏରିକ୍ ଟ୍ରେପିୟର ଏବଂ ଏମଭିଡ଼ିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏରିକ୍ ବେରାଙ୍ଗରଙ୍କ ସମେତ ଫ୍ରାନ୍ସର ପ୍ରତିରକ୍ଷା ଉଦ୍ୟୋଗର ଅନେକ ଅଧିକାରୀଙ୍କୁ ନେଇ ଏକ ବିରାଟ ପ୍ରତିନିଧି ମଣ୍ଡଳ ଏହି କାର୍ଯ୍ୟକ୍ରମରେ ସାମିଲ ହେବାର କାର୍ଯ୍ୟକ୍ରମ ମଧ୍ୟ ରହିଛି।

Also Read:ଫ୍ରାନସ ଶୁଝୁଛି ଭାରତ ଋଣ, ୧୨୦ ଭେଣ୍ଟିଲେଟର, ୫୦ ହଜାର ଟେଷ୍ଟ କିଟ୍ ସହିତ ବିଶେଷଜ୍ଞ ଦଳ କାଲି ଆସିବେ ଭାରତ

ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ ଶ୍ରୀମତୀ ଫ୍ଲୋରେନ୍ସ ପାର୍ଲିଙ୍କ ନୂଆ ଦିଲ୍ଲୀ ଆଗମନ ପାଇଁ ତାଙ୍କ ସମ୍ମାନାର୍ଥେ ତୋପ ସଲାମୀ ପ୍ରଦାନ କରାଯିବ। ଅମ୍ବାଲା ବାୟୁସେନା ଘାଟି(Ambala Air Base) ଠାରେ ରାଫେଲ ବିମାନର ଔପଚାରିକ ଅନାବରଣ ପାରମ୍ପରିକ ଭାବେ ସମ୍ପାଦନ କରାଯିବ। ଏହା ବ୍ୟତୀତ ସର୍ବ ଧର୍ମ ପୂଜନ ମଧ୍ୟ କରାଯିବ। ଏହି ଅବସରରେ ରାଫେଲ ବିମାନ ବିଭିନ୍ନ ପ୍ରକାର ଉଡାଣ ପ୍ରଦର୍ଶନ କରିବ। ରାଫେଲ ବିମାନ ସମେତ ତେଜସ୍ (Tejas) ବିମାନ ତଥା ସାରଙ୍ଗ ଏରୋବାଟିକ୍ ଟିମକୁ ମଧ୍ୟ ଏଥିରେ ସାମିଲ କରାଯିବ। ଏହାପରେ ରାଫେଲ ବିମାନକୁ ପାରମ୍ପରିକ ଢ଼ଙ୍ଗରେ ୱାଟର କ୍ୟାନନ (Water Canon) ଦ୍ୱାରା ସଲାମୀ ଦିଆଯିବ। ସମାରୋହ ସମାପ୍ତ ହେବା ପରେ ବାୟୁସେନାର ସପ୍ତଦଶ ସ୍କ୍ୱାର୍ଡ଼୍ରନ ରେ ରାଫେଲ ବିମାନକୁ ବିଧିବଦ୍ଧ ଭାବେ ସାମିଲ କରାଯିବ। ଏହି ସମସ୍ତ ଆୟୋଜନ ପରେ ଭାରତୀୟ ଏବଂ ଫ୍ରାନ୍ସ ପ୍ରତିନିଧି ମଣ୍ଡଳ ଏକ ଦ୍ୱିପାକ୍ଷିକ ବୈଠକରେ ଯୋଗ ଦେବାର କାର୍ଯ୍ୟକ୍ରମ ରହିଛି।

Also Read:

ଗୃହମନ୍ତ୍ରୀ ଶ୍ରୀ ଅମିତ ଶାହା ଭାରତରେ ରାଫାଲ ଯୁଦ୍ଧ ବିମାନ ଅବତରଣକୁ ‘ଗେମ ଚେଞ୍ଜର’ ବୋଲି କହିଛନ୍ତି ।

ଚୀନକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ତାଗିଦ, ଯଦି ଶାନ୍ତି ଚାହୁଁଛ ପ୍ରଥମେ ସୀମାରୁ ସେନା ହଟାଅ

Share this: