‘ପଜିଟିଭ୍ ପେ’ ଚେକ୍ କ୍ଲିଅରିଂ ଏବେ ଅଧିକ ସୁରକ୍ଷିତ,ଲାଗୁହେବ ୫୦ ହଜାର ରୁ ଅଧିକ କାରବାରରେ
ନୂଆଦିଲ୍ଲୀ : ଠକମାନେ ସାଧାରଣ ଲୋକଙ୍କ କଷ୍ଟ ଅର୍ଜିତ ଟଙ୍କାକୁ କିଛି ସେକେଣ୍ଡରେ ନେଇଯାଆନ୍ତି। ନକଲି ଚେକ୍ ପ୍ରସ୍ତୁତ କରି ଆକାଉଣ୍ଟଧାରୀଙ୍କ ଖାତାରୁ ଉଠାଇନିଅନ୍ତି ଲକ୍ଷ ଲକ୍ଷ ଟଙ୍କା। ଚେକ୍ ମାଧ୍ୟମରେ ପେମେଣ୍ଟକୁ ଅଧିକ ସୁରକ୍ଷିତ କରିବା ପାଇଁ, ଆରବିଆଇ ୫୦ ହଜାରୁ ଅଧିକ ସମସ୍ତ ଚେକ୍ ପାଇଁ ‘ପଜିଟିଭ୍ ପେ’(Positive Pay) ନାମକ ଏକ ଯାନ୍ତ୍ରିକ ପ୍ରଣାଳୀ ପ୍ରଣୟନ କରିବାକୁ ନିଷ୍ପତ୍ତି ନେଇଛି।
ଏହି ବ୍ୟବସ୍ଥାରେ ବ୍ୟାଙ୍କକୁ ଚେକ୍ ଜାରି କରୁଥିବା ବ୍ୟକ୍ତି ଖାତା ନମ୍ବର, ଚେକ୍ର ମୂଲ୍ୟ, ଚେକ୍ ପାଇବାକୁ ଥିବା ବ୍ୟକ୍ତି ବା ସଂସ୍ଥାର ନାମ, ଚେକ୍ ନମ୍ବର, ଚେକ୍ ତାରିଖ ,ମୋବାଇଲ ନମ୍ବର , ସୂଚନା ସହିତ ଚେକ୍ର ଚେକ୍ ର ଆଗ ଏବଂ ପଛ ପାର୍ଶ୍ୱର ଫଟୋ ଚେକ୍ଟି ପାଇଥିବା ବ୍ୟକ୍ତି ତାହାକୁ ଜମା କରିବା ବେଳେ ପୂର୍ବରୁ ବ୍ୟାଙ୍କ ପାଖରେ ଥିବା ସୂଚନା ସହ ତାହାକୁ ମେଳ କରାଯିବ। ଚେକ ପ୍ରଦାନକାରୀ ଦେଇଥିବା ସୂଚନା ପଜିଟିଭ୍ ପେ ମାଧ୍ୟମରେ କ୍ରସ୍ ଚେକ୍ କରାଯିବ। ଯଦି ସବୁ ସୂଚନା ଠିକ୍ ଥିବ ତେବେ ଚେକ୍ କ୍ଲିୟର ହେବ। ସେହି ସମୟରେ, ଯଦି ସବିଶେଷ ତଥ୍ୟ ମେଳ ଖାଉ ନାହିଁ, ତେବେ ଚେକ୍ ପ୍ରଦାନକାରୀଙ୍କ ସହିତ ଯୋଗାଯୋଗ କରାଯିବ।
ଆରବିଆଇର ମୁଦ୍ରା ନୀତି କମିଟି (MPC) ର ଦ୍ୱି-ମାସିକ ସମୀକ୍ଷା ବୈଠକ ନିଆଯାଇଥିବା ନିଷ୍ପତ୍ତି ବିଷୟରେ ସୂଚନା ଦେବା ପରେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି।
