TIME Magazine:ଦୁନିଆର ଶହେ ପ୍ରଭାବଶାଳୀ ବ୍ୟକ୍ତିଙ୍କ ମଧ୍ୟରେ ପିଏମ ମୋଦୀ,କିନ୍ତୁ ସମ୍ପାଦକଙ୍କ ମୋଦୀଙ୍କୁ ସମାଲୋଚନା

ୱାଶିଂଟନ୍ :ଆମେରିକାର ସବୁଠାରୁ ପ୍ରସିଦ୍ଧ ପତ୍ରିକା ଟାଇମ ମଗାଜିନ ୨୦୨୦  (TIME Magazine  2020) ସବୁଠାରୁ ପ୍ରଭାବଶାଳୀ ବ୍ୟକ୍ତିଙ୍କ ନାମ ତାଲିକା ପ୍ରକାଶ କରିଛି। ଦୁନିଆର ସବୁଠାରୁ ପ୍ରସିଦ୍ଧ ତଥା ସମ୍ମାନଜନକ ଟାଇମ୍ ମାଗାଜିନ ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ (PM Narendra Modi) ଙ୍କୁ ବିଶ୍ୱର ୧୦୦ ଜଣ ପ୍ରଭାବଶାଳୀ ବ୍ୟକ୍ତିଙ୍କ ତାଲିକାରେ ଅନ୍ତର୍ଭୁକ୍ତ କରିଛି। ଟାଇମ୍ ମାଗାଜିନ୍ ପ୍ରତିବର୍ଷ ବିଭିନ୍ନ ଅଞ୍ଚଳର ଶହେ ଜଣଙ୍କର ଏକ ତାଲିକା ପ୍ରକାଶ କରେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ପତ୍ରିକା ଦ୍ୱାରା ୨୦୨୦ ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି। ଏହି ତାଲିକାରେ ପ୍ରଧାନମନ୍ତ୍ରୀ ହେଉଛନ୍ତି ଏକମାତ୍ର ଭାରତୀୟ ନେତା।

ତେବେ ଟାଇମ୍ ମାଗାଜିନ୍ ପିଏମ ମୋଦୀଙ୍କ ବିରୋଧରେ କଟୁ ମନ୍ତବ୍ୟ ଦେଇଛି। ଏଥିରେ ଲେଖା ଅଛି, ‘ଗଣତନ୍ତ୍ର ପାଇଁ ସବୁଠାରୁ ଜରୁରୀ ହେଉଛି ମୁକ୍ତ ନିର୍ବାଚନ ନୁହେଁ। କିଏ କେବଳ ଅଧିକ ଭୋଟ୍ ପାଇଛି ତାହା କେବଳ ଦର୍ଶାଏ। ଏହାଠାରୁ ଅଧିକ ଗୁରୁତ୍ୱପୂର୍ଣ୍ଣ, ଯେଉଁମାନେ ବିଜେତାଙ୍କୁ ଭୋଟ୍ ଦେଇ ନାହାଁନ୍ତି ସେମାନଙ୍କ ଅଧିକାର। ୭ ଦଶନ୍ଧି ଧରି ଭାରତ ହେଉଛି ବିଶ୍ୱର ସର୍ବବୃହତ ଗଣତନ୍ତ୍ର। ଭାରତର ୧୩୦ କୋଟି ଜନସଂଖ୍ୟାରେ ଖ୍ରୀଷ୍ଟିଆନ, ମୁସଲମାନ, ଶିଖ, ବୌଦ୍ଧ, ଜୈନ ଏବଂ ଅନ୍ୟ ଧର୍ମର ଲୋକ ଅଛନ୍ତି। ‘

ଟାଇମ୍ ମାଗାଜିନ୍ ସମ୍ପାଦକ କାର୍ଲ ଭିକ୍ (Karl Vick) ପ୍ରଧାନମନ୍ତ୍ରୀ ମୋଦୀଙ୍କୁ କଠୋର ଟାର୍ଗେଟ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ମୁସଲମାନମାନଙ୍କ ବିରୁଦ୍ଧରେ ବୋଲି କହିଥିବାବେଳେ ପତ୍ରିକା କହିଛି ଯେ ଭାରତର ପ୍ରାୟ ସମସ୍ତ ପ୍ରଧାନମନ୍ତ୍ରୀ ୮୦ % ଜନସଂଖ୍ୟା ବିଶିଷ୍ଟ ହିନ୍ଦୁ ସମ୍ପ୍ରଦାୟର। ଏଥିରେ ଅଭିଯୋଗ ହୋଇଛି ଯେ ବିଜେପି ସରକାର ଭାରତରେ ବହୁମୁଖୀତାକୁ ରଦ୍ଦ କରିଦେଇଛନ୍ତି।

 ସୂଚନାଯୋଗ୍ୟ,ଟାଇମ୍ ମାଗାଜିନରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ (Donald Trump), କମଲା ହାରିସ୍ (Kamala Harrris), ଜୋ ବିଡେନ(Joe Biden), ଆଞ୍ଜେଲା ମର୍କେଲ (Angela Merkel), ସି ଜିନପିଙ୍ଗ (Xi Jinping), ତାଇୱାନର ରାଷ୍ଟ୍ରପତି ସେଇ ଇଙ୍ଗ ୱେନ (Tsai Ing-wen) ଙ୍କ ଭଳି ପ୍ରମୁଖ ନେତାମାନେ ମଧ୍ୟ ଏହାର ପ୍ରମୁଖ ନେତାଙ୍କ ତାଲିକାରେ ସ୍ଥାନ ପାଇଛନ୍ତି।

Also Read:

ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ମୋଦୀଙ୍କ ନାମରେ ମାଗୁଛନ୍ତି ଭୋଟ