Home Isolation: ଗୃହ ସଙ୍ଗରୋଧ ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ନୂତନ ନିର୍ଦ୍ଦେଶାବଳୀ ଜାରି
ଦିଲ୍ଲୀ:କରୋନାର ବଢୁଥିବା ବିପଦ ମଧ୍ୟରେ କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ (Ministry of Health and Family Welfare) ଅତି ସାମାନ୍ୟ ଅର୍ଥାତ୍ ସାମାନ୍ୟ ଏବଂ ଅସ୍ୱାଭାବିକ ମାମଲାରେ ଗୃହ ସଙ୍ଗରୋଧରେ (Home Isolation) ପାଇଁ ସଂଶୋଧିତ ନିର୍ଦ୍ଦେଶାବଳୀ ଜାରି କରିଛି। ନୂତନ ଗାଇଡଲାଇନ ଅନୁଯାୟୀ, ସାମାନ୍ୟ ଲକ୍ଷଣ ଥିବା କିମ୍ବା ଲକ୍ଷଣ ବିନା ରୋଗୀ, ଯେଉଁମାନଙ୍କର ଅନ୍ୟ କୌଣସି ରୋଗ ନାହିଁ, ସେମାନେ ଘରେ ଚିକିତ୍ସା କରି ପାରିବେ, କିନ୍ତୁ ଏଥିପାଇଁ ଡାକ୍ତରଙ୍କ ଅନୁମତି ଆବଶ୍ୟକ ହେବ।
ବର୍ତ୍ତମାନ ଗୃହ ସଙ୍ଗରୋଧରେ ରହିଥିବା ବ୍ୟକ୍ତିଙ୍କ ଉପଚାର ପାଇଁ ମନ୍ତ୍ରଣାଳୟ ପକ୍ଷରୁ ନୂଆ ନିର୍ଦ୍ଦେଶାବଳୀ ଜାରି ଅନୁସାରେ ସଙ୍ଗରୋଧରେ ରହିଥିବା ବ୍ୟକ୍ତି ରେମ୍ଡସିଭିର୍ ଇଞ୍ଜକସନ୍ (Remdesivir) ନେଇ ପାରିବେ ନାହିଁ ବୋଲି କୁହାଯାଇଛି। ସେମାନେ କେବଳ ଓରାଲ୍ ଷ୍ଟେରଏଡ୍ ନେଇପାରିବେ। କେବଳ ଡାକ୍ତରଖାନାରେ ରହି ଚିକିତ୍ସା ସମୟରେ ଆବଶ୍ୟକ ହେଲେ ରେମ୍ଡେସିଭିର୍ ଇଞ୍ଜକସନ୍ ଦିଆଯିବ ବୋଲି ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି।
ସେହିପରି ୬୦ ବର୍ଷରୁ ଅଧିକ ବୟସ୍କ ସଂକ୍ରମିତ କିମ୍ବା ଅନ୍ୟାନ୍ୟ ରୋଗରେ ପିଡ଼ିତ ବ୍ୟକ୍ତି ସଂକ୍ରମିତ ହେଲେ ଡାକ୍ତରଙ୍କ ପରାମର୍ଶ ପରେ ଗୃହ ସଙ୍ଗରୋଧରେ ରହିବା ପାଇଁ ଅନୁମତି ଦିଆଯିବ। ଗୃହ ସଙ୍ଗରୋଧରେ ରହିବା ସମୟରେ ଅମ୍ଳଜାନ ସ୍ତର ହ୍ରାସ ପାଇଲେ ଆକ୍ରାନ୍ତ ବ୍ୟକ୍ତିଙ୍କୁ ସଙ୍ଗେ ସଙ୍ଗେ ଡାକ୍ତରଖାନାକୁ ସ୍ଥାନାନ୍ତର କରାଯିବା ଆବଶ୍ୟକ। ସଙ୍ଗରୋଧରେ ରହିବା ସମୟରେ ରୋଗୀ ଉଷୁମ ପାଣି ପିଇବା ତଥା ବାମ୍ଫ ନେବା ଆବଶ୍ୟକ। ସର୍ବାଧିକ ଡୋଜ୍ ଔଷଧ ନେବା ପରେ ଜ୍ୱର ନ କମିଲେ ଡାକ୍ତରଙ୍କ ପରାମର୍ଶ କରିବାକୁ କୁହାଯାଇଛି। ଏଥିସହ ସଂକ୍ରମିତ ବ୍ୟକ୍ତି ଘରେ ମାସ୍କ୍ ପିନ୍ଧିବା ସହ ଅନ୍ୟ ସଦସ୍ୟଙ୍କଠାରୁ ନିଜକୁ ଦୂରେଇ ରଖିବାକୁ ପରାମର୍ଶ ଦିଆଯାଇଛି।
Also Read | Odisha: କେନ୍ଦ୍ରୀୟ ଫୋର୍ସ ମୁତୟନ ବାବଦ ପାଉଣା ଛାଡ଼ କରିବାକୁ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀଙ୍କ ଚିଠି
