Durga Puja: ଆଜି ମାଆ ଦୁର୍ଗାଙ୍କର ମହାସପ୍ତମୀ ପୂଜା
କଟକ: ଶାରଦୀୟ ନବରାତ୍ରୀ ସମଗ୍ର ଦେଶରେ ପାଳନ କରାଯାଉଛି। ଆଜି ହେଉଛି ମା’ ଜଗତଜନନୀ ଦୁର୍ଗାଙ୍କ ପବିତ୍ର ମହାସପ୍ତମୀ ପୂଜା। ଏଥିସହିତ ଆଜି ମଧ୍ୟ ପୂଜା ମଣ୍ଡପରେ ମହାଅଷ୍ଟମୀ ପୂଜା ଅନୁଷ୍ଠିତ ହେଉଛି। ମହାଷଷ୍ଠୀରେ ଧରାପୃଷ୍ଠକୁ ଅବତରଣ କରିସାରିଛନ୍ତି ଦୁର୍ଗତିନାଶିନୀ ମା’ ଦୁର୍ଗା। ଆଜି ହେଉଛି ମହାମାୟାଙ୍କର ଚକ୍ଷୁଦାନ ପରମ୍ପରା।
କୋଭିଡ କଟକଣାକୁ ନେଇ ପୂଜା ମଣ୍ଡପମାନଙ୍କରେ ଶ୍ରଦ୍ଧାଳୁଙ୍କ ଦର୍ଶନ ବାରଣ କରାଯାଇଥିବା ବେଳେ କେବଳ ପୂଜକ ଓ ଆୟୋଜକଙ୍କୁ ନେଇ ପରମ୍ପରା ପାଳନ କରାଯାଉଛି। ମା’ଙ୍କ ଭକ୍ତିରେ ଅବତୀର୍ଣ୍ଣ ହୋଇଥିବା ଭକ୍ତମାନେ ବର୍ତ୍ତମାନ ଅଷ୍ଟମୀ, ନବମୀ ଏବଂ ଦଶହରାକୁ ଅପେକ୍ଷା କରିଛନ୍ତି।
ନବରାତ୍ରୀରେ ସପ୍ତମ ଦିନ ମା’ କାଳରାତ୍ରିଙ୍କୁ ସମର୍ପିତ। ଶାସ୍ତ୍ର ଅନୁଯାୟୀ, ମା କାଳରାତ୍ରିଙ୍କ ଶରୀର ଅନ୍ଧକାର ପରି କଳା ଅଟେ। ବିଶ୍ଵାସ କରାଯାଏ ଯେ ମାତାଙ୍କ ରୂପ ଯେତେ ଉଗ୍ର, ମାତାର ପ୍ରକୃତି ସେତିକି ଦୟାଳୁ। ମା ସର୍ବଦା ନିଜର ଆଶୀର୍ବାଦ ବଜାୟ ରଖନ୍ତି ଏବଂ ଭକ୍ତମାନଙ୍କୁ ଶୁଭ ଫଳାଫଳ ପ୍ରଦାନ କରନ୍ତି। ଏହି କାରଣରୁ ମାତା ଦେବୀ ମଧ୍ୟ ଶୁଭକରୀ ନାମ ପାଇଲେ।
ମା’ ଚନ୍ଦ୍ରଘଣ୍ଟାଙ୍କୁ ପୂଜା କଲେ ଜୀବନରେ ସୁଖ ସମ୍ପଦ ଆସେ
ନବରାତ୍ରିର ସପ୍ତମ ଦିନରେ ମା’ କାଳରାତ୍ରୀଙ୍କ ପୂଜା ସମୟରେ ନିମ୍ନଲିଖିତ ମନ୍ତ୍ର ଜପ କରିବା ଦ୍ୱାରା ମାତାଙ୍କର ଆଶୀର୍ବାଦ ପ୍ରାପ୍ତ ହୁଏ
ଓଁ ଐଂ ହ୍ଲୀଂ କ୍ଲୀଂ ଚାମୁଣ୍ଡାୟୈ ବିଚ୍ଚେ ଓଁ କାଳରାତ୍ରୀ ଦୈୱେ ନମଃ ||
