Watch: PSLV-C49 ରକେଟରୁ ରାଡାର ଇମେଜିଙ୍ଗ ଉପଗ୍ରହ ଓ ୯ଟି ବିଦେଶୀ ଉପଗ୍ରହର ସଫଳ ଉତକ୍ଷେପଣ
ଶ୍ରୀହରିକୋଟା: ଭାରତୀୟ ମହାକାଶ ଗବେଷଣା ସଂଗଠନ (ISRO) ଶନିବାର ଦିନ ଶ୍ରୀହରିକୋଟା (Sriharikota) ସ୍ଥିତ ସତୀଶ ଧାୱନ ମହାକାଶ କେନ୍ଦ୍ର (Satish Dhawan Space Centre) ରୁ ରାଡାର ଇମେଜିଙ୍ଗ ଉପଗ୍ରହ (Radar Imaging Satellite) EOS01 ଉତକ୍ଷେପଣ କରିଛି। PSLV-C49 ରକେଟ୍ ଦେଶର ରାଡାର ଇମେଜିଙ୍ଗ ଉପଗ୍ରହ ସହିତ ନଅଟି ବିଦେଶୀ ଉପଗ୍ରହ ପଠାଇଛି। ଏହି ବର୍ଷ ଏହା ISRO ର ପ୍ରଥମ ମିଶନ।
EOS01 କ’ଣ?
ଏହା ଏକ ରାଡାର ଇମେଜିଙ୍ଗ ଉପଗ୍ରହ। ଏହାର ସିନ୍ଥେଟିକ୍ ଆପେଚର ରାଡାର ମେଘ ମଧ୍ୟରେ ଦେଖିବାରେ ମଧ୍ୟ ସକ୍ଷମ ହେବ। ଏହା ଦିନରାତି ଏବଂ ସମସ୍ତ ଋତୁରେ ଫଟୋ ଉଠାଇବାକୁ ସକ୍ଷମ ହେବ। ଏହା ଆକାଶରୁ ଦେଶର ସୀମା ଉପରେ ନଜର ରଖିବାରେ ସାହାଯ୍ୟ କରିବ। ଏଥିସହ କୃଷି-ବନବିଭାଗ ମୃତ୍ତିକାର ଆର୍ଦ୍ରତା ଚିହ୍ନଟ ଏବଂ ବିପର୍ଯ୍ୟୟ ପରିଚାଳନାକୁ ପରିକ୍ଷଣ କରିବ।
ଆଜି ପର୍ଯ୍ୟନ୍ତ ISRO ୩୨୮ ବିଦେଶୀ ଉପଗ୍ରହ ଉତକ୍ଷେପଣ କରିସାରିଛି। ଏହା ଥିଲା ISRO ର ୫୧ ତମ ମିଶନ।
ବିକ୍ରମ ସାରାବାଇ ସ୍ପେସ୍ ରିସର୍ଚ୍ଚ ସେଣ୍ଟରର ନିର୍ଦ୍ଦେଶକ ଏସ୍ ସୋମନାଥ କହିଛନ୍ତି ଯେ PSLV-C49 ପରେ ଡିସେମ୍ବରରେ PSLV-C50 ଲଞ୍ଚ କରିବାକୁ ଯୋଜନା ରହିଛି। ଗୋଟିଏ ଉନ୍ମୋଚନ ପରେ, ଅନ୍ୟ ପାଇଁ ପ୍ରସ୍ତୁତ ହେବାକୁ ପ୍ରାୟ ୩୦ ଦିନ ଲାଗେ।
WATCH ISRO launches EOS01 and 9 customer satellites from Satish Dhawan Space Centre in Sriharikota pic.twitter.com/2ifOeAYIpx
— ANI (@ANI) November 7, 2020
Also Read| Fake Job Website: ନକଲି ଚାକିରି ପୋର୍ଟାଲ ଖୋଲି କୋଟିଏ ଟଙ୍କାର ଠକେଇ, ୨୭ ହଜାର ଲୋକ ଠକେଇର ଶିକାର
