ନିଜ ଭୁଲ ଯୋଗୁଁ ଭାରତ କ୍ରିକେଟ ବିଶ୍ୱକପ ୨୦୧୯ ଟାଇଟଲ ଜିତିନଥିଲା :ଟମ ମୁଡି

ଅଷ୍ଟ୍ରେଲିଆର ପୂର୍ବତନ କ୍ରିକେଟର ତଥା ବର୍ତ୍ତମାନ ସଫଳ ପ୍ରଶିକ୍ଷକ ଟମ ମୁଡି ବିଶ୍ୱାସ କରନ୍ତି ଯେ ଇଂଲଣ୍ଡରେ ଖେଳାଯାଇଥିବା ବିଶ୍ୱକପ ୨୦୧୯ ରେ ଦଳ ଭିତରେ ଅନିଶ୍ଚିତତା ସୃଷ୍ଟି କରି ଭାରତ ନିଜକୁ କ୍ଷତି ପହଞ୍ଚାଇଛି।

ପୂର୍ବରୁ ଆଇପିଏଲ୍ ଦଳ ସନରାଇଜର୍ସ ହାଇଦ୍ରାବାଦର କୋଚ୍ ଥିବା ମୁଡି କହିଛନ୍ତି ଯେ ଟାଇଟଲ୍ ପାଇଁ ଭାରତ ଏକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଥିଲା କିନ୍ତୁ ଦଳ ମ୍ୟାନେଜମେଣ୍ଟ  ପ୍ରତିଭାକୁ ସଠିକ୍ ଭାବରେ ବ୍ୟବହାର କରିବାରେ ବିଫଳ ହେଲା। ମୁଡି କହିଛନ୍ତି, ‘ଭାରତ ସମ୍ମୁଖୀନ ହେଉଥିବା ଏକ ଚ୍ୟାଲେଞ୍ଜ ହେଉଛି ଖେଳାଳିଙ୍କଠାରୁ ବହୁତ ଆଶା କରିବା। ଏଥିରେ କୌଣସି ସନ୍ଦେହ ନାହିଁ ଯେ ଭାରତରେ କୌଣସି କ୍ରିକେଟ୍ ରାଷ୍ଟ୍ର ଅପେକ୍ଷା ଅଧିକ ପ୍ରତିଭା ଅଛି, କିନ୍ତୁ ଏହା ବେଳେବେଳେ ଏକ ବୋଝ ହୋଇପାରେ। ଯେତେବେଳେ ତୁମେ ଅନେକ ଖେଳାଳିଙ୍କ ମଧ୍ୟରୁ ବାଛିବାକୁ ପଡିବ, ତୁମେ ତୁମର ଚିନ୍ତାଧାରା ଏବଂ ବୁଝାମଣା ସହିତ କେଉଁ ପ୍ରକାରର ଯୋଜନା କରିବାକୁ ଚାହୁଁଛ ସେ ବିଷୟରେ ଧ୍ୟାନ କରିପାରିବ’।

ଟୁର୍ନାମେଣ୍ଟ ପୂର୍ବରୁ ଚାରି ନମ୍ବର ବ୍ୟାଟ୍ସମ୍ୟାନ୍  ବିଷୟରେ ଅନେକ ଆଲୋଚନା ହୋଇଥିଲା ଏବଂ ବିବାଦୀୟ ପରିସ୍ଥିତିରେ ଅମ୍ବାତି ରାଇଡୁଙ୍କୁ ଦଳରୁ ବାହାର କରିଦିଆଯାଇଥିଲା। ମୁଡି କହିଛନ୍ତି, ‘ଏଥିରୁ ଜଣାପଡୁଛି ଯେ ଭାରତ ବାର  ମାସ ପୂର୍ବରୁ ଟୁର୍ନାମେଣ୍ଟ ଖେଳିବାକୁ ପ୍ରସ୍ତୁତ ଥିଲା, କିନ୍ତୁ ଟୁର୍ନାମେଣ୍ଟ ଆରମ୍ଭ ହେବା ପୂର୍ବରୁ ବ୍ୟାଟିଂ କ୍ରମାଙ୍କ ବଦଳାଇ ବ୍ୟାଟିଂ କ୍ରମରେ ଖେଳାଳିଙ୍କୁ ପରିବର୍ତ୍ତନ କରି ସମଗ୍ର ଦଳରେ ଅନିଶ୍ଚିତତା ସୃଷ୍ଟି କରି ଟୁର୍ନାମେଣ୍ଟ ଜିତିବାକୁ ଆଶା ପୂରଣ କରିବାକୁ ଯାଇ ନିଜ ଗୋଡରେ କୁରାଢି ମାରିଥିଲା।

ସୂଚନାଯୋଗ୍ୟ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲିଙ୍କ ଅଧୀନରେ ଟିମ୍ ଇଣ୍ଡିଆ କ୍ରିକେଟ  ବିଶ୍ୱକପ ୨୦୧୯ ରେ ସେମିଫାଇନାଲ ଖେଳିଥିଲା।  ସେମିଫାଇନାଲରେ ଭାରତ ନ୍ୟୁଜିଲାଣ୍ଡକୁ ଭେଟିଥିଲା, କିନ୍ତୁ ଦଳ ଜିତିପାରିଲା ନାହିଁ। ସମଗ୍ର ଟୁର୍ନାମେଣ୍ଟରେ ଭଲ ପ୍ରଦର୍ଶନ କରିଥିବା ଭାରତ ଗୁରୁତ୍ୱପୂର୍ଣ୍ଣ ମ୍ୟାଚରେ ବିଫଳ ହୋଇଥିଲା ଏବଂ ତୃତୀୟ ଥର ପାଇଁ ଏକଦିବସୀୟ ବିଶ୍ୱକପ ଜିତିବାର ଦଳର ସ୍ୱପ୍ନ ଭାଙ୍ଗି ଯାଇଥିଲା।