ଭାରତର ଉଜ୍ଜଳା ଯୋଜନାର ସଫଳତା ବାଂଲାଦେଶରେ ସାମାଜିକ ପରିବର୍ତ୍ତନ ଆଣିବ : ଶ୍ରୀ ଧର୍ମେନ୍ଦ୍ର ପ୍ରଧାନ

ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ଏବଂ ଇସ୍ପାତ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ମଙ୍ଗଳବାର ବାଂଲାଦେଶ ପ୍ରଧାନମନ୍ତ୍ରୀଙ୍କ ଉପଦେଷ୍ଟା ଶ୍ରୀ ସଲମାନ ଫଜଲୁର ରହମାନ ଓ  ଶକ୍ତି ଏବଂ ଖଣିଜ ସମ୍ପଦ ମନ୍ତ୍ରୀ ଶ୍ରୀ ନାସରୁଲ ହମିଦଙ୍କ ଉପସ୍ଥିତିରେ ଇଣ୍ଡିଆନ ଅଏଲ୍ ର ଦୁବାଇ ସ୍ଥିତ ସହାୟକ କମ୍ପାନୀ ଆଇଓସି ମଧ୍ୟ-ପୂର୍ବ ଏଫଜେଡଇ ଏବଂ ବେକ୍ସିମୋ ଗ୍ରୁପ୍ ର ଆରଆର ହୋଲଡିଂ ଲିମିଟେଡ୍ ମଧ୍ୟରେ ମିଳିତ ଉଦ୍ୟମ ଚୁକ୍ତି ହୋଇଛି। ଏହି ମିଳିତ ଉଦ୍ୟୋଗ ମାଧ୍ୟମରେ ବାଂଲାଦେଶ ଏବଂ ଅନ୍ୟାନ୍ୟ ଦେଶରେ ଏହାର ଡାଉନଷ୍ଟ୍ରିମ୍ ବ୍ୟବସାୟକୁ ଆହୁରି ବିସ୍ତାର କରିବା ପାଇଁ ଆଇଓସିଏଲ  ବେକ୍ସିମୋ ସହିତ ଯୋଜନା କରିଛି।

ଏହି ଅବସରରେ ଶ୍ରୀ ପ୍ରଧାନ ଭାରତ ଏବଂ ବାଂଲାଦେଶ ମଧ୍ୟରେ ଦୀର୍ଘ ଦିନର ସମ୍ପର୍କ ବିଷୟରେ କହିଥିଲେ ଯାହା ଇତିହାସ, ସଂସ୍କୃତି ଏବଂ ବଳିଦାନ ସହ ଜଡିତ। ଭାରତ-ବାଂଲାଦେଶ ସଂପର୍କରେ ଶକ୍ତି କ୍ଷେତ୍ରର ଭୂମିକା ବିଷୟରେ ବର୍ଣ୍ଣନା କରି ସେ କହିଛନ୍ତି ଯେ ଗତ କିଛି ବର୍ଷ ମଧ୍ୟରେ ଦୁଇ ଦେଶ ମଧ୍ୟରେ ଶକ୍ତି ସହଯୋଗରେ ଯଥେଷ୍ଟ ଅଗ୍ରଗତି ହୋଇଛି। ସେ କହିଛନ୍ତି ଯେ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜୀଙ୍କ ଆମର ‘ପଡ଼ୋଶୀ ପ୍ରଥମ’ ନୀତି ଅନୁଯାୟୀ ବାଂଲାଦେଶ ସହିତ ଏକ ‘ଶକ୍ତି ବ୍ରିଜ୍’ ନିର୍ମାଣ କରିବାର ଏହା ଏକ ଅଂଶ। ଅକ୍ଟୋବର ରେ ବାଂଲାଦେଶର ପ୍ରଧାନମନ୍ତ୍ରୀଙ୍କ ଭାରତ ଗସ୍ତ ଏହି ପ୍ରତିବଦ୍ଧତାକୁ ଆହୁରି ଦୃଢ କରି ସହଯୋଗର ନୂତନ ସମ୍ଭାବନା ପାଇଁ ଦ୍ୱାର ଖୋଲିଛି।

ଏହି ମିଳିତ ଉଦ୍ୟୋଗ ଚୁକ୍ତି ବିଷୟରେ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ଏବଂ ଇସ୍ପାତ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ବାଂଲାଦେଶ ସହିତ ଦ୍ୱିପାକ୍ଷିକ ଶକ୍ତି ସହଯୋଗକୁ ବୃଦ୍ଧି କରିବା ଦିଗରେ ଏହି ଚୁକ୍ତି ଆଉ ଏକ ପଦକ୍ଷେପ। ସେ କହିଛନ୍ତି ଯେ ଭାରତର ଗ୍ରାମାଞ୍ଚଳରେ ସ୍ୱଚ୍ଛ ରନ୍ଧନ ଇନ୍ଧନ ଭାବରେ ଏଲପିଜି ର ପହଞ୍ଚିବା ପାଇଁ ଆରମ୍ଭ ହୋଇଥିବା ପ୍ରଧାନମନ୍ତ୍ରୀ ଉଜ୍ଜଳା ଯୋଜନାର କାର୍ଯ୍ୟକାରିତାକୁ ଆଗେଇ ନେବାରେ ଭାରତୀୟ ତୈଳ ର ଅଭିଜ୍ଞତା ବାଂଲାଦେଶରେ ଏଲପିଜି ବ୍ୟବହାରକୁ ପ୍ରୋତ୍ସାହିତ କରିବାରେ ସାହାଯ୍ୟ କରବ।  

ଏହି ଅବସରରେ ବଙ୍ଗଳାଦେଶର ପ୍ରଧାନମନ୍ତ୍ରୀଙ୍କ ଉପଦେଷ୍ଟା ଶ୍ରୀ ସଲମାନ ଫଜଲୁର ରହମାନ କହିଛନ୍ତି ଯେ ଏହି ମିଳିତ ଉଦ୍ୟୋଗ ଚୁକ୍ତିନାମା (ଜେଭିଏ) ବାଂଲାଦେଶର ଉଲ୍ଲେଖନୀୟ ବିନିଯୋଗ ସମ୍ଭାବନା ପାଇଁ ଏକ ଆଦେଶ ଭାବରେ କାର୍ଯ୍ୟ କରିବା ଉଚିତ। ସେ କହିଛନ୍ତି ଯେ ଏକ ସମୟରେ ଯେତେବେଳେ ସମଗ୍ର ବିଶ୍ୱ କୋଭିଡ-୧୯  ମହାମାରୀର ଭୟଙ୍କର ଅର୍ଥନୈତିକ  ପରିଣାମ ସହ ମୁକାବିଲା କରୁଛି, ଏହି ବିନିଯୋଗ ବାଂଲାଦେଶ ଏବଂ ଭାରତ ମଧ୍ୟରେ ନମନୀୟ ଏବଂ ସ୍ଥାୟୀ ବନ୍ଧୁତାକୁ ମଧ୍ୟ ପ୍ରତିଫଳିତ କରୁଛି।