କଙ୍ଗନା ରାନାୱତଙ୍କୁ Y+ ବର୍ଗର ସୁରକ୍ଷା,ଗୃହମନ୍ତ୍ରୀ ଅମିତ ଶାହାଙ୍କୁ ଟୁଇଟ୍ କରି କହିଲେ ଧନ୍ୟବାଦ
ନୂଆଦିଲ୍ଲୀ: ଗୃହ ମନ୍ତ୍ରଣାଳୟ ଦ୍ୱାରା ବଲିଉଡ ଅଭିନେତ୍ରୀ କଙ୍ଗନା ରାନାୱତ (Kangana Ranaut )ଙ୍କୁ Y+(Y+ Security) ବର୍ଗର ସୁରକ୍ଷା ଦିଆଯାଇଛି। କଥା ହେଉଛି କଙ୍ଗନା ରାନାୱତ ଏବଂ ଶିବସେନା ନେତା ସଞ୍ଜୟ ରାଉତଙ୍କ ମଧ୍ୟରେ ବାକ୍ ଯୁଦ୍ଧ ତୀବ୍ର ହୋଇଥିଲା। ସଞ୍ଜୟ ରାଉତ କଙ୍ଗନାଙ୍କୁ ମୁମ୍ବାଇ ନ ଆସିବାକୁ ପରାମର୍ଶ ଦେଇଥିଲେ। ଏହା ପରେ କଙ୍ଗନା ରାନାୱତ ମୁମ୍ବାଇ ଆସିବାକୁ ନିଷ୍ପତ୍ତି ନେଇଥିଲେ। ବର୍ତ୍ତମାନ କଙ୍ଗନାକୁ Y+ ବର୍ଗର ସୁରକ୍ଷା ଦେବାକୁ ନିଷ୍ପତ୍ତି ନିଆଯାଇଛି। କଙ୍ଗନା ଟ୍ୱିଟ୍ କରି ଗୃହମନ୍ତ୍ରୀ ଅମିତ ଶାହାଙ୍କୁ ଧନ୍ୟବାଦ ଜଣାଇଛନ୍ତି।
କଙ୍ଗନା ଟ୍ୱିଟରରେ କହିଛନ୍ତି, ‘ଏହା ଏକ ପ୍ରମାଣ ଯେ କୌଣସି ଫାସୀବାଦୀ ବର୍ତ୍ତମାନ କୌଣସି ଦେଶପ୍ରେମୀର ସ୍ୱରକୁ ଦବାଇ ପାରିବେ ନାହିଁ, ମୁଁ ଅମିତ ଶାହା ଜୀଙ୍କୁ ଧନ୍ୟବାଦ ଦେଉଛି। ସୃଷ୍ଟି ହୋଇଥିବା ପରିସ୍ଥିତି ଯୋଗୁଁ ସେ ମୋତେ କିଛି ଦିନ ପରେ ମୁମ୍ବାଇ ଯିବାକୁ ପରାମର୍ଶ ଦେଇଥାନ୍ତେ,କିନ୍ତୁ ସେ ଭାରତର ଗୋଟିଏ ଝିଅର କଥା ରଖିଛନ୍ତି, ଆମର ସ୍ଵାଭିମାନ ଏବଂ ଆତ୍ମସମ୍ମାନର ମର୍ଯ୍ୟାଦା ରକ୍ଷା କରିଛନ୍ତି , ଜୟ ହିନ୍ଦ।’
କେନ୍ଦ୍ର ଗୃହ ମନ୍ତ୍ରଣାଳୟ ଦ୍ୱାରା କଙ୍ଗନା ରାଣାଟଙ୍କୁ Y+ ବର୍ଗର ସୁରକ୍ଷା ଦେବା ପରେ ବର୍ତ୍ତମାନ ସେମାନଙ୍କ ସୁରକ୍ଷା ଅଧୀନରେ ୧୧ ଜଣ ପୋଲିସ ନିୟୋଜିତ ହେବେ। ଏଥିରେ ଜଣେ କିମ୍ବା ୨ ଜଣ କମାଣ୍ଡୋ ଏବଂ ବାକି ପୋଲିସ୍ ରହିବେ। ଖବର ଅନୁସାରେ ସେପ୍ଟେମ୍ବର ୯ରେ ଯେତେବେଳେ କଙ୍ଗନା ମୁମ୍ବାଇରେ ପହଞ୍ଚିବେ, ସେତେବେଳେ ତାଙ୍କୁ Y+ ଶ୍ରେଣୀର ସୁରକ୍ଷା ମିଳିବ।
ये प्रमाण है की अब किसी देशभक्त आवाज़ को कोई फ़ासीवादी नहीं कुचल सकेगा,मैं @AmitShah जी की आभारी हूँ वो चाहते तो हालातों के चलते मुझे कुछ दिन बाद मुंबई जाने की सलाह देते मगर उन्होंने भारत की एक बेटी के वचनों का मान रखा, हमारे स्वाभिमान और आत्मसम्मान की लाज रखी, जय हिंद 🙏 https://t.co/VSbZMG66LT
— Kangana Ranaut (@KanganaTeam) September 7, 2020
Also Read:
କେବଳ ଜଣେ ଯାତ୍ରୀ ପାଇଁ ରେଳବାଇ ରାଜଧାନୀ ଏକ୍ସପ୍ରେସକୁ ଚଳେଇଲା, ଆସନ୍ତୁ ଜାଣିବା ପୁରା ଘଟଣା
