Faraaz Khan: ‘ଫରେବ’ ଏବଂ ‘ମେହେନ୍ଦି’ ଚଳଚ୍ଚିତ୍ରର ଅଭିନେତା ଫାରାଜ ଖାନଙ୍କ ପରଲୋକ
୯୦ ଦଶକରେ ‘ଫରେବ’ ଏବଂ ‘ମେହେନ୍ଦୀ’ ଭଳି ଚଳଚ୍ଚିତ୍ରରେ ଅଭିନେତା ଫାରାଜ ଖାନ (Faraaz Khan) ଙ୍କର ୪୬ ବର୍ଷ ବୟସରେ ଦେହାନ୍ତ ହୋଇଛି। ସେ ଦୀର୍ଘ ସମୟ ଧରି ଅସୁସ୍ଥ ଥିଲେ। ତାଙ୍କ ମସ୍ତିଷ୍କରେ ସଂକ୍ରମଣ ହୋଇଥିଲା। ସେ ବାଙ୍ଗାଲୋରର ବିକ୍ରମ ହସ୍ପିଟାଲରେ ଚିକିତ୍ସିତ ହେଉଥିଲେ। ଦୀର୍ଘ ଦିନ ଧରି ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଆଇସିୟୁ ୱାର୍ଡରେ ଭର୍ତ୍ତି କରାଯାଇଥିଲା। ବୁଧବାର ଦିନ ଫରାଜ ଜୀବନ ଯୁଦ୍ଧରେ ହାରି ମୃତ୍ୟୁ ବରଣ କରିଛନ୍ତି।
ଏହି ବିଷୟରେ ସୂଚନା ଦେଇ ଅଭିନେତ୍ରୀ ପୂଜା ଭଟ୍ଟ ଟ୍ୱିଟରରେ ଲେଖିଛନ୍ତି, ‘ମୋତେ ଭାରି ହୃଦୟରୁ କହିବାକୁ ପଡୁଛି ଯେ ଫାରାଜ ଖାନ ସବୁଦିନ ପାଇଁ ଚାଲିଯାଇଛନ୍ତି ଏବଂ ଏକ ଭଲ ସ୍ଥାନକୁ ଯାଇଛନ୍ତି। ମୁଁ ସେହି ସମସ୍ତଙ୍କୁ କୃତଜ୍ଞତା ଜଣାଇବାକୁ ଚାହେଁ ଯେଉଁମାନେ ସେହି କଷ୍ଟ ସମୟରେ ସାହାଯ୍ୟ କରିଥିଲେ ଏବଂ ପ୍ରାର୍ଥନା କରିଥିଲେ ଯେତେବେଳେ ସେମାନେ ଏହାକୁ ଅଧିକ ଆବଶ୍ୟକ କରନ୍ତି। ଫାରାଜଙ୍କ ମୃତ୍ୟୁରୁ ଆସିଥିବା ଶୂନ୍ୟସ୍ଥାନକୁ କେହି କେବେ ପୂରଣ କରିବେ ନାହିଁ।
With a heavy heart I break the news that #FaraazKhan has left us for what I believe, is a better place.Gratitude to all for your help & good wishes when he needed it most.Please keep his family in your thoughts & prayers.The void he has left behind will be impossible to fill 🙏
— Pooja Bhatt (@PoojaB1972) November 4, 2020
ସୂଚନାଯୋଗ୍ୟ, ଆର୍ଥିକ ଅଭାବ ହେତୁ ଫାରାଜ ଚିକିତ୍ସାରେ ଅସୁବିଧାର ସମ୍ମୁଖୀନ ହୋଇଥିଲେ, ଏହା ପରେ ତାଙ୍କ ପରିବାର ସଦସ୍ୟ ଏକ ପାଣ୍ଠି ସଂଗ୍ରହ ୱେବସାଇଟରେ ସାହାଯ୍ୟ ମାଗିଥିଲେ। ଫରାଜଙ୍କ ଚିକିତ୍ସା ପାଇଁ ପରିବାରକୁ ୨୫ ଲକ୍ଷ ଟଙ୍କା ଦରକାର ଥିଲା। ଯାହା ପରେ ସଲମାନ ଖାନ ମଧ୍ୟ ଆଗକୁ ଆସିଥିଲେ। ଫାରାଜଙ୍କ ଡାକ୍ତରୀ ବିଲ୍ ପୈଠ କରିବାକୁ ସେ ତାଙ୍କ ପରିବାରକୁ ଅର୍ଥ ପ୍ରଦାନ କରିଥିଲେ।
ଫାରାଜଙ୍କ ରୋଗ ବିଷୟରେ ସୂଚନା ପାଣ୍ଠି ସଂଗ୍ରହ ୱେବସାଇଟରେ ଦିଆଯାଇଥିଲା ଯେଉଁଥିରେ କୁହାଯାଇଥିଲା ଯେ ଗତ ଏକ ବର୍ଷ ଧରି ଫାରାଜଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ଥିଲା।
