Covid19 Latest Updates: କରୋନା କଟକଣା, ଏହି ଜିଲ୍ଲାରେ ୪ରୁ ଅଧିକ ଲୋକ ଏକାଠି ହେବା ମନା
ମୁମ୍ବାଇ: କରୋନା (Covid-19) ସଂକ୍ରମଣର ଦ୍ୱିତୀୟ ଲହର ମଧ୍ୟରେ ମହାରାଷ୍ଟ୍ର (Maharashtra) ରେ ଲଗାତାର ପ୍ରତିବନ୍ଧକ ବୃଦ୍ଧି ପାଉଛି। ଔରଙ୍ଗାବାଦ (Aurangabad) ଜିଲ୍ଲାରେ ୪ରୁ ଅଧିକ ଲୋକଙ୍କୁ ଏକାଠି ହେବାକୁ ବାରଣ କରାଯାଇଛି। ଜିଲ୍ଲା ପ୍ରଶାସନ ଦ୍ଵାରା ଜାରି କରାଯାଇଥିବା ନିର୍ଦ୍ଦେଶରେ ଦର୍ଶାଯାଇଛି ଯେ ଏହି ରୋକ ଏପ୍ରିଲ୍ ୪ପର୍ଯ୍ୟନ୍ତ ଜାରୀ ରହିବ।
ମହାରାଷ୍ଟ୍ରର ଔରଙ୍ଗାବାଦ ଜିଲ୍ଲାରେ ୧୨୭୧ ନୂତନ କରୋନା ଭୂତାଣୁ ଚିହ୍ନଟ ହୋଇଥିବା ବେଳେ ସଂକ୍ରମିତ ରୋଗୀଙ୍କ ସଂଖ୍ୟା ୬୦ ହଜାର ୧୦୦ କୁ ବୃଦ୍ଧି ପାଇଛି। ମଙ୍ଗଳବାର ଦିନ ଏହି ନୂତନ ମାମଲା ସହିତ ସଂକ୍ରମଣରେ ଆହୁରି ୭ ଜଣଙ୍କର ମୃତ୍ୟୁ ଘଟିଛି, ଯାହା ଫଳରେ ଜିଲାରେ ମୃତ୍ୟୁ ସଂଖ୍ୟା ୧୩୫୧ କୁ ବୃଦ୍ଧି ପାଇଛି।
ଜିଲ୍ଲା ପ୍ରଶାସନ ସୂଚନାଅନୁସାରେ ଏପର୍ଯ୍ୟନ୍ତ କୋଭିଡ-୧୯ ରୁ ୫୨ ହଜାର ୭୩ ଲୋକ ସୁସ୍ଥ ହୋଇଥିବାବେଳେ ଜିଲ୍ଲାରେ ୬ ହଜାର ୬୭୬ ରୋଗୀ ଚିକିତ୍ସିତ ହେଉଛନ୍ତି। ଔରଙ୍ଗାବାଦ ମ୍ୟୁନିସିପାଲିଟି କର୍ପୋରେସନ ମଙ୍ଗଳବାର ଦିନ ସହରରେ ମାସ୍କ ଲଗାଇ ନ ଥିବାରୁ ୫୩ ଜଣଙ୍କୁ ଗିରଫ କରିଛି ଏବଂ ୨୬ ହଜାର ୫୦୦ଟଙ୍କା ଜରିମାନା ଆଦାୟ କରିଛି। ମହାନଗର ନିଗମର ଜଣେ ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ ମହାନଗର ନିଗମ କୋଭିଡ-୧୯ ରୋଗୀଙ୍କ ପାଇଁ ଶଯ୍ୟା ସଂଖ୍ୟାକୁ ୫ ହଜାର କୁ ବୃଦ୍ଧି କରୁଛି।
[amazon_auto_links id=”9932″]
Also Read | Pipili By-Election: ଏପ୍ରିଲ୍ ୧୭ରେ ହେବ ପିପିଲି ଉପନିର୍ବାଚନ, ମେ ୨ରେ ଫଳାଫଳ
