Naveen Patnaik: ସଂସଦରେ ନବୀନଙ୍କୁ ପ୍ରଶଂସା କଲେ ଅମିତ ଶାହା
ନୂଆଦିଲ୍ଲୀ: କେରଳର ୱାୟାନାଡରେ ଏକ ଭୂସ୍ଖଳନ ଘଟଣା (Landslides in Kerala’s Wayanad) ସମ୍ପର୍କରେ ଗୃହମନ୍ତ୍ରୀ ଅମିତ ଶାହା ସଂସଦରେ ଏକ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ ଏହି ଘଟଣାରେ ପ୍ରାଣ ହରାଇଥିବା ଲୋକଙ୍କ ପରିବାର ପ୍ରତି ମୋର ସମବେଦନା ରହିଛି। ଏହି ସମୟରେ ସେ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ (Naveen Patnaik) ଙ୍କୁ ପ୍ରଶଂସା କରିଛନ୍ତି।
ସଂସଦରେ ଗୃହମନ୍ତ୍ରୀ ଶାହା କହିଛନ୍ତି ଯେ ଜୁଲାଇ ୨୩ ରେ କେରଳ ସରକାରଙ୍କୁ କେନ୍ଦ୍ର ସରକାର ଶୀଘ୍ର ଚେତାବନୀ ଦେଇଥିଲେ। ୨୩ ଜୁଲାଇ, ୨୪ ଜୁଲାଇ ଏବଂ ୨୫ ଜୁଲାଇରେ କେରଳ ସରକାରଙ୍କୁ ଶୀଘ୍ର ସତର୍କ ସୂଚନା ଦିଆଯାଇଥିଲା। ଜୁଲାଇ ୨୬ ରେ, ୨୦ ମିଲିମିଟରରୁ ଅଧିକ ବର୍ଷା ହେବ ବୋଲି କୁହାଯାଇଥିଲା। ଭୂସ୍ଖଳନ ଓ କାଦୁଅ ମଧ୍ୟ ହୋଇପାରେ। ଆମର ପ୍ରାରମ୍ଭିକ ଚେତାବନୀରେ ଆମେ କିଛି ମୃତ୍ୟୁ ମଧ୍ୟ ଆଶା କରିଥିଲୁ।
ଶାହା କହିଛନ୍ତି ଯେ କେରଳ ବ୍ୟତୀତ ଆମେ ଅନ୍ୟ ରାଜ୍ୟମାନଙ୍କୁ ମଧ୍ୟ ଶୀଘ୍ର ଚେତାବନୀ ଦେଇଛୁ। ସେ ମଧ୍ୟ ଭଲ କାମ କରିଥିଲେ। ଓଡିଶାରେ ନବୀନ ବାବୁ (Naveen Patnaik) ଙ୍କ ସରକାର ଥିଲା, ଆମେ ସାତ ଦିନ ପୂର୍ବରୁ ବାତ୍ୟାକୁ ନେଇ ସତର୍କ ସୂଚନା ଦେଇଥିଲୁ। ସେ ଏକ ଭଲ କାମ କରିଥିଲେ, ଏହି କାରଣରୁ କେବଳ ଜଣଙ୍କର ମୃତ୍ୟୁ ହୋଇଥିଲା। ନବୀନ ବାବୁ ପ୍ରଶଂସାର ପାତ୍ର।
ସେହିପରି ଆମେ ପଶ୍ଚିମବଙ୍ଗ ସରକାରକୁ ମଧ୍ୟ ଶୀଘ୍ର ଚେତାବନୀ ଦେଇଥିଲୁ, ସେମାନେ ମଧ୍ୟ ବହୁତ ଭଲ କାମ କରିଥିଲେ। ବଙ୍ଗଳାରେ କେବଳ ୭ ଗୋରୁଙ୍କର ମୃତ୍ୟୁ ଘଟିଥିଲା। ଭାରତରେ ବିଶ୍ୱର ସର୍ବଶ୍ରେଷ୍ଠ ପ୍ରାରମ୍ଭିକ ଚେତାବନୀ ବ୍ୟବସ୍ଥା ଅଛି।
ଶାହା ଆହୁରି କହିଛନ୍ତି ୨୦୧୪ରେ ପ୍ରଧାନମନ୍ତ୍ରୀ ହେବା ପରେ ନରେନ୍ଦ୍ର ମୋଦୀ ୨୦୧୬ରେ ଆଗୁଆ ଚେତାବନୀ ପ୍ରଣାଳୀର ବିକାଶ କାମ ଆରମ୍ଭ କରିଥିଲେ। ୨ ହଜାର କୋଟି ଟଙ୍କା ଖର୍ଚ୍ଚ ହୋଇଥିଲା। ସାତ ଦିନ ପୂର୍ବରୁ ଦୁନିଆର କେବଳ ୪ଟି ଦେଶରେ ପ୍ରାରମ୍ଭିକ ଚେତାବନୀ ବ୍ୟବସ୍ଥା ଅଛି, ଯେଉଁଥିରେ ଭାରତ ଅନ୍ତର୍ଭୁକ୍ତ।
ଶାହା ଗୃହରେ କହିଛନ୍ତି ଯେ ମୋର ଅନୁମୋଦନ କ୍ରମେ ନଅଟି ଏନଡିଆରଏଫ ଦଳ ୨୩ରେ କେରଳ ଯାଇଥିଲେ। ଗତକାଲି ୩ଟି ଟିମ୍ ଥିଲେ। ଯଦି ଏନଡିଆରଏଫ ପହଞ୍ଚିବା ମାତ୍ରେ କେରଳ ସରକାର ସତର୍କ ହୋଇଯାଇଥାନ୍ତେ ତେବେ ଜୀବନ ରକ୍ଷା ହୋଇଥାନ୍ତା। କେରଳର ଲୋକଙ୍କୁ ସେଠାରୁ ସ୍ଥାନାନ୍ତର କରାଯାଇ ନାହିଁ। ଏହା ପରେ କେରଳ ସରକାର କ’ଣ କଲେ? ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଥିଲେ କି? ଯଦି ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଥିଲେ ତେବେ ଏତେ ଲୋକଙ୍କ ଜୀବନ ଗଲା କେମିତି? ମୁଁ ଏଭଳି ସ୍ଥିତିରେ କାହାକୁ ଦୋଷାରୋପ କରିବାକୁ ଚାହୁନାହିଁ। ଆମ ସମସ୍ତଙ୍କୁ ଏବେ ଏକାଠୀ ହୋଇ କେରଳ ସହ ଛିଡା ହେବାର ସମୟ ଆସିଛି। ରାଜନୀତି ପାଇଁ ଏହା ସମୟ ନୁହେଁ ବରଂ ଲୋକଙ୍କ ସହ ଛିଡା ହେବାର ସମୟ। ନରେନ୍ଦ୍ର ମୋଦୀଙ୍କ ସରକାର କେରଳର ଲୋକଙ୍କ ସହ ଛିଡା ହୋଇଛନ୍ତି।
Speaking on Wayanad landslides in Lok Sabha, Union Home Minister Amit Shah says, "I have only one request that all State governments should take preventive action following early warnings issued to them. I want to assure the people of Kerala that the Govt of India is standing… pic.twitter.com/ZQWKacmEDc
— ANI (@ANI) July 31, 2024
Trending Searches Today |
Landslides in Kerala’s Wayanad: ଜୁଲାଇ ୨୩ରେ କେରଳକୁ ସତର୍କ ସହିତ ଏନଡିଆରଏଫ ପଠାଯାଇଥିଲା: ଅମିତ ଶାହ
