କେବଳ ଜଣେ ଯାତ୍ରୀ ପାଇଁ ରେଳବାଇ ରାଜଧାନୀ ଏକ୍ସପ୍ରେସକୁ ଚଳେଇଲା, ଆସନ୍ତୁ ଜାଣିବା ପୁରା ଘଟଣା

ଭାରତୀୟ ରେଳ ଇତିହାସରେ ପ୍ରଥମଥର ରେଳବାଇକୁ କେବଳ ଜଣେ ଯାତ୍ରୀଙ୍କ ପାଇଁ ରାଜଧାନୀ ଏକ୍ସପ୍ରେସ (Rajdhani Express ) ଚଳାଇବାକୁ ପଡିଛି।

ସୂଚନାନୁସାରେ, ବିଏଚୟୁ (Banaras Hindu University)ରେ ପଢୁଥିବା ଜଣେ ଛାତ୍ରୀ ତାଙ୍କ ଘରକୁ ଆସିବା ପାଇଁ ନୂଆଦିଲ୍ଲୀ-ରାଞ୍ଚି ସ୍ପେଶାଲ ରାଜଧାନୀ ଏକ୍ସପ୍ରେସ (New Delhi –Ranchi Special Train ) ରେ ରାଞ୍ଚି ଅଭିମୁଖେ ଯାତ୍ରା କରିଥିଲେ। ଟ୍ରେନ୍ ଟାନା ଭାଗବତ (Tana Bhagats) ଙ୍କ ତିନି ଦିନ ଧରି ଆନ୍ଦୋଳନ କରୁଥିବା ଯୋଗୁଁ ଡାଲଟନଗଞ୍ଜ (Daltonganj Station) ରେ ଟ୍ରେନ୍ ଅଟକି ରହିଥିଲା। ଅନେକ ଘଣ୍ଟା ବିତିଯିବା ପରେ ମଧ୍ୟ ଯେତେବେଳେ ଏହି ଆନ୍ଦୋଳନ ଶେଷ ହୋଇନଥିଲା। ରେଳବାଇ ନିଷ୍ପତ୍ତି ନେଇଥିଲା ଯେ ରାଜଧାନୀ ଏକ୍ସପ୍ରେସରେ ଥିବା ୯୩୦  ଯାତ୍ରୀଙ୍କୁ ବସ୍ ଯୋଗେ ଡାଲଟନଗଞ୍ଜ ଷ୍ଟେସନରୁ ରାଞ୍ଚି ଅଭିମୁଖେ ବସ୍ ଯୋଗେ ଯାତ୍ରୀମାନଙ୍କୁ ପଠାଇବ। ସମସ୍ତ ଯାତ୍ରୀଙ୍କୁ ନେବା ପାଇଁ ବସ୍ ଡକାଯାଇଥିଲା ଏବଂ ସେମାନଙ୍କୁ ବସରେ ପଠାଯାଇଥିଲା। କିନ୍ତୁ  ଜଣେ ଛାତ୍ରୀ ବସ୍ ଯୋଗେ ଯିବାକୁ ମନା କରିଦେଇଥିଲେ।

ସେ କହିଛନ୍ତି ଯେ ଯେତେବେଳେ ସେ ଟ୍ରେନରେ ଯାତ୍ରା ପାଇଁ ଟଙ୍କା ଦେଇଛନ୍ତି, ସେ ବସ୍ ଯୋଗେ ଯିବେ ନାହିଁ। ରେଳ ଅଧିକାରୀମାନେ ଛାତ୍ରୀଙ୍କୁ ଦୀର୍ଘ ସମୟ ଧରି ବୁଝାଇଥିଲେ। ଏହା ପରେ ମଧ୍ୟ ଯେତେବେଳେ ସେ ଶୁଣିନଥିଲେ, ତାଙ୍କ କଥା ରେଳ ମୁଖ୍ୟାଳୟକୁ ପଠାଯାଇଥିଲା। ରେଳ ଅଧିକାରୀମାନେ ଝିଅଟିକୁ କାରରେ ରାଞ୍ଚି ପଠାଇବାକୁ ପ୍ରସ୍ତାବ ଦେଇଥିଲେ କିନ୍ତୁ ସେ ଝିଅ ପ୍ରସ୍ତୁତ ନଥିଲେ। ସେ କେବଳ ରାଜଧାନୀ ଏକ୍ସପ୍ରେସରେ  ଯିବେ ବୋଲି ଜିଦ୍ ଧରିଥିଲେ। ଦୀର୍ଘ ସମୟ ପରେ ରାଜଧାନୀ ଏକ୍ସପ୍ରେସ ଦ୍ୱାରା ଛାତ୍ରୀଙ୍କୁ ରାଞ୍ଚି ପଠାଇବାକୁ ନିଷ୍ପତ୍ତି ନିଆଗଲା।

ଏହି ଟ୍ରେନଟି ସିଧାସଳଖ ରଣତଗଞ୍ଜରୁ ରାଞ୍ଚି ଆସିବାକୁ ଥିଲା। ଡାଲ୍ଟନଗଞ୍ଜ ଠାରୁ ରାଞ୍ଚି ପର୍ଯ୍ୟନ୍ତ ଦୂରତା ହେଉଛି ୩୦୮ କିଲୋମିଟର।  କିନ୍ତୁ, ଟ୍ରେନକୁ ଗୋମୋ ଏବଂ ବୋକାରୋ ଦେଇ ଗୟା ଠାରୁ ରାଞ୍ଚି ଛାଡିବାକୁ ପଡିଲା।  ଏହିପରି, ଟ୍ରେନକୁ ୫୩୫ କିଲୋମିଟର ଦୂରତା ଅତିକ୍ରମ କରିବାକୁ ପଡିଲା। ୧୫ ଘଣ୍ଟାରୁ ଅଧିକ ବିଳମ୍ବରେ  ଟ୍ରେନ ରାଞ୍ଚିରେ ପହଞ୍ଚିଥିଲା। ଛାତ୍ରୀଙ୍କ  ସୁରକ୍ଷା ପାଇଁ ଅନେକ ମହିଳା ଆରପିଏଫ କନଷ୍ଟେବଳ ନିୟୋଜିତ ହୋଇଥିଲେ।

ଛାତ୍ରୀ ଜଣଙ୍କ ହେଉଛନ୍ତି ,ହେଭି ଇଞ୍ଜିନିୟରିଂ କର୍ପୋରେସନ୍ (HEC) ର ଅବସରପ୍ରାପ୍ତ ଅଧିକାରୀଙ୍କ ଝିଅ ଓ ସେ ବର୍ତ୍ତମାନ ବନାରସ ହିନ୍ଦୁ ବିଶ୍ୱବିଦ୍ୟାଳୟ (BHU) ରେ  ଆଇନ (LLB) ଡିଗ୍ରୀ ହାସଲ କରୁଛନ୍ତି। “ବସ୍ କିମ୍ବା ଟ୍ୟାକ୍ସି ଯୋଗେ ଯାତ୍ରା କରିବାକୁ ମୋତେ ଚାପ ଦିଆଯାଇଥିଲା, କିନ୍ତୁ ମୁଁ ଟ୍ରେନ୍ ଯାତ୍ରା ପାଇଁ ଦେୟ ଦେଇସାରିଥିବାରୁ ମୁଁ ଏହା ପାଇଁ ପ୍ରସ୍ତୁତ ନଥିଲି। ଶେଷରେ, ଯେତେବେଳେ ମୁଁ ଟ୍ୱିଟର ମାଧ୍ୟମରେ ଭାରତୀୟ ରେଳବାଇକୁ ସୂଚନା ଦେଲି, ସେମାନେ ମୋତେ ଟ୍ରେନରେ ରାଞ୍ଚି ପଠାଇଲେ ବୋଲି ଛାତ୍ରୀ କହିଛନ୍ତି।

ସୂଚନଯୋଗ୍ୟ ,୨୫୦ରୁ ଅଧିକ ଟାନା ଭାଗବତ, ଉଭୟ ପୁରୁଷ ଏବଂ ମହିଳା, ଟୋରୀ ଜଙ୍କସନରେ ପୂଜା କରିବା, ଭଜନ ଗାଇବା ଏବଂ ରେଳ ଟ୍ରାକ୍  ରେ ଖାଦ୍ୟ ରାନ୍ଧି ଆନ୍ଦୋଳନ କରୁଛନ୍ତି, ଫଳରେ ଅନେକ ଟ୍ରେନ୍ ଚଳାଚଳ ପ୍ରଭାବିତ ହୋଇଛି।

Also Read:

ସ୍ନାତକ ମାର୍କ ଅନୁସାରେ MBA, PGDM ରେ ଏ ବର୍ଷ ଆଡମିଶନ ପାଇଁ AICTE ର ଅନୁମତି

ଭାରତୀୟ ରେଳବାଇରେ ନିଯୁକ୍ତି ଖବରକାଗଜରେ ବାହାରିଥିବା ବିଜ୍ଞାପନ ସମ୍ପୂର୍ଣ୍ଣ ମିଛ, ଭାରତୀୟ ରେଳବାଇ ବେସରକାରୀ ସଂସ୍ଥାକୁ ନିଯୁକ୍ତି ପାଇଁ ଅନୁମତି ଦିଏ ନାହିଁ : ଭାରତୀୟ ରେଳବାଇ