Russia-Ukraine Live: ୟୁକ୍ରେନରେ ଜରୁରୀକାଳୀନ ପରିସ୍ଥିତି ଘୋଷଣା, ରୁଷ ଛାଡିବାକୁ ନାଗରିକଙ୍କୁ ନିର୍ଦ୍ଦେଶ  

ନୂଆଦିଲ୍ଲୀ: Russia-Ukraine Live ବୁଧବାର ୟୁକ୍ରେନ (Ukraine) ଜରୁରୀକାଳୀନ ପରିସ୍ଥିତି ଘୋଷଣା କରିଛି (Ukraine declares nationwide state of emergency)। ଏଥି ସହିତ, ୟୁକ୍ରେନ ନିଜ ନାଗରିକମାନଙ୍କୁ ତୁରନ୍ତ ରୁଷ (Russia) ଛାଡିବାକୁ କହିଛି। ଅନ୍ୟପକ୍ଷରେ, ତିକ୍ତତା ମଧ୍ୟରେ ରୁଷ ୟୁକ୍ରେନରୁ ନିଜ କୂଟନୀତିଜ୍ଞଙ୍କୁ ଫେରେଇ ଆଣିବାକୁ ଘୋଷଣା କରିଛି। ସେହିପରି ୟୁକ୍ରେନର ପୂର୍ବ ଅଞ୍ଚଳ ସହିତ କୂଟନୈତିକ ସମ୍ପର୍କ ଆରମ୍ଭ କରିଛି ଯାହା ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ (Vladimir Putin) ଦିନେ ପୂର୍ବରୁ ଏହା ଏକ ସ୍ଵାଧୀନ ଦେଶ (Independence of rebel regions in eastern Ukraine) ଭାବରେ ମାନ୍ୟତା ଦେଇଥିଲେ।

ସେହିପରି ବୁଧବାର ରୁଷିଆ ୟୁକ୍ରେନର ବ୍ୟାଙ୍କ ଏବଂ ପ୍ରତିରକ୍ଷା, ବିଦେଶୀ, ଆଭ୍ୟନ୍ତରୀଣ ସୁରକ୍ଷା ଭଳି ଗୁରୁତ୍ୱପୂର୍ଣ୍ଣ ୱେବସାଇଟ୍ ଉପରେ ସାଇବର ଆକ୍ରମଣ (Cyber Attacks) କରିଥିଲା। ଏହାର ଜବାବରେ ୟୁକ୍ରେନର ଡେପୁଟି ପ୍ରଧାନମନ୍ତ୍ରୀ ଫେଡୋରୋଭ କହିଛନ୍ତି ଯେ ରୁଷକୁ ଉପଯୁକ୍ତ ଉତ୍ତର ଦିଆଯିବ।

ୟୁକ୍ରେନ ଏବଂ ରୁଷ ବଢୁଥିବା ଉତ୍ତେଜନା ମଧ୍ୟରେ ଯୁଦ୍ଧର ଭୟ ମଧ୍ୟ ବଢୁଛି।  ଅନ୍ୟପକ୍ଷରେ ଏହା ଉପରେ ସାଇବର ଆକ୍ରମଣ ମଧ୍ୟ ବୃଦ୍ଧି ପାଉଛି। ପୁଣି ଥରେ ୟୁକ୍ରେନର ପ୍ରତିରକ୍ଷା ଏବଂ ବୈଦେଶିକ ବ୍ୟାପାର ମନ୍ତ୍ରଣାଳୟର ୱେବସାଇଟ୍ ହ୍ୟାକ୍ କରିବାକୁ କେହି ଚେଷ୍ଟା କରିଛନ୍ତି। ବର୍ତ୍ତମାନ ପାଇଁ, ସମସ୍ତ ସାଇଟଗୁଡିକର ନିୟନ୍ତ୍ରଣ ପୁନଃ କାର୍ଯ୍ୟକ୍ଷମ ପ୍ରାପ୍ତ ହୋଇଛି। ଏଥି ସହିତ କୂଟନୀତିଜ୍ଞମାନେ କହିଛନ୍ତି ଯେ ମିଳିତ ଜାତିସଂଘ ସୁରକ୍ଷା ପରିଷଦ ବୁଧବାର ରାତିରେ ୟୁକ୍ରେନରେ ଏକ ଜରୁରୀକାଳୀନ ଅଧିବେଶନ କରିବ। ରୁଷ ଦ୍ଵାରା ବଢୁଥିବା ବିପଦ ମଧ୍ୟରେ ୟୁକ୍ରେନର ରାଷ୍ଟ୍ରପତି ଶାନ୍ତି ପାଇଁ ନିବେଦନ କରୁଛନ୍ତି। ସେ କହିଛନ୍ତି ଯେ ସେ ଭ୍ଲାଦିମିର ପୁଟିନଙ୍କ ସହ କଥା ହେବାକୁ କହିଥିଲେ କିନ୍ତୁ କ୍ରେମଲିନ ଏହାର ଉତ୍ତର ଦେଇନଥିଲେ।

ଏଥି ସହିତ ଆମେରିକାର ରାଷ୍ଟ୍ରପତି ଜୋ ବିଡେନ (US President Joe Biden) ରୁଷ ଉପରେ ଅନେକ ଅର୍ଥନୈତିକ ପ୍ରତିବନ୍ଧକ ଲଗାଇଛନ୍ତି। ଏଥିରେ ରେ ଆମେରିକା ମଧ୍ୟ ଜର୍ମାନୀକୁ ନିଜ ସହ ଜଡିତ କରିଛି, କିନ୍ତୁ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ (Donald Trump) ପୁଟିନଙ୍କ ନିଷ୍ପତ୍ତିକୁ ସ୍ମାର୍ଟ ବୋଲି ବର୍ଣ୍ଣନା କରିଛନ୍ତି।

Read Also | Weather Report Odisha: ଆସନ୍ତା ୨୪ ଘଣ୍ଟା ମଧ୍ୟରେ ୭ ଜିଲ୍ଲାରେ ଘଡ଼ଘଡ଼ି ସହ ବର୍ଷା