Chhatarpur : ଦୁଃଖଦ ଘଟଣା;ବିଦ୍ୟୁତ ଆଘାତରେ ଗୋଟିଏ ପରିବାରର ୬ଜଣଙ୍କ ମୃତ୍ୟୁ

ଛତରପୁର: ମଧ୍ୟପ୍ରଦେଶ (Madhya Pradesh) ର ଛତରପୁର (Chhatarpur) ଜିଲ୍ଲାର ମହୁଆ ଝାଲା ଅଞ୍ଚଳରେ ଜିଲ୍ଲାରେ ଏକ ହୃଦୟ ବିଦାରକ ଦୁର୍ଘଟଣା ଘଟିଛି। ଏଠାରେ ଥିବା ଏକ ଘରେ ବିଦ୍ୟୁତ ସଂଯୋଗ ଯୋଗୁଁ ଗୋଟିଏ ପରିବାରର ୬ଜଣଙ୍କର ମୃତ୍ୟୁ ଘଟିଛି। ପରିବାରର ଜଣେ ଯୁବକ ପାଣି ଟାଙ୍କି ଖୋଲିବା ସମୟରେ ଯୁବକ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ। ଏହାପରେ ପରିବାର ସଦସ୍ୟ ତାଙ୍କୁ ଉଦ୍ଧାର କରିବାକୁ ଆସିଥିଲେ ଏବଂ କରେଣ୍ଟରେ ଆଉ ୭ଜଣ ଲୋକ ଲାଗିଯାଇଥିଲେ ସେଥିମଧ୍ୟରୁ ୫ଜଣଙ୍କର ମୃତ୍ୟୁ ହୋଇଥିଲା। ପରେ ଗୁରୁତର ପୋଡାଜଳା ହୋଇଥିବା ଦୁଇ ଜଣଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଡାକ୍ତରଖାନାକୁ ପଠାଯାଇଥିବା ବେଳେ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି।ସମଗ୍ର ଅଞ୍ଚଳରେ ଶୋକ ପ୍ରକାଶ ପାଇଛି।

ସୂଚନାଅନୁସାରେ ମହୁଆ ଝାଲାର ବାସିନ୍ଦା ଲକ୍ଷ୍ମଣ ଅହିରୱାରଙ୍କ ଘରେ ଏକ ପାଣି ଟାଙ୍କି ନିର୍ମାଣ କରାଯାଇଥିଲା। ଟାଙ୍କିରେ ଅନ୍ଧାର ଥିଲା, ତେଣୁ ପାଣି ନିଷ୍କାସନ ପାଇଁ ଏକ ଆଲୋକ ବ୍ୟବସ୍ଥା କରାଯାଇଥିଲା ଯାହାଦ୍ୱାରା ପାଣି ନିଷ୍କାସନ କରିବାରେ ସୁବିଧା ହେବ। ସକାଳ ଆଠଟା ବେଳେ ପରିବାରର ଜଣେ ଯୁବକ ପାଣି ଟାଣିବା ପାଇଁ ଟାଙ୍କି ଖୋଲିବାକୁ ଚେଷ୍ଟା କରୁଥିବାବେଳେ ସେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ। ଯେତେବେଳେ ପରିବାର ସଦସ୍ୟ ଯୁବକଙ୍କୁ କରେଣ୍ଟରେ ପୀଡିତ ଥିବା ଦେଖି ଯୁବକଙ୍କୁ ଧରି ତାଙ୍କୁ ଟାଣି ନେବାକୁ ଚେଷ୍ଟା କରିଥିଲେ। ଜଣକ ପରେ ଜଣେ ଘରର ଅନ୍ୟ ୫ଜଣ ମଧ୍ୟ ଟ୍ୟାଙ୍କରେ ପ୍ରବେଶ କଲେ। ଏହି କାରଣରୁ ବାକି ସଦସ୍ୟମାନେ ମଧ୍ୟ କରେଣ୍ଟ୍ କବଳରେ ଆସିଥିଲେ। ଦୁଃଖର ବିଷୟ ଅନ୍ୟ ୫ଜଣ ଜଣେ ସଦସ୍ୟଙ୍କୁ ବଞ୍ଚାଇବା ପାଇଁ ନିଜ ଜୀବନ ଦେଇଥିଲେ।

ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ନିର୍ଦ୍ଦେଶରେ ମୃତକମାନଙ୍କ ପତ୍ନୀମାନଙ୍କୁ  ପ୍ରତ୍ୟେକଙ୍କୁ ୪ ଲକ୍ଷ ଟଙ୍କା ଏବଂ ପିତାଙ୍କୁ ୨ଲକ୍ଷ ଟଙ୍କା ପ୍ରଦାନ କରାଯାଇଛି।

Also Read | Covid-19: ଓଡ଼ିଶାରେ ୬୫ ଜଣଙ୍କ କରୋନାରେ ମୃତ୍ୟୁ

[amazon_auto_links id=”9939″]