ରେଲୱେ ଟ୍ରାକରେ ସାଇକେଲ!

ପ୍ରୟାଗରାଜ: ଏଥର ରେଲୱେ ଟ୍ରାକରେ ସାଇକେଲ ଚାଲିବ। ଦେଶରେ ଯାତ୍ରୀ ସୁରକ୍ଷା ସୁନିଶ୍ଚିତ କରିବା ପାଇଁ ଭାରତୀୟ ରେଳ ଏକ ଅଭିନବ ବ୍ୟବସ୍ଥା ପ୍ରଣୟନ କରିଛି। ସମ୍ପ୍ରତି, ରେଳ ସାଇକେଲ ଦ୍ଵାରା ଯାଞ୍ଚ, ମନିଟରିଂ ଏବଂ ଜରୁରୀ ମରାମତି ପାଇଁ ଶୀଘ୍ର ରେଳ ଟ୍ରାକରେ ଯାତ୍ରା କରିବାକୁ ପ୍ରବର୍ତ୍ତନ କରାଯାଇଛି।  ରେଳ ମନ୍ତ୍ରଣାଳୟ କହିଛି ମୌସୁମୀ ଋତୁରେ  ବେଳେବେଳେ ପରିସ୍ଥିତି ଅତ୍ୟନ୍ତ କଷ୍ଟସାଧ୍ୟ ହୋଇ ଟ୍ରେନ୍ ସେବାକୁ ବନ୍ଦ କରିଦିଏ। ରେଳ ସାଇକେଲ ସାହାଯ୍ୟରେ ଯେକୌଣସି ଜରୁରୀକାଳୀନ ଟ୍ରାକ ତୁରନ୍ତ ମରାମତି ପାଇଁ ସହଜରେ ପହଞ୍ଚିପାରିବ।

ଉତ୍ତର କେନ୍ଦ୍ରୀୟ ରେଳବାଇର ପ୍ରୟାଗରାଜ ବିଭାଗରେ ରେଳ ଲାଇନ ଟ୍ରାକ୍ ସାଇକେଲ ଦ୍ୱାରା ପରୀକ୍ଷା କରାଯିବ। ଫୁଟ୍ ଟ୍ରାକ୍ ଯାଞ୍ଚ କରୁଥିବା ଟ୍ରାକମ୍ୟାନ୍ମାନଙ୍କ ପାଇଁ ଏକ ନିଆରା ଟ୍ରାକ୍ ସାଇକେଲ୍ ଡିଜାଇନ୍ କରାଯାଇଛି।  ସ୍ୱାଧୀନତା ଦିବସରେ ପ୍ରୟାଗରାଜ ବିଭାଗର ଡିଆରଏମ ଅମିତାଭ ସାଇକେଲଟିକୁ  ପରୀକ୍ଷା କରିଥିଲେ।

ଏହା କିପରି ଟ୍ରାକ ଉପରେ ଚାଲିଥାଏ, ଟ୍ରାକ ସାଇକେଲ ଦୁଇଟି ପୁରୁଣା ସାଇକେଲକୁ  ଏକାଠି ଯୋଡା ଯାଇଥିଲା ଏବଂ ସାଇକେଲ ଦୁଇଟିର ଆଗ ଚକଗୁଡ଼ିକ ଛୋଟ।  ଏହାକୁ ଜଣେ  କିମ୍ବା ଦୁଇଜଣ ଟ୍ରାକମ୍ୟାନ୍ ଏକାସାଙ୍ଗରେ ଚଲାଇ ପାରିବେ।  ଏହାର ପରୀକ୍ଷା ଯମୁନା ବ୍ରିଜରେ ଟ୍ରାକ ଉପରେ କରାଯାଇଥିଲା।

ସାଇକେଲ ପରୀକ୍ଷା କରିବା ପରେ ଡିଭିଜନାଲ ରେଳ ମ୍ୟାନେଜର ଟ୍ରାକ ସାଇକେଲ ନିର୍ମାଣ କରିଥିବା ଦଳକୁ ପୁରସ୍କୃତ କରିଥିଲେ। ଟ୍ରାକ ସାଇକେଲ ନିର୍ମାଣରେ ପ୍ରମୁଖ ଭୂମିକା ଗ୍ରହଣ କରିଥିବା ସିନିୟର ସେକ୍ସନ୍ ଇଞ୍ଜିନିୟର ଅଭୟ କୁମାର କହିଛନ୍ତି ଯେ ଏହାକୁ ଟ୍ରାକରେ ଚାଲିବା ପାଇଁ ଅନୁମୋଦନ ପାଇଁ ଆରଡିଏସଓକୁ ପଠାଯିବ।

ରେଳ ସାଇକେଲ ହେଉଛି ପ୍ରାୟ ୨୦ କିଲୋଗ୍ରାମର ହାଲୁକା ଓଜନ ଗଠନ ଏବଂ ଏହାକୁ ଜଣେ ବ୍ୟକ୍ତି ଉଠାଇ ପାରିବେ। ରେଳ ସାଇକେଲର ହାରାହାରି ବେଗ ଘଣ୍ଟା ପ୍ରତି ୧୦ କିଲୋମିଟର ଏବଂ ସର୍ବାଧିକ ବେଗ ଘଣ୍ଟା ପ୍ରତି ୧୫କିଲୋମିଟର। ରେଳ ସାଇକେଲର ମୋଟ ମୂଲ୍ୟ ମାତ୍ର ୫ହଜାର ଟଙ୍କା।

Best Sellers in Electronics