Mukesh Ambani: ମୁକେଶ ଅମ୍ବାନୀଙ୍କ ସମ୍ପତ୍ତି ଗୋଟିଏ ଦିନରେ ୨୨ ହଜାର କୋଟି ଟଙ୍କା ବୃଦ୍ଧି
ମୁମ୍ବାଇ: ଶୁକ୍ରବାର ଦିନ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (Reliance Industries Limited) ସେୟାର (Share) ରେ ବୃଦ୍ଧି ହେତୁ ମୁକେଶ ଅମ୍ବାନୀ (Mukesh Ambani) ଙ୍କ ନିଟ୍ ମୂଲ୍ୟ ୩.୦୩ ବିଲିୟନ ଡ଼ଲାର୍ ଭାରତୀୟ ମୁଦ୍ରାରେ ପ୍ରାୟ ୨୨ ହଜାର କୋଟି ଟଙ୍କା ବୃଦ୍ଧି ପାଇଛି। ଶୁକ୍ରବାର ସକାଳେ ତାଙ୍କୁ ବିଶ୍ଵ (World) ର ସମ୍ଭ୍ରାନ୍ତ ତାଲିକାର ଶ୍ରେଷ୍ଠ ୧୦ ତାଲିକାରୁ ବାଦ ଦିଆଯାଇଥିଲା, କିନ୍ତୁ ସନ୍ଧ୍ୟା ସୁଦ୍ଧା ସେ ପୁନର୍ବାର ଶ୍ରେଷ୍ଠ ଦଶରେ ସ୍ଥାନ ପାଇବାରେ ସଫଳ ହୋଇଥିଲେ। ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ (Bloomberg Billionaires Index) ଅନୁଯାୟୀ, ସେ ୮୧ ବିଲିୟନ ଡଲାରର ସମ୍ପତ୍ତି ସହିତ ବିଶ୍ୱର ଧନୀ ତାଲିକାରେ ଦଶମ ସ୍ଥାନରେ ରହିଛନ୍ତି। ଚଳିତ ବର୍ଷ ତାଙ୍କର ନିଟ୍ ମୂଲ୍ୟ ୪.୩୨ ବିଲିୟନ ଡ଼ଲାରରେ ବୃଦ୍ଧି ପାଇଛି।
ରିଲାଏନ୍ସ ସେୟାର ୨୦୮୧.୯୦ରେ ବନ୍ଦ ହୋଇଛି, ଶୁକ୍ରବାର ଦିନ ବିଏସଇ (Bombay Stock Exchange) ରେ ୩.୬୦ ପ୍ରତିଶତ ବୃଦ୍ଧି ଘଟି ରିଲାଏନ୍ସ ମାର୍କେଟ କ୍ୟାପକୁ ୧୩ ଲକ୍ଷ ୪୧ ହଜାର ୮୦୫.୦୯ କୋଟି ଟଙ୍କାକୁ ନେଇଛି। ଗତ ୧୬ ସେପ୍ଟେମ୍ବର ୨୦୨୦ରେ, ରିଲାଏନ୍ସର ମାର୍କେଟ କ୍ୟାପ୍ ୧୬ ଲକ୍ଷ କୋଟି ଅତିକ୍ରମ କରି ଅମ୍ବାନୀଙ୍କ ସମ୍ପତ୍ତି ୯୦ ବିଲିୟନ ଡ଼ଲାରରେ ପହଞ୍ଚିଛି। ଏହି କାରଣରୁ ସେ ବିଶ୍ୱର ଧନୀ ତାଲିକାରେ ଚତୁର୍ଥ ସ୍ଥାନରେ ରହିଥିଲେ, କିନ୍ତୁ ଏହା ପରେ ରିଲାଏନ୍ସ ସେୟାର ହ୍ରାସ ପାଇ ଅମ୍ବାନୀ ଧନୀ ତାଲିକାରେ ଖସିଗଲେ।
ଏହି ତାଲିକାରେ ସ୍ଥାନ ପାଇଥିବା ଭାରତୀୟଙ୍କ ମଧ୍ୟରେ ଆଦାନୀ ଗ୍ରୁପ୍ର ଚେୟାରମ୍ୟାନ୍ ଗୌତମ ଆଦାନୀ (Gautam Adani)୨୫ତମ ସ୍ଥାନରେ ରହିଛନ୍ତି। ତାଙ୍କର ନିଟ୍ ମୂଲ୍ୟ ହେଉଛି ୫୦.୧ ବିଲିୟନ ଡ଼ଲାର୍। ଚଳିତ ବର୍ଷ ତାଙ୍କର ନିଟ୍ ମୂଲ୍ୟ ୧୬.୪ ବିଲିୟନ ଡ଼ଲାରରେ ବୃଦ୍ଧି ପାଇଛି। ଆମାଜନ୍ (Amazon) ସିଇଓ ଜେଫ୍ ବେଜୋସ୍ (Jeff Bezos) ୧୮୧ ବିଲିୟନ ଡ଼ଲାର ସହିତ ପ୍ରଥମ ସ୍ଥାନରେ ଅଛନ୍ତି। ଟେସଲା ଏବଂ ସ୍ପେସ୍ ଏକ୍ସ ସିଇଓ ଏଲୋନ୍ ମସ୍କ ୧୭୦ ବିଲିୟନ ଡଲାରର ସମ୍ପତ୍ତି ସହିତ ଦ୍ୱିତୀୟ ସ୍ଥାନରେ ରହିଛନ୍ତି।
ମାଇକ୍ରୋସଫ୍ଟ (Microsoft) ର ସହ-ପ୍ରତିଷ୍ଠାତା ବିଲ୍ ଗେଟ୍ସ (Bill Gates)୧୩୮ ବିଲିୟନ ଡ଼ଲାର ତୃତୀୟ ସ୍ଥାନରେ ଥିବାବେଳେ ଫ୍ରାନ୍ସର ବ୍ୟବସାୟୀ ବର୍ନାର୍ଡ ଆର୍ନାଲ୍ଟ (Bernard Jean Étienne Arnault)୧୨୫ ବିଲିୟନ ଡ଼ଲାର ଏହି ତାଲିକାରେ ଚତୁର୍ଥ ସ୍ଥାନରେ ଅଛନ୍ତି। ଫେସବୁକ୍ (Facebook) ସିଇଓ ମାର୍କ ଜୁକରବର୍ଗ (Mark Elliot Zuckerberg) ୧୧୦ ବିଲିୟନ ଡଲାର ସମ୍ପତ୍ତି ସହିତ ପଞ୍ଚମ ସ୍ଥାନରେ ରହିଛନ୍ତି। ୯୫.୯ ବିଲିୟନ ଡ଼ଲାରର ସମ୍ପତ୍ତି ସହିତ ୱାରେନ୍ ବଫେଟ୍ (Warren Edward Buffett) ଷଷ୍ଠ ସ୍ଥାନରେ ଅଛନ୍ତି ଏବଂ ଆମେରିକୀୟ କମ୍ପ୍ୟୁଟର ବୈଜ୍ଞାନିକ ତଥା ଇଣ୍ଟରନେଟ୍ ଉଦ୍ୟୋଗୀ ଲ୍ୟାରି ପେଜ୍ (Lawrence Edward Page)୯୩.୮ ବିଲିୟନ ଡ଼ଲାରରେ ସପ୍ତମ ସ୍ଥାରେ ଅଛନ୍ତି। ଗୁଗୁଲ (Google) ର ସହ-ପ୍ରତିଷ୍ଠାତା ସର୍ଗି ବ୍ରିନ (Sergey Mikhaylovich Brin) ୯୦.୭ ବିଲିୟନ ଡ଼ଲାର ସହିତ ଅଷ୍ଟମ ସ୍ଥାନରେ ଅଛନ୍ତି ଏବଂ ଆମେରିକାର ବ୍ୟବସାୟୀ ତଥା ନିବେଶକ ଷ୍ଟିଭ ବଲମର୍ (Steven Anthony Ballmer ) ୮୩.୩ ବିଲିୟନ ଡ଼ଲାରରେ ନବମ ସ୍ଥାନରେ ଅଛନ୍ତି।
[amazon_auto_links id=”10233″]
Also Read | Holi Guidelines: ଦୋଳ ମେଳଣ ଏବଂ ହୋଲି ଉତ୍ସବରେ ଲାଗିଲା କଟକଣା
