ମଧ୍ୟପ୍ରଦେଶ ରାଜ୍ୟପାଳ ଙ୍କ ଦେହାନ୍ତ

ମଧ୍ୟପ୍ରଦେଶ ରାଜ୍ୟପାଳ ଲାଲଜୀ ଟଣ୍ଡନଙ୍କ ର ୮୫ ବର୍ଷ ବୟସରେ ଦେହାନ୍ତ ହୋଇଯାଇଛି। ଆଜି ସକାଳେ ଲକ୍ଷ୍ନୌ  ର ମେଦାନ୍ତା ହସ୍ପିଟାଲରେ ତାଙ୍କର ଦେହାନ୍ତ ହୋଇଛି। ସେ ସକାଳ ୫.୩୫ ରେ ଶେଷ ନିଶ୍ୱାସ ତ୍ୟାଗ କରିଥିଲେ। ଲାଲଜୀ ଟଣ୍ଡନଙ୍କୁ ଅନେକ ଦିନ ଧରି ରାଜଧାନୀର ମେଦାନ୍ତା  ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କ ପୁଅ ତଥା ମ୍ୟୁନିସିପାଲିଟି ବିକାଶ ମନ୍ତ୍ରୀ ଆଶୁତୋଷ ଟଣ୍ଡନ ଏହି ଦୁଃଖଦ ଖବରକୁ ଏକ ଟ୍ୱିଟରେ ସେୟାର କରିଛନ୍ତି।

ଉତ୍ତରପ୍ରଦେଶ ରାଜନୀତିରେ ଟଣ୍ଡନ୍ ବହୁତ ସକ୍ରିୟ ଥିଲେ। ସେ ରାଜ୍ୟର ବିଜେପି ସରକାରରେ ମନ୍ତ୍ରୀ ରହିଛନ୍ତି ଏବଂ ଅଟଳ ବିହାରୀ ବାଜପେୟୀଙ୍କର ଅତ୍ୟନ୍ତ ସହଯୋଗୀ ଭାବେ ଜଣାଶୁଣା ଥିଲେ। ଲାଲଜୀ ଟଣ୍ଡନ ୨୦୧୮ ରେ  ବିହାରର ରାଜ୍ୟପାଳ ନିଯୁକ୍ତ ହୋଇଥିଲେ। ପରବର୍ତ୍ତୀ ସମୟରେ ୨୦୧୯  ରେ ସେ ମଧ୍ୟପ୍ରଦେଶର ରାଜ୍ୟପାଳ ଭାବରେ ନିଯୁକ୍ତ ହୋଇଥିଲେ। ବର୍ତ୍ତମାନ ତାଙ୍କ ମୃତ୍ୟୁରେ ରାଜନୈତିକ ମହଲରେ ଶୋକର ଲହରୀ ଖେଳିଯାଇଛି।