USA Election: ଡୋନାଲ୍ଡ ଟ୍ରମ୍ପଙ୍କ ସିଧା ଟାର୍ଗେଟ,ବିଡେନ ଜିତିବା ମାନେ ଚୀନ୍ ଜିତିଲା
ୱାଶିଂଟନ୍:ଆମେରିକା (America) ରାଷ୍ଟ୍ରପତି ନିର୍ବାଚନକୁ ନେଇ ଡୋନାଲ୍ଡ ଟ୍ରମ୍ପ (Donald Trump) ବହୁତ ବଡ କଥା କହିଛନ୍ତି। ଡେମୋକ୍କ୍ରାଟିକ (Democratic) ରାଷ୍ଟ୍ରପତି ପ୍ରାର୍ଥୀ ଜୋ ବିଡେନ (Joe Biden) ଙ୍କୁ ସେ ସିଧା ଟାର୍ଗେଟ କରିଛନ୍ତି। ନଭେମ୍ବର ୩ ନିର୍ବାଚନରେ ଡେମୋକ୍ରାଟ ପ୍ରାର୍ଥୀ ଜୋ ବିଡେନ ଜିତିଲେ ଏହା ଚୀନ୍ର ବିଜୟ ହେବ ବୋଲି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି। ଜଣେ ରାଜନେତା ଭାବରେ ବିଡେନ ଗତ ପାଞ୍ଚ ଦଶନ୍ଧି ମଧ୍ୟରେ ଆମେରିକାର ଅର୍ଥନୀତିରେ ଅନେକ କ୍ଷତି କରିଛନ୍ତି। ବିଡେନ ଅବସର ନେବାର ସମୟ ଆସିଛି।
ଏକ ସମାବେଶରେ ଟ୍ରମ୍ପ କହିଛନ୍ତି ଯେ ବିଡେନ ଗତ ୪୭ ବର୍ଷ ମଧ୍ୟରେ ଚୀନ୍ (China) ଏବଂ ଅନ୍ୟ ଦେଶକୁ ଆପଣଙ୍କ ଚାକିରି ପଠାଇଛନ୍ତି। ଆପଣ ମାନେ ଏହା ଜାଣନ୍ତି। ମୁଁ ଗତ ଚାରି ବର୍ଷ ମଧ୍ୟରେ ଚାକିରି ଫେରାଇ ଆଣିଛି। ରାଷ୍ଟ୍ରପତି ନିର୍ବାଚନକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବର୍ଣ୍ଣନା କରି ସେ କହିଛନ୍ତି ଯେ, ନଭେମ୍ବର ୩ ତାରିଖରେ ଆମେରିକୀୟ (American) ଭୋଟରମାନେ ନିଷ୍ପତ୍ତି ନେବେ କି ଦେଶକୁ ନୂତନ ଉଚ୍ଚତାକୁ ନେଇଯିବେ କି ଶୋଇଥିବା ବିଡେନ୍ ଆମ ଅର୍ଥବ୍ୟବସ୍ଥାକୁ ସ୍ଥଗିତ ରଖିବାକୁ ଅନୁମତି ଦେବେ। ଆପଣ ବିଡେନଙ୍କୁ ୪ ଟ୍ରିଲିୟନ ଡଲାର ଟିକସ ସଂଗ୍ରହ କରିବାକୁ, ଓହିଓ (Ohio) କୋଇଲା,ତୈଳ-ପ୍ରାକୃତିକ ଗ୍ୟାସ (Natural Gas) କୁ ନଷ୍ଟ କରିବାକୁ ଏବଂ କାରଖାନାଗୁଡ଼ିକରେ ଆପଣଙ୍କର ଚାକିରୀକୁ ଚୀନ୍ ଏବଂ ଅନ୍ୟ ଦେଶକୁ ନେବାକୁ ଅନୁମତି ଦେବେ କି?
ଟ୍ରମ୍ପ କହିଛନ୍ତି, ସରଳ ଭାବରେ କହିବାକୁ ଗଲେ, ଯଦି ବିଡେନ ଜିତନ୍ତି ତେବେ ଚୀନ୍ ଜିତିବ। ଯଦି ଆମେ ଜିତିବା, ଏହା ଓହିଓ ଏବଂ ଆମେରିକା ପାଇଁ ଏକ ବିଜୟ ହେବ। ସର୍ବଶେଷରେ, ଆପଣଙ୍କର ଜଣେ ରାଷ୍ଟ୍ରପତି ଅଛନ୍ତି ଯିଏ ଆମେରିକାକୁ ପ୍ରଥମ ସ୍ଥାନ ଦିଅନ୍ତି ଏବଂ ମୁଁ ଆମେରିକାକୁ ପ୍ରଥମ ସ୍ଥାନ ଦିଏ।
ଟ୍ରମ୍ପ କହିଛନ୍ତି ଯେ ବିଡେନଙ୍କର ୪୭ ବର୍ଷର ରାଜନୈତିକ ଅଭିଜ୍ଞତା ରହିଛି। ସେମାନେ ଅଭିଜ୍ଞ, କିନ୍ତୁ ସେମାନେ ଆପଣମାନଙ୍କୁ ପ୍ରତାରଣା କଲେ। ତେଣୁ ବିଡେନ ଅବସର ନେବାର ସମୟ ଆସିଛି। ଟ୍ରମ୍ପ ଅଭିଯୋଗ କରିଛନ୍ତି ଯେ ଉପରାଷ୍ଟ୍ରପତି ଭାବରେ ବିଡେନ ଚୀନ୍ ବିରୋଧରେ କିଛି କରିନାହାଁନ୍ତି, ଯେତେବେଳେ ଚୀନ୍ ଆମର ବୈଦ୍ଧିକ ସମ୍ପତ୍ତି (Intellectual) ଚୋରି ଜାରି ରଖିଛି, ଏହାର ସାମଗ୍ରୀ ଆମ ବଜାରରେ ପକାଇ ଦେଇଛି, ବେଆଇନ ଭାବେ ଏହାର ଶିଳ୍ପକୁ ସବସିଡି(Subsidy) ଦେଇଛି ଏବଂ ଏହାର ମୁଦ୍ରାକୁ ଏହାର ଲାଭରେ ବ୍ୟବହାର କରିଛି। ଚାଇନା ଅବାଧରେ ରହିଲା ଏବଂ ବିଡେନ ଏକ ମୂକ ଦର୍ଶକ ହୋଇ ରହିଲା।
Also Read:
ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ମୋଦୀଙ୍କ ନାମରେ ମାଗୁଛନ୍ତି ଭୋଟ
ଚୀନ୍ ଉପରେ ଜାପାନର ‘ଅର୍ଥନୈତିକ ସର୍ଜିକାଲ୍ ଷ୍ଟ୍ରାଇକ୍’ ଚୀନ୍ ଛାଡି ଭାରତ ଆସୁଥିବା କମ୍ପାନୀକୁ ସବସିଡି ମିଳିବ
