ମିଛ କେସରେ ଇସ୍ରୋ ବୈଜ୍ଞାନିକଙ୍କୁ ଜେଲ ଏବଂ କ୍ୟାରିଅର ନଷ୍ଟ ; ୧.୩୦ କୋଟି କ୍ଷତିପୂରଣ ମିଳିବ
ନୂଆଦିଲ୍ଲୀ: ନ୍ୟାୟ ଟିକେ ପାଇବା ପାଇଁ ଦୀର୍ଘ ୨୬ ବର୍ଷ ଧରି ଲଢ଼େଇ କରିଥିବା ଶେଷରେ ଜଣେ ଇସ୍ରୋ ବୈଜ୍ଞାନିକଙ୍କୁ ସଫଳତା ମିଳିଛି। ମଙ୍ଗଳବାର ଦିନ କେରଳ ସରକାର ଭାରତୀୟ ମହାକାଶ ଅନୁସନ୍ଧାନ ସଂଗଠନ (ISRO)ର ପୂର୍ବତନ ବୈଜ୍ଞାନିକ ନାମ୍ବି ନାରାୟଣନଙ୍କୁ ୨୬ ବର୍ଷର ପୁରୁଣା ଗୁପ୍ତଚର ମାମଲାର ସମାଧାନ ପାଇଁ ୧.୩୦ କୋଟି ଟଙ୍କା ଅତିରିକ୍ତ କ୍ଷତିପୂରଣ ପ୍ରଦାନ କରିଛନ୍ତି। ଯେଉଁଥିରେ ସେ ରାଜ୍ୟ ପୋଲିସର ମିଛ କେସ ଦ୍ୱାରା ସମ୍ପୃକ୍ତ ଥିଲେ। ନାମ୍ବି ନାରାୟଣମଙ୍କୁ କ୍ଷତିପୂରଣ ମିଳିଲା ସତ, କିନ୍ତୁ ତାଙ୍କର ବହୁମୂଲ୍ୟ ସମୟ ବରବାଦ୍ ହୋଇଗଲା ତାସହିତ ଇସ୍ରୋ ଏବଂ ପୂରା ଦେଶକୁ ବହୁତ କ୍ଷତି ସହିବାକୁ ପଡ଼ିଲା।
ପୂର୍ବତନ ଇସ୍ରୋ ବୈଜ୍ଞାନିକ ନାମ୍ବି ନାରାୟଣନଙ୍କ ତିରୁବନନ୍ତପୁରମରେ ସେସନ୍ କୋର୍ଟରେ ୨୦୧୮ ରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଏହି ମାମଲା ପଞ୍ଜିକୃତ ହୋଇଥିଲା। ସୁପ୍ରିମକୋର୍ଟ ତାଙ୍କ ନିର୍ଦ୍ଦେଶରେ କହିଥିଲେ ଯେ ଏହି ମାମଲାରେ ତାଙ୍କୁ ଗିରଫ କରିବା ଅନାବଶ୍ୟକ ଏବଂ ଏଥିରେ ତାଙ୍କୁ ଫସାଇଦିଆଯାଇଥିଲା। ଏଥିସହ ସୁପ୍ରିମକୋର୍ଟ ମଧ୍ୟବର୍ତ୍ତୀକାଳୀନ ୫୦ ଲକ୍ଷ ଟଙ୍କା ରିଲିଫ କରିବାକୁ ନିର୍ଦ୍ଦେଶ ଦେଇଥିଲେ। ସୁପ୍ରିମକୋର୍ଟ ଏହା ମଧ୍ୟ କହିଥିଲେ ଯେ ନାମ୍ବି ନାରାୟଣନ ଏହାଠାରୁ ଅଧିକ ପାଇବା ଯୋଗ୍ୟ ଏବଂ ସେ ଉଚିତ କ୍ଷତିପୂରଣ ପାଇଁ ନିମ୍ନ ଅଦାଲତ ନିକଟକୁ ଯାଇପାରିବେ। ସୂଚନା ଯୋଗ୍ୟ ଏହାପୂର୍ବରୁ ଜାତୀୟ ମାନବାଧିକାର କମିଶନ ମଧ୍ୟ ତାଙ୍କୁ ୧୦ ଲକ୍ଷ ଟଙ୍କା ରିଲିଫ କରିବାକୁ ନିର୍ଦ୍ଦେଶ ଦେଇଥିଲେ।
ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ କେରଳ ସରକାର ପୂର୍ବତନ ମୁଖ୍ୟ ଶାସନ ସଚିବ କେ. ଜୟକୁମାରଙ୍କୁ ଏହି ଘଟଣାର ଦୃଷ୍ଟି ଦେବାକୁ ,ପ୍ରକୃତ କ୍ଷତିପୂରଣ ରାଶି ଠିକ୍ କରିବାକୁ ଏବଂ ମାମଲା ସମାଧାନ କରିବାକୁ କୁହାଯାଇଥିଲା। ପରବର୍ତ୍ତୀ ସମୟରେ ତାଙ୍କର ପରାମର୍ଶ କୋର୍ଟରେ ଉପସ୍ଥାପିତ ହୋଇଥିଲା ଏବଂ ଏକ ଚୁକ୍ତିନାମା ହୋଇଥିଲା। ସୁପ୍ରିମକୋର୍ଟ ତାଙ୍କ ଆଦେଶରେ ଏହା ମଧ୍ୟ କହିଛନ୍ତି ଯେ ନାରାୟଣନଙ୍କୁ ବହୁତ ନିର୍ଯାତନା ଦିଆଯାଇଥିଲା। କେବଳ ଏତିକି ନୁହେଁ, ନ୍ୟାୟ ପାଇବା ପର୍ଯ୍ୟନ୍ତ ଏବଂ ନିର୍ଦ୍ଦୋଷ ପ୍ରମାଣିତ ନହେବା ପର୍ଯ୍ୟନ୍ତ ତାଙ୍କୁ ଦେଶଦ୍ରୋହୀ କୁହାଯାଉଥିଲା।
ନାମ୍ବି ନାରାୟଣନ କହିଛନ୍ତି ଯେ , ତାଙ୍କ ସହଯୋଗୀ ତଥା ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମ ଅଭିଯୋଗ ମୁକ୍ତ ପରେ ତାଙ୍କୁ ଏହି ମାମଲାରୁ ନିବୃତ୍ତ ରହିବାକୁ ପରାମର୍ଶ ଦେଇଥିଲେ। କିନ୍ତୁ ଦୋଷୀଙ୍କୁ ଦଣ୍ଡ ଦେବା ଏବଂ କ୍ଷତିପୂରଣ ପାଇବା ନିଷ୍ପତ୍ତିରେ ସେ ଦୃଢ ଥିଲେ। କେରଳ ସରକାରଙ୍କ ଦ୍ୱାରା କ୍ଷତିପୂରଣ ରାଶିର ଚେକ୍ ଗ୍ରହଣ କରି ନାମ୍ବି ନାରାୟଣନ୍ କହିଛନ୍ତି ଯେ ମୁଁ ଖୁସି। ଏହି ଯୁଦ୍ଧ କେବଳ ମୁଁ ଯୁଦ୍ଧ କରୁଥିବା ଟଙ୍କା ପାଇଁ ନୁହେଁ। ମୋର ସଂଗ୍ରାମ ଅନ୍ୟାୟ ବିରୁଦ୍ଧରେ ଥିଲା।
ସୂଚନାଯୋଗ୍ୟ, ୧୯୯୨ରେ ଭାରତ ରୁଷ ସହିତ କ୍ରାୟୋଜେନିକ ବେସ୍ଡ ଫୁଏଲର ଟ୍ରାନ୍ସଫର ଅଫ୍ ଟେକ୍ନୋଲୋଜି ପାଇଁ ୨୩୫ କୋଟିରେ ଚୁକ୍ତି ହୋଇଥିଲା। ଆମେରିକା ସେହି ସମାନ ଟେକ୍ନୋଲୋଜି ପାଇଁ ଭାରତକୁ ୯୫୦ କୋଟି ଏବଂ ଫ୍ରାନ୍ସ ୬୫୦ କୋଟିର ଚୁକ୍ତି ଅଫର କରିଥିଲେ। କିନ୍ତୁ ଭାରତ ଉଭୟଙ୍କୁ ପ୍ରତ୍ୟାଖ୍ୟାନ କରିଥିଲା। ଫଳରେ ଆମେରିକା ଓ ଫ୍ରାନ୍ସର ବହୁ କ୍ଷତି ହୋଇଥିଲା। ସେତେବେଳେ ଅନ୍ତର୍ଜାତୀୟ ଗ୍ରୁପରୁ ରୁଷକୁ ବାହାର କରିଦେବାକୁ ଧମକ ଦିଆଯିବାରୁ ରୁଷ ବାଧ୍ୟ ହୋଇ ଚୁକ୍ତିରୁ ଓହରି ଯାଇଥିଲା। କିନ୍ତୁ ଭାରତ କିଛି ସର୍ତ୍ତ ସହିତ ଆଉ ଏକ ନୂଆ ଟେଣ୍ଡର ବାହାର କରିଥିଲା, ଯେଉଁଥିରେ ଭାରତ ଏବଂ ରୁଷ ମିଳିତ ଭାବେ ଏହି ଟେକ୍ନୋଲୋଜି ବିକାଶ କରିବାର ଥିଲା।
ସେ ସମୟରେ ଇସ୍ରୋ ଗୁପ୍ତଚର ମାମଲାରେ ୨ ବୈଜ୍ଞାନିକ ଏବଂ ଦୁଇ ଜଣ ମାଳଦ୍ୱୀପ ମହିଳାଙ୍କ ସମେତ ଚାରିଜଣ ଅନ୍ୟ କାଉଣ୍ଟି କ୍ରାୟୋଜେନିକ୍ ଇଞ୍ଜିନ୍ ଟେକ୍ନୋଲୋଜିର ଗୁପ୍ତ ତଥ୍ୟକୁ ଶତ୍ରୁ ଦେଶକୁ ହସ୍ତାନ୍ତର କରାଯାଇଥିବା ଅଭିଯୋଗ ହୋଇଥିଲା। ଅଭିଯୋଗରେ ୧୯୯୪ ରେ ନାମ୍ବି ନାରାୟଣନଙ୍କ ବିରୋଧରେ ପ୍ରତିରକ୍ଷା ବିଭାଗ ସହ ଜଡିତ ଗୁପ୍ତ ତଥ୍ୟ ଲିକ୍ କରିଥିବା ଏବଂ ମାଲଦ୍ୱୀପ ଦେଇ ଶତ୍ରୁ ଦେଶକୁ କ୍ରାୟୋଜେନିକ୍ ଇଞ୍ଜିନ ପ୍ରକଳ୍ପ ସହ ଜଡିତ ଡକ୍ୟୁମେଣ୍ଟ ଚୋରି ଅଭିଯୋଗରେ କେରଳ ପୋଲିସ ତାଙ୍କୁ ଗିରଫ କରିଥିଲା ସେତେବେଳେ ଯୋଜନା ମୁତାବକ ବାହ୍ୟ ଶକ୍ତି ଜରିଆରେ ଟେକ୍ନୋଲୋଜି ବିକାଶ କରିବାର ଦାୟିତ୍ଵ ନେଇଥିବା ବୈଜ୍ଞାନିକ ନାମ୍ବି ନାରାୟଣମଙ୍କୁ ଫସାଇ ଦିଆଯାଇଥିଲା।
