କରୋନା ପଜିଟିଭ ହକି ଖେଳାଳି ମନଦୀପ ସିଂ ଡାକ୍ତରଖାନାରେ ଭର୍ତ୍ତି

ବେଙ୍ଗାଲୁରୁ : କରୋନା ଭାଇରସ ପଜିଟିଭ ଥିବା ଭାରତୀୟ ହକି ଦଳର ଖେଳାଳି  ମନଦୀପ ସିଂଙ୍କୁ ରକ୍ତ ଅମ୍ଳଜାନ ସ୍ତର ହ୍ରାସ ପାଇବା ପରେ ବେଙ୍ଗାଲୁରୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି। ସ୍ପୋର୍ଟସ୍ ଅଥରିଟି ଅଫ୍ ଇଣ୍ଡିଆ (SAI) ଏହି ସୂଚନା ଦେଇଛି।

ସୂଚନାଯୋଗ୍ୟ, ଭାରତୀୟ ହକି ଦଳର ଅଧିନାୟକ ମନପ୍ରୀତ ସିଂଙ୍କ ସମେତ ପାଞ୍ଚଜଣ ଖେଳାଳି ବାଙ୍ଗାଲୋରର ନ୍ୟାସନାଲ ସ୍ପୋର୍ଟସ ଏକ୍ସଲେନ୍ସ ସେଣ୍ଟର ଅଫ୍ ଇଣ୍ଡିଆ (SAI) ରେ ଜାତୀୟ ହକି କ୍ୟାମ୍ପକୁ ରିପୋର୍ଟ କରିବା ପରେ କରୋନା ରିପୋର୍ଟ ପଜିଟିଭ୍ ଥିବା ଜଣାପଡିଥିଲା। ମନପ୍ରୀତଙ୍କ ବ୍ୟତୀତ ଡିଫେଣ୍ଡର ସୁରେନ୍ଦର କୁମାର, ଜସକରନ୍ ସିଂ ଏବଂ ଡ୍ରାଗ୍ ଫ୍ଲିକର୍ ବରୁଣ କୁମାର ଏବଂ ଗୋଲକିପର କୃଷ୍ଣ ବାହାଦୂର କରୋନା ସଂକ୍ରମିତ ହୋଇଥିଲା।

ସୋମବାର ରାତିରେ ହୋଇଥିବା ଅନୁସନ୍ଧାନରୁ ଜଣାପଡିଛି ଯେ ମନଦୀପ ସିଂଙ୍କ ରକ୍ତରେ ଅମ୍ଳଜାନର ମାତ୍ରା ସ୍ୱାଭାବିକଠାରୁ କମ୍ ଅଟେ। ବିବୃତ୍ତି ଅନୁଯାୟୀ, କ୍ୟାମ୍ପସରେ ଉପସ୍ଥିତ ଥିବା ସାଇ ଅଧିକାରୀମାନେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ସେମାନଙ୍କୁ ସତର୍କତାମୂଳକ ପଦକ୍ଷେପ ଭାବରେ ଏସ୍ ସ୍ପାର୍ସ ମଲ୍ଟି ସ୍ପେସିଆଲିଟି ହସ୍ପିଟାଲରେ ଭର୍ତ୍ତି କରିଥିଲେ। ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି। ସାଇ ଅନୁଯାୟୀ , ଏକ ମାସ ବିରତି ପରେ ଦେଶର ବିଭିନ୍ନ ସ୍ଥାନରୁ ବାଙ୍ଗାଲୋରରେ ପହଞ୍ଚିବା ପରେ ଖେଳାଳିମାନେ ସଂକ୍ରମଣର ଶିକାର ହୋଇଥିଲେ। ସାଇ କହିଛନ୍ତି ଯେ ଖେଳାଳିଙ୍କୁ ଦିନକୁ ଚାରିଥର ଯାଞ୍ଚ କରାଯାଉଛି।