ଢେଙ୍କାନାଳ ପୌରାଞ୍ଚଳ ୨ ଦିନ ସଟ ଡାଉନ

ଢେଙ୍କାନାଳ: ଢେଙ୍କାନାଳ ପୌରାଞ୍ଚଳକୁ ୨ ଦିନିଆ ସଟଡାଉନ ଘୋଷଣା କରାଯାଇଛି। ଗତ ୧୦ ଦିନ ଭିତରେ ଆକ୍ରାନ୍ତଙ୍କ ସଂଖ୍ୟା ୯୫ରୁ ଅଧିକ ବଢ଼ିଥିବାରୁ ଆସନ୍ତା କାଲିଠାରୁ ୨୮ ତାରିଖ ଯାଏ ୨ ଦିନ ସଟଡାଉନ ରହିବ। ଢେଙ୍କାନାଳ ଟାଉନ ପୌରାଞ୍ଚଳର ସମସ୍ତ ୨୩ଟି ୱାର୍ଡରେ ସଟଡାଉନ ଲାଗୁ ହେବ।

ଦିନ କୁ ଦିନ ଢେଙ୍କାନାଳ ଜିଲ୍ଲା ଓ ଢେଙ୍କାନାଳ ପୌରପାଳିକା ରେ କରୋନା ସଂକ୍ରମିତଙ୍କ ସଂଖ୍ୟା ବଢିବଢି ଚାଲିଛି। ଏହାସହିତ ରେଡ ଜୋନ ଜିଲ୍ଲା ରୁ ଆସୁଥିବା ସଂକ୍ରମିତ ବ୍ୟକ୍ତି ବିଶେଷ କୋଭିଡ଼-୧୯ କୁ ପ୍ରସାରିତ କରୁଛନ୍ତି ଯାହାକି ସ୍ଥାନୀୟ ସଂକ୍ରମଣ ହେଉଛି। ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ଆସନ୍ତା କାଲି ଓ ଅଗଷ୍ଟ ୨୮ ତାରିଖ ସଟଡାଉନ ଘୋଷଣା କରାଯାଇଛି।

ପୂର୍ବରୁ ସପ୍ତାହିକ ସଟଡାଉନ ପାଇଁ ୨୯ ତାରିଖ ଶନିବାର ଓ ୩୦ ତାରିଖ ରବିବାର ସହର ବନ୍ଦ ରହିବ। ସମୁଦାୟ ସଟ ଡାଉନ ଚାରି ଦିନ ହେବ। ପୌରାଞ୍ଚଳ ସଟଡାଉନ ହେଉଥିବାରୁ ଆଜି ସଂଧ୍ୟା ୬ଟା ପର୍ଯ୍ୟନ୍ତ ଦୋକାନ ବଜାର ଖୋଲା ରହିବ ବୋଲି ପୌର ପ୍ରଶାସନ ଘୋଷଣା କରିଛି।

Also Read