Corona Vaccine Update: ଆଗାମୀ ୩ ରୁ ୪ ସପ୍ତାହ ମଧ୍ୟରେ କରୋନା ଟିକା ଉପଲବ୍ଧ ହେବ ଆମେରିକାରେ,କହିଛନ୍ତି ଡୋନାଲ୍ଡ ଟ୍ରମ୍ପ
ୱାଶିଂଟନ: ଯୁକ୍ତରାଷ୍ଟ୍ର ଆମେରିକା (USA) ରେ କରୋନା ଭୂତାଣୁ (Covid-19) ଦ୍ଵାରା ୬୭ ଲକ୍ଷ ୮୮ ହଜାର ୪୭୧ ଜଣ ସଂକ୍ରମିତ ହୋଇଛନ୍ତି। ସେଥିମଧ୍ୟରୁ ୪୦ ଲକ୍ଷ ୬୮ ହଜାର ୭୦୪ ସୁସ୍ଥ ହୋଇଥିବାବେଳେ ୨୫ ଲକ୍ଷ ୧୯ ହଜାର ୫୭୦ ଜଣ ଚିକିତ୍ସିତ ହେଉଛନ୍ତି। ଏହା ସହିତ ୨ ଲକ୍ଷ ୧୯୭ ଜଣ କରୋନାରେ ଜୀବନ ହରେଇଛନ୍ତି। କିନ୍ତୁ ଆମେରିକାର ଲୋକମାନେ ଖୁବ୍ ଶୀଘ୍ର ବହୁତ ଭଲ ଖବର ପାଇପାରନ୍ତି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ (Donald Trump)କହିଛନ୍ତି ଯେ ତିନି ରୁ ଚାରି ସପ୍ତାହ ମଧ୍ୟରେ ଆମେରିକା କରୋନା ଭୂତାଣୁ ଟୀକା (Corona Vaccine) ଟିକା ପାଇବ।
ମଙ୍ଗଳବାର ଦିନ ଏବିସି ନ୍ୟୁଜ୍ ଦ୍ଵାରା ଆୟୋଜିତ (Town Hall) ଭୋଟରଙ୍କ ସହ ଏକ ସିଧା ବାର୍ତ୍ତାଳାପରେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ ପୂର୍ବ ପ୍ରଶାସନର ଏଫଡିଏ ଏବଂ ଅନ୍ୟାନ୍ୟ ଅନୁମୋଦନ ହେତୁ ଏହି ଟିକା ପ୍ରସ୍ତୁତ କରିବାକୁ ବୋଧହୁଏ ବର୍ଷ ବର୍ଷ ଲାଗିଯାଇଥାନ୍ତା। କିନ୍ତୁ ଆମେ ଏହାକୁ କିଛି ସପ୍ତାହ ମଧ୍ୟରେ ହାସଲ କରିବୁ। ଏହା ଅତି ବେଶୀରେ ତିନି କିମ୍ବା ଚାରି ସପ୍ତାହ ହୋଇପାରେ। କରୋନା ଭୂତାଣୁ ହେବାର ଆଶଙ୍କା କମ୍ କରିଥିବାରୁ ଚାରିଆଡ଼େ ସମାଲୋଚନାର ସମ୍ମୁଖୀନ ହୋଇଥିବା ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଆମେ ସୁସ୍ଥ ହୋଇଛୁ ଏବଂ ରୋଗ ଦୂର ହୋଇଯାଉଛି, କରୋନା ଟିକା ବିନା ମଧ୍ୟ ସଂକ୍ରମଣ କମିଯାଉଛି।
ସେ କହିଛନ୍ତି, ମୁଁ ଭାବୁଛି ଦେଶ ବନ୍ଦ କରି ମୁଁ କ’ଣ କରିଛି, ମୁଁ ଭାବୁଛି ମୁଁ ପ୍ରାୟ ୨୫ ଲକ୍ଷ ଲୋକଙ୍କ ଜୀବନ ରକ୍ଷା କରିଛି କିମ୍ବା ବୋଧହୁଏ ଆହୁରି ଅଧିକ। ମୁଁ ପ୍ରକୃତରେ ସେପରି ଭାବୁନାହିଁ। ମୁଁ ଭାବୁଛି ଆମେ ବହୁତ ଭଲ କରିଛୁ ଏହାର ମହତ୍ତ୍ଵ ମିଳିବ କି ନାହିଁ ମୁଁ ଜାଣେ ନାହିଁ।
Also Read:
