Puducherry: ପୁଡୁଚେରୀ ହାତରୁ ଯିବାପରେ କଂଗ୍ରେସ ଦକ୍ଷିଣ ଭାରତରେ ସଫା, ବର୍ତ୍ତମାନ କେବଳ ୫ ରାଜ୍ୟରେ ସରକାର
ନୂଆଦିଲ୍ଲୀ: ପୁଡୁଚେରୀରେ କଂଗ୍ରେସ (Congress) ସରକାର ପତନ ହୋଇଛି। ସୋମବାର ଦିନ ମୁଖ୍ୟମନ୍ତ୍ରୀ ଭି ନାରାୟଣସ୍ୱାମୀ (CM V. Narayanasamy) ଆସ୍ଥା ଭୋଟରେ ହାରିଯାଇଛନ୍ତି। ନାରାୟଣସ୍ୱାମୀ ଲେଫ୍ଟଟାଣ୍ଟ ଗଭର୍ଣ୍ଣର ତାମିଲାଇସାଇ ସାଉଣ୍ଡାରାଜନ (Lieutenant Governor Tamilisai Soundararajan) ଙ୍କୁ ଭେଟି ତାଙ୍କ ଇସ୍ତଫା ପତ୍ର ଦାଖଲ କରିଛନ୍ତି। କଂଗ୍ରେସ ବିଧାୟକ ଲକ୍ଷ୍ମୀନାରାୟଣ (Lakshminarayanan) ଏବଂ ଡିଏମକେ ବିଧାୟକ ଭେଙ୍କଟେସନଙ୍କ ଇସ୍ତଫା ପରେ,୩୩ ସଦସ୍ୟ ବିଶିଷ୍ଟ ବିଧାନସଭାରେ କଂଗ୍ରେସ-ଡିଏମକେ ମିଳିତ ଦଳର ବିଧାୟକଙ୍କ ସଂଖ୍ୟା ୧୧କୁ ହ୍ରାସ ପାଇ ସଂଖ୍ୟାଲଘୁ ସରକାର ହୋଇଯାଇଛି। ବିରୋଧୀ ଦଳର ୧୪ ଜଣ ବିଧାୟକ ଅଛନ୍ତି।
ପୁଡୁଚେରୀରେ ସରକାର ପତନ ପରେ କଂଗ୍ରେସ ଦକ୍ଷିଣ ଭାରତରୁ ପୋଛି ହୋଇଯାଇଛି। ଦୁଇ ବର୍ଷ ପୂର୍ବେ କର୍ଣ୍ଣାଟକରେ କଂଗ୍ରେସ ପରାସ୍ତ ହୋଇଥିଲା। ବର୍ତ୍ତମାନ ଦଳର ଶକ୍ତି ମଧ୍ୟ ପୁଡୁଚେରୀରେ ଶେଷ ହୋଇଛି। ଏକ ସମୟ ଥିଲା ଯେତେବେଳେ ଦକ୍ଷିଣ ଭାରତକୁ କଂଗ୍ରେସର ଗଡ଼ କୁହାଯାଉଥିଲା। କିନ୍ତୁ ଚିତ୍ର ବଦଳୁଛି।
୨୦୧୪ ଲୋକସଭା ନିର୍ବାଚନରେ ବିଜେପି ହାତରେ ପରାଜୟ ପରେ କଂଗ୍ରେସ ଦୁର୍ବଳ ଦେଖାଯାଉଛି। ଦଳ ନିଶ୍ଚିତ ଭାବରେ କିଛି ରାଜ୍ୟରେ ଫେରିଛି। କିନ୍ତୁ ଯଦି ସମଗ୍ର ଦେଶର ବଡ ଚିତ୍ର ଦେଖାଯାଏ, ତେବେ କଂଗ୍ରେସ ପଛକୁ ଚାହିଁ ବସିଛି। ବର୍ତ୍ତମାନ କଂଗ୍ରେସ ସରକାର ମାତ୍ର ୫ଟି ରାଜ୍ୟରେ ରହିଛି। ଏହି ରାଜ୍ୟଗୁଡ଼ିକ ହେଉଛି ପଞ୍ଜାବ, ରାଜସ୍ଥାନ, ଛତିଶଗଡ, ମହାରାଷ୍ଟ୍ର ଏବଂ ଝାଡ଼ଖଣ୍ଡ। ଏଥିମଧ୍ୟରୁ ମହାରାଷ୍ଟ୍ର ଏବଂ ଝାଡ଼ଖଣ୍ଡରେ କଂଗ୍ରେସ ମିଳିତ ସରକରେ ଅନ୍ତର୍ଭୁକ୍ତ ହୋଇଛି।
ସୂଚନାଯୋଗ୍ୟ ମଧ୍ୟପ୍ରଦେଶରେ ୧୫ ବର୍ଷ ପରେ କଂଗ୍ରେସ କ୍ଷମତାକୁ ଫେରିଲା। ମାତ୍ର ୧୫ ମାସ ପରେ ସରକାର ଭୁଶୁଡ଼ି ପଡ଼ିଥିଲା। ଜ୍ୟୋତିରାଦିତ୍ୟସିନ୍ଧିଆ ବିଜେପି (BJP) ରେ ଯୋଗଦେବା ମାତ୍ରେ ୨୫ ଜଣ ବିଧାୟକ ଇସ୍ତଫା ଦେଇଥିଲେ। ଶିବରାଜ ସିଂ ପୁଣି ଥରେ ସିଏମ୍ ହୋଇଥିଲେ। କର୍ଣ୍ଣାଟକରେ କଂଗ୍ରେସ-ଜେଡିଏସ୍ ମିଳିତ ଦଳର ୧୭ ଜଣ ବିଧାୟକ ଜୁଲାଇ ୨୦୧୯ରେ ଇସ୍ତଫା ଦେଇଥିଲେ ଏବଂ ଏଠାରେ ମଧ୍ୟ ସରକାର ହାତରୁ ଖସିଗଲା।
[amazon_auto_links id=”9939″]
