ସୋସିଆଲ ମିଡିଆରେ ନକଲି ଖବର ପ୍ରଚାରିତ ହେଲା ଯେ ଆସାମ ବନ୍ୟା ପରିସ୍ଥିତି ପାଇଁ ସରକାରଙ୍କ ପାଖରେ ଅର୍ଥ ନାହିଁ; ଖବର କୁ ସରକାରଙ୍କ ଖଣ୍ଡନ

ଗୁଆହାଟି :ଆସାମରେ ଆଜିକାଲି ସୋସିଆଲ ମିଡିଆରେ ଏକ ଖବର ରିପୋର୍ଟ ବ୍ୟାପକ ଭାବେ ପ୍ରସାରିତ ହେଉଛି ଯେ ବନ୍ୟା ପୀଡିତଙ୍କୁ ସାହାଯ୍ୟ କରିବା ପାଇଁ ଆସାମ ସରକାରଙ୍କ ପାଖରେ ଅର୍ଥ ନାହିଁ । ତେଣୁ ଅବଦାନ ପାଇଁ ଜନସାଧାରଣଙ୍କୁ ନିବେଦନ କରୁଛନ୍ତି। ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିରେ ପାଣ୍ଠିର ଅଭାବ ରହିଛି ବୋଲି ଦାବି କରୁଥିବା ସମ୍ବାଦ କୁ ଆସାମ ସରକାରଙ୍କ ସୂଚନା ଓ ଲୋକସମ୍ପର୍କ ବିଭାଗ ଦ୍ୱାରା ନକଲି ଖବର ବୋଲି ଜଣାଯାଇଛି।

ସୂଚନା ଯୋଗ୍ୟ ବର୍ତ୍ତମାନ ଆସାମ ରେ ବନ୍ୟା ଚିନ୍ତାଜନକ ପରିସ୍ଥିତି ସୃଷ୍ଟିକରିଛି। ଆଜି ପ୍ରଧାନମନ୍ତ୍ରୀ ମୋଦୀ ଆସାମ ମୁଖ୍ୟମନ୍ତ୍ରୀଙ୍କ ସହ ଫୋନରେ କଥା ହୋଇଥିଲେ ଏବଂ ଆସାମ ବନ୍ୟା ଏବଂ ଭାଗଜ୍ଜନ ତୈଳ କୂପ  ଅଗ୍ନି ପରିସ୍ଥିତି ସମ୍ପର୍କରେ ସମସାମୟିକ ସ୍ଥିତିକୁ ଅନୁଧ୍ୟାନ କରିଥିଲେ। ସମସ୍ତ ପ୍ରକାର ସହଯୋଗ ଯୋଗେଇ ଦେବା ପାଇଁ ପ୍ରଧାନମନ୍ତ୍ରୀ କହିଛନ୍ତି। 

ଆସାମର ବନ୍ୟା ପରିସ୍ଥିତି ଏବେ ବି ଭୟଙ୍କର, କାରଣ ଅନେକ ନଦୀ ବିପଦ ସ୍ତରରୁ ପ୍ରବାହିତ ହେଉଛି। ୨୪ ଟି ଜିଲ୍ଲା ଅନ୍ତର୍ଗତ ୨ ହଜାର ୪୦୦ ଟି ଗାଁ ରାଜ୍ୟରେ ମୋଟ ୨୫ଲକ୍ଷ ୨୯ ହଜାର  ଲୋକଙ୍କୁ ବନ୍ୟା ପ୍ରଭାବିତ କରିଛି। ଆଜି ପର୍ଯ୍ୟନ୍ତ ବନ୍ୟା ଯୋଗୁଁ ସମୁଦାୟ ୮୪ ଜଣଙ୍କର ମୃତ୍ୟୁ ହୋଇଥିବା ଦାବି କରାଯାଇଛି। ସରକାର ବନ୍ୟାରେ ଆକ୍ରାନ୍ତ ଲୋକଙ୍କୁ ରିଲିଫ୍ ବଣ୍ଟନ କରୁଛନ୍ତି। ଲୋକଙ୍କୁ ସୁରକ୍ଷିତ ସ୍ଥାନକୁ ଉଦ୍ଧାର କରିବା ଏବଂ NDRF, ASDMA ଏବଂ ଜିଲ୍ଲା ପ୍ରଶାସନ ମାଧ୍ୟମରେ ପର୍ଯ୍ୟାପ୍ତ ରିଲିଫ୍ ଯୋଗାଇବା ପାଇଁ ସମସ୍ତ ପଦକ୍ଷେପ ନିଆଯାଉଛି।