ପ୍ରଧାନମନ୍ତ୍ରୀ ମୋଦୀଙ୍କ ବ୍ୟକ୍ତିଗତ ୱେବସାଇଟର ଟୁଇଟର ଆକାଉଣ୍ଟ ହ୍ୟାକ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିଗତ ୱେବସାଇଟର ଟ୍ୱିଟର ଆକାଉଣ୍ଟକୁ (Twitter Account ) ହ୍ୟାକ୍ କରାଯାଇଛି। ଗୁରୁବାର ଏହି ଖବରକୁ ଟ୍ୱିଟର ନିଶ୍ଚିତ କରିଛି। ହ୍ୟାକର୍ ( Hacker )ଅନେକ ଟ୍ୱିଟ୍ ମାଧ୍ୟମରେ କୋଭିଡ୍ -୧୯ (Covid-19 )ରିଲିଫ୍ ପାଣ୍ଠି ପାଇଁ କ୍ରିପ୍ଟୋ ମୁଦ୍ରା ( Bitcoin ) ମାଗିଛନ୍ତି। ବର୍ତ୍ତମାନ ଏହି ସବୁ ଡିଲିଟ ହୋଇଯାଇଛି । ଟ୍ୱିଟର ବର୍ତ୍ତମାନ ଏହାର ଅନୁସନ୍ଧାନ କରୁଛି। ଆକାଉଣ୍ଟ୍ ଏହାର ଅନୁଗାମୀମାନ (Followers )ଙ୍କୁ କ୍ରିପ୍ଟୋକରେନ୍ସି ମାଧ୍ୟମରେ ପିଏମ ନ୍ୟାସନାଲ ରିଲିଫ୍ ପାଣ୍ଠି ( PM National Relief Fund)କୁ ଦାନ କରିବାକୁ କହି ଟ୍ୱିଟ୍ ପଠାଇଥିବା ଜଣାଯାଇଛି।
ଏହି ଘଟଣା ପରେ ଟ୍ୱିଟର କହିଛି ଯେ ପ୍ରଧାନମନ୍ତ୍ରୀ ମୋଦୀଙ୍କ ବ୍ୟକ୍ତିଗତ ୱେବସାଇଟର ଟ୍ୱିଟର ଆକାଉଣ୍ଟ ହ୍ୟାକ ହେବାର କାର୍ଯ୍ୟକଳାପ ବିଷୟରେ ଅବଗତ ଅଛି ଏବଂ ଏହାକୁ ସୁରକ୍ଷିତ ରଖିବା ପାଇଁ ପଦକ୍ଷେପ ନେଇଛି। ଏକ ଟୁଇଟର ମୁଖପାତ୍ର ଏକ ଇମେଲ ବିବୃତ୍ତିରେ କହିଛନ୍ତି ଯେ ଆମେ ଏହି ଘଟଣାର ସକ୍ରିୟ ତଦନ୍ତ କରୁଛୁ। ସୂଚନଯୋଗ୍ୟ,ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିଗତ ୱେବସାଇଟ୍ ର ଯାଞ୍ଚ ହୋଇଥିବା ଟ୍ୱିଟର ଆକାଉଣ୍ଟରେ ୨୫ ଲକ୍ଷରୁ ଅଧିକ ଅନୁସରଣକାରୀ (Followers ) ଅଛନ୍ତି। ପ୍ରଧାନ ମନ୍ତ୍ରୀଙ୍କ ପର୍ସୋନାଲ ଆକାଉଣ୍ଟ୍ @narendramodi ଜାନୁୟାରୀ ୨୦୦୯ରେ ସୃଷ୍ଟି (Create) କରାଯାଇଥିଲା। ଏଥିରେ ୬ କୋଟିରୁ ଅଧିକ ଅନୁଗାମୀ ( followers) ଅଛନ୍ତି। ପ୍ରଧାନମନ୍ତ୍ରୀ ଲୋକଙ୍କ ନିକଟରେ ପହଞ୍ଚିବା ଏବଂ ଗୁରୁତ୍ୱପୂର୍ଣ୍ଣ ସୂଚନା ଏବଂ ଅଦ୍ୟତନଗୁଡିକ ଅଂଶୀଦାର କରିବା ପାଇଁ ଟ୍ୱିଟର(Twitter )କୁ ବହୁଳ ଭାବରେ ବ୍ୟବହାର କରନ୍ତି।
ସୂଚନଯୋଗ୍ୟ, ଗତ ଜୁଲାଇ ମାସରେ ବିଶ୍ଵର ଅନେକ ବିଶିଷ୍ଟ ବ୍ୟକ୍ତିବିଶେଷଙ୍କ ଟ୍ୱିଟର ଆକାଉଣ୍ଟ ହ୍ୟାକ୍ ହୋଇଥିଲା। ମାସରେ ଏକ ସମାନ ଘଟଣା ପ୍ରକାଶ ପାଇଥିଲା ଯେଉଁଥିରେ ଜେଫ୍ ବେଜୋସ୍, ୱାରେନ୍ ବଫେଟ୍, ବାରାକ ଓବାମା, ଜୋ ବିଡେନ(Joe Biden), ବିଲ୍ ଗେଟ୍ସ (Bill Gates)ଏବଂ ଏଲୋନ୍ ମସ୍କ(Elon Musk )ଙ୍କ ସମେତ ଅନେକ ବଡ ବ୍ୟକ୍ତିତ୍ୱର ଟ୍ୱିଟର ଆକାଉଣ୍ଟ ହ୍ୟାକ କରାଯାଇଥିଲା। ଏହାପରେ ଟ୍ଵିଟର(Twitter ) ଅଧିକ ଶକ୍ତ ହୋଇଯାଇଥିଲା।
Also Read:
ବିଲ୍ ଗେଟ୍ସ, ଏଲୋନ୍ ମସ୍କ, ବାରାକ ଓବାମାଙ୍କ ସମେତ ଅନେକ ଙ୍କ ଟ୍ୱିଟର ଆକାଉଣ୍ଟ ହ୍ୟାକ୍,
