ଗୋଟିଏ ପରିବାରର ୧୧ଜଣ ମୃତ, ମୃତକଙ୍କ ମଧ୍ୟରେ ଅଛନ୍ତି ଚାରି ପିଲା ଏବଂ ଦୁଇ ବୃଦ୍ଧ

ଯୋଧପୁର : ରାଜସ୍ଥାନର ଯୋଧପୁର ଜିଲ୍ଲାର ଦେଚୁ ଥାନା ଅନ୍ତର୍ଗତ ଲୋଡାତା  ଆଚାଲାଭାଟା ଗାଁରେ ୧୧ ଜଣଙ୍କ ମୃତଦେହ ମିଳିବା ଘଟଣା ରେ ପୋଲିସ କୁ ପ୍ରାରମ୍ଭିକ ସୂଚନା ମିଳିଛି। ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ପରିବାର ସଦସ୍ୟଙ୍କ ଖାଦ୍ୟରେ ଶୋଇବା ବଟିକା ଏବଂ ସମସ୍ତଙ୍କ ହାତରେ ବିଷ ଇଞ୍ଜେକ୍ସନ ଦିଆଯାଇଥିଲା।। ଏସପି କହିଛନ୍ତି ଯେ ମୃତ ଦେହରେ କୌଣସି ଆଘାତ ଚିହ୍ନ ନ ଥିବାରୁ କୌଣସି ବିଷାକ୍ତ ପଦାର୍ଥ ଖାଇ ମୃତ୍ୟୁ ହେବାର ସମ୍ଭାବନା ପ୍ରକାଶ ପାଇଛି। ଅନେକ ମୃତକଙ୍କ ପାଟିରୁ ଫେଣ ବାହାରୁଥିବା ମଧ୍ୟ ଦେଖାଯାଇଛି।  

ସୂଚନା ଅନୁସାରେ, ସମସ୍ତ ମୃତକ ପାକିସ୍ତାନର ହିନ୍ଦୁ ଶରଣାର୍ଥୀ ଥିଲେ। ଏହି ଲୋକମାନେ ବିସ୍ଥାପିତ ପାକ୍ ଭିଲ୍ ସମାଜର କୃଷି ପରିବାରର ଅଟନ୍ତି।  ମୃତକଙ୍କ ମଧ୍ୟରେ ଚାରି ପିଲା ଏବଂ ଦୁଇ ବୟସ୍କ ମଧ୍ୟ ଅଛନ୍ତି। ପରିବାରର ଜଣେ ସଦସ୍ୟ ଘରୁ ବାହାରେ ଥିବାରୁ ଜୀବିତ ଅଛନ୍ତି। ସେ ଗତକାଲି ରାତିରେ ଘରୁ ବାହାରକୁ ଯାଇଥିଲେ। ଡିସେମ୍ବର ୨୦୧୫ ରେ ୨ଟି ପରିବାର ପାକିସ୍ତାନରୁ ଆସିଥିଲେ। ମୃତକଙ୍କ ପରିବାର ତଥା ଯୋଧପୁରରେ ରହୁଥିବା ପରିବାର। ବର୍ତ୍ତମାନ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ଯେ ସମସ୍ତ ୧୧ ଜଣଙ୍କ ପୋଷ୍ଟମର୍ଟମ ଯୋଧପୁରରେ ମେଡିକାଲ ବୋର୍ଡ ଦ୍ୱାରା କରାଯିବ।