Pulwama: ପୁଲୱାମାରେ ୫ ଆତଙ୍କବାଦୀଙ୍କୁ ହତ୍ୟା, ଏନକାଉଣ୍ଟର ଜାରି
ପୁଲୱାମା: ଗୁରୁବାର ଦିନ ଜାମ୍ମୁ କାଶ୍ମୀର (Jammu Kashmir) ର କୁଲଗାମ (Kulgam) ଏବଂ ପୁଲୱାମା (Pulwama) ଜିଲ୍ଲାରେ ସୁରକ୍ଷା ବାହିନୀ (Security Forces) ସହିତ ଦୁଇଟି ପୃଥକ ମୁକାବିଲାରେ ୪ଜଣ ଆତଙ୍କବାଦୀ (Terrorists) ନିହତ ହୋଇଛନ୍ତି। ଜାମ୍ମୁ କାଶ୍ମୀରର ପୁଲୱାମା ଅଞ୍ଚଳର ପୋଚାଲ ଅଞ୍ଚଳରେ ସୁରକ୍ଷା ବାହିନୀ ବହୁତ ସଫଳତା ହାସଲ କରିଛି। ଏହି ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ହୋଇଥିବା ଏନକାଉଣ୍ଟର (Encounter) ରେ ଦୁଇ ଆତଙ୍କବାଦୀ ନିହତ ହୋଇଥିଲେ। ଅନ୍ୟପକ୍ଷରେ କୁଲଗାମ ଜିଲ୍ଲାରେ ହୋଇଥିବା ଏନକାଉଣ୍ଟରରେ ଆଉ ଦୁଇଜଣ ଆତଙ୍କବାଦୀ ନିହତ ହୋଇଥିଲେ। କାଶ୍ମୀରର ଆଇଜିପି କହିଛନ୍ତି ଯେ ଗତ ୫ ଘଣ୍ଟା ମଧ୍ୟରେ ସୁରକ୍ଷା ବାହିନୀ ଦ୍ୱାରା ୫ ଜଣ ଆତଙ୍କବାଦୀ ନିହତ ହୋଇଛନ୍ତି। ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଜାରି ରହିଛି।
ସୂଚନାଅନୁସାରେ ବୁଧବାର-ଗୁରୁବାର ମଧ୍ୟବର୍ତ୍ତୀ ରାତିରେ ପୁଲୱାମାର ପୁଚାଲ, ଜାମ୍ମୁ କାଶ୍ମୀରରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ହୋଇଥିଲା। ଏହି ସମୟରେ ସେନା, ସାମରିକ ବାହିନୀ, ଅଗ୍ନିଶମ ବାହିନୀ ଏବଂ ରାଜ୍ୟ ପୋଲିସ କର୍ମଚାରୀ ଘଟଣାସ୍ଥଳରେ ଉପସ୍ଥିତ ଅଛନ୍ତି। କୁହାଯାଇଥିଲା ଯେ ଏହି ଏନକାଉଣ୍ଟରରେ ଏପର୍ଯ୍ୟନ୍ତ ୨ଜଣ ଆତଙ୍କବାଦୀ ନିହତ ହୋଇଛନ୍ତି। ତେବେ ଉଭୟଙ୍କ ପରିଚୟ ଏପର୍ଯ୍ୟନ୍ତ ସ୍ଥାପିତ ହୋଇନାହିଁ। ଖୋଜାଖୋଜି ଜାରି ରହିଛି ବୋଲି କାଶ୍ମୀର ଜୋନ୍ ପୋଲିସ କହିଛି।
ଏହାପୂର୍ବରୁ ବୁଧବାର ଦିନ ଜଣେ ପାକିସ୍ତାନୀ ଆତଙ୍କବାଦୀ ରାଜୋରୀ ଜିଲ୍ଲାର ଲାଇନ୍ ଅଫ୍ କଣ୍ଟ୍ରୋଲ୍ (Line of Control) ରେ ଅନୁପ୍ରବେଶ କରୁଥିବା ସମୟରେ ସେନାର ଗୁଳିର ଶିକାର ହୋଇଥିଲା। ପ୍ରତିରକ୍ଷା ମନ୍ତ୍ରଣାଳୟର ମୁଖପାତ୍ର ଏହି ସୂଚନା ଦେଇଛନ୍ତି। ସରକାରୀ ସୂତ୍ରରୁ ପ୍ରକାଶ ଯେ, ଏନଓସିରେ ଅନୁପ୍ରବେଶକାରୀ ଆତଙ୍କବାଦୀଙ୍କୁ ରୋକିବା ପାଇଁ ଘଟିଥିବା ଏନକାଉଣ୍ଟରରେ ଦୁଇଜଣ ସୈନିକ ମଧ୍ୟ ଆହତ ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ମୁଖପାତ୍ରଙ୍କ ଅନୁଯାୟୀ ନିହତ ଆତଙ୍କବାଦୀଙ୍କ ମୃତଦେହ ଉଦ୍ଧାର କରାଯାଇଛି। ସେ କହିଛନ୍ତି ଯେ ଘଟଣାସ୍ଥଳରୁ ଗୋଟିଏ AK-47 ରାଇଫଲ, ୪ଟି AK 47 ମାଗାଜିନ ଏବଂ ଦୁଇଟି ଗ୍ରେନେଡ ମଧ୍ୟ ଉଦ୍ଧାର କରାଯାଇଛି।
[amazon_auto_links id=”9939″]
