ବିଶ୍ଵ ରେ ଭାରତ ତୃତୀୟ ସର୍ବାଧିକ କୋଭିଡ଼-୧୯ ସଂକ୍ରମିତ;ରବିବାର ଦିନ ୨୪ ହଜାର ରୁ ଅଧିକ ନୂଆ ମାମଲା

ନୂଆଦିଲ୍ଲୀ: ରୁଷ କୁ ଅତିକ୍ରମ କରି ବର୍ତ୍ତମାନ ଭାରତ ବିଶ୍ୱରେ ତୃତୀୟ ସର୍ବାଧିକ କୋଭିଡ -୧୯  ସଂକ୍ରମିତ ଦେଶ ରେ ପରିଣତ ହୋଇଛି। ରବିବାର ଦିନ ୨୪ ହଜାର ୯୧୨ ଜଣ  ନୂଆ କୋଭିଡ଼ ଆକ୍ରାନ୍ତ ଯୋଡ଼ିହୋଇଛନ୍ତି।

ୱାର୍ଲ୍ଡମିଟର ୱେବସାଇଟ୍ ଅନୁଯାୟୀ ,ରୁଷ ରେ କୋଭିଡ଼-୧୯ସଂକ୍ରମିତ ଙ୍କ ସଂଖ୍ୟା ୬,୮୧,୨୫୧ ସେହିପରି  ଭାରତରେ ରେକର୍ଡ ହୋଇଥିବା ମୋଟ କୋଭିଡ-୧୯  ମାମଲା ରବିବାର ବିଳମ୍ବିତ ରାତିରେ ୬,୯୭,୮୮୭ ଥିଲା। ବର୍ତ୍ତମାନ କେବଳ ଆମେରିକା ଏବଂ ବ୍ରାଜିଲ ଭାରତ ତୁଳନାରେ ଅଧିକ କୋଭିଡ -୧୯ ମାମଲା ରେକର୍ଡ କରିଛନ୍ତି। ରବିବାର ଦିନ ଭାରତରେ ୨୪ ହଜାର ୯୧୨ ଟି ନୂଆ ମାମଲା ଚିହ୍ନଟ ହୋଇଛି, ଦେଶରେ ମହାମାରୀର ସବୁଠାରୁ ଖରାପ ମାସ ହୋଇଥିବା ଜୁନ୍ ମାସରେ ୪ ଲକ୍ଷରୁ ଅଧିକ ମାମଲା ଦେଖାଯାଇଥିଲା।