ଲକ୍ଷ୍ନୌ ଝିଅ ଦିବ୍ୟାଂଶୀ ଜୈନ ସିବିଏସଇ ପରୀକ୍ଷାରେ ରଖିଲେ ଶତ ପ୍ରତିଶତ ନମ୍ବର
ଲକ୍ଷ୍ନୌ: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ଦ୍ୱାଦଶ ଶ୍ରେଣୀ ଫଳାଫଳ ଘୋଷଣା କରିଛି। ଏଥି ସହିତ ପୁଅମାନଙ୍କ ତୁଳନାରେ ଝିଅଙ୍କ ପାସ୍ ହାର ଅଧିକ ରହିଛି।
ସିବିଏସ୍ଇ କ୍ଲାସ୍ ୧୨ ଫଳାଫଳ ୨୦୨୦ ରେ ଶତ ପ୍ରତିଶତ ନମ୍ବର ରଖିଛନ୍ତି ଲକ୍ଷୌର ଦିବ୍ୟାଂଶୀ ଜୌନ। ସେ ନିକଟରେ ପ୍ରକାଶ ପାଇଥିବା ଦ୍ୱାଦଶ ପରୀକ୍ଷାରେ ୬୦୦ ନମ୍ବରରୁ ୬୦୦ ରଖି ଇତିହାସ ସୃଷ୍ଟି କରିଛନ୍ତି। କୋଭିଡ଼-୧୯ ମହାମାରୀ କାରଣରୁ ଭୂଗୋଳ ପରୀକ୍ଷା ବାତିଲ ହୋଇଥିଲ। ଦିବ୍ୟାଂଶୀ ନବୟୁଗ ରେଜିଏନ୍ସ ସ୍କୁଲର ଛାତ୍ରୀ ଅଟନ୍ତି।ତାଙ୍କର ଏହି ଐତିହାସିକ ସଫଳତା ସାରା ଦେଶରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।
ଦିବ୍ୟାଂଶୀ କହିଛନ୍ତି, ସେ ନିଜ ସ୍ୱପ୍ନରେ ସୁଧା ଏମିତି ମାର୍କ ରଖିବେ ବୋଲି କେବେ ଭାବିନଥିଲେ। ସେ ତାଙ୍କ ସଫଳତାର ଶ୍ରେୟ ଶିକ୍ଷକ ଏବଂ ପରିବାରବର୍ଗଙ୍କୁ ଦେଇଛନ୍ତି। ଦିବ୍ୟାନଶି କହିଛନ୍ତି ଯେ ସେ କୌଣସି ବିଷୟକୁ କଦାପି କମ ଗୁରୁତ୍ଵ ଦେଇନାହାନ୍ତି ବରଂ ପ୍ରତିଦିନ ସଂଶୋଧନ ସମୟରେ ସେ ଯାହା ଶିଖିଛନ୍ତି ତାହା ବିଶ୍ଳେଷଣ କରିଛନ୍ତି। ସେ କହିଛନ୍ତି ଯେ ସେ ଗାଇଡ୍ ସମାଧାନ କରିବା ପରିବର୍ତ୍ତେଏନସିଆରଟି ( NCERT) ବହି ଉପରେ ଅଧିକ ଧ୍ୟାନ ଦେଇଥିଲେ। ପାଠ ପଢ଼ିବା ବେଳୁ ଦିବ୍ୟାଂଶୀ ଜଣେ ମେଧାବୀ ଛାତ୍ରୀ ରହି ଆସିଛନ୍ତି। ସେ ହାଇସ୍କୁଲରେ ୯୭.୬ ପ୍ରତିଶତ ମାର୍କ ରଖିଥିଲେ। ତାଙ୍କ ବାପା ରାକେଶ ପ୍ରକାଶ ଜୌନ ଜଣେ ବ୍ୟବସାୟୀ ଏବଂ ମାଆ ସୀମା ଜୈନ ଜଣେ ଗୃହିଣୀ।
