Covid-19 ଟିକାକରଣ; ଭ୍ରାନ୍ତ ଧାରଣା ବନାମ ସତ୍ୟତା

ନୂଆଦିଲ୍ଲୀ: କେତେକ ଗଣମାଧ୍ୟମ ରିପୋର୍ଟ (Media Report) ରେ ଗମ୍ଭୀର ଏଇଏଫଆଇ (ଟିକାକରଣ ପରବର୍ତ୍ତୀ ପ୍ରତିକୂଳ ପ୍ରଭାବ) ମାମଲାରେ ବୃଦ୍ଧି ବିଷୟରେ ଉଲ୍ଲେଖ କରାଯାଇଛି। ଏପରି ମାମଲାରେ ‘ଟିକାକରଣ ପରେ ରୋଗୀଙ୍କ ମୃତ୍ୟୁ’ ହେଉଥିବା ବିଷୟରେ ମଧ୍ୟ ଉଲ୍ଲେଖ କରାଯାଇଛି। ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ୧୬ ଜାନୁଆରୀ ୨୦୨୧ ଏବଂ ୭ ଜୁନ ୨୦୨୧ମଧ୍ୟରେ ଟିକାକରଣ ପରେ ହୋଇଥିବା ୪୮୮ଟି ମୃତ୍ୟୁ କୋଭିଡ ପରବର୍ତ୍ତୀ ଗମ୍ଭୀରତା ସହ ଜଡ଼ିତ। ଏହି ସମୟରେ ମୋଟ ୨୩.୫ କୋଟି କୋଭିଡ ଟିକା ଦିଆଯାଇସାରିଛି।

ତେବେ ଏଠାରେ ଏହା ସ୍ପଷ୍ଟ କରାଯାଉଛି ଯେ ମାମଲାଗୁଡ଼ିକର ଅସମ୍ପୂର୍ଣ୍ଣ ଯାଞ୍ଚ ଏବଂ ସୀମିତ ବୁଝାମଣା ଉପରେ ଏସବୁ ରିପୋର୍ଟ ଆଧାରିତ। ଏଥିପ୍ରତି ଧ୍ୟାନ ରଖିବା ଉଚିତ୍ ଯେ, ‘ଟିକାକରଣ ପରେ ରୋଗୀଙ୍କ ମୃତ୍ୟୁ’ ଅର୍ଥ ଟିକାକରଣ ଯୋଗୁ ମୃତ୍ୟୁ ହୋଇଛି ବୋଲି ଦର୍ଶାଉଛି। କୋଭିଡ-୧୯ ଟିକାକରଣ ପରେ ଦେଶରେ ହୋଇଥିବା ମୃତ୍ୟୁସଂଖ୍ୟା ମୋଟ୍ ଟିକାକରଣ ସଂଖ୍ୟା ୨୩.୫ କୋଟି ଡୋଜର ୦.୦୦୦୨% ଅଟେ। ଏହା ଜନସଂଖ୍ୟାରେ ପ୍ରତ୍ୟାଶିତ ମୃତ୍ୟୁହାରର ପରିଧି ମଧ୍ୟରେ ରହିଛି। ଏକ ଜନସଂଖ୍ୟାରେ, ମୃତ୍ୟୁର ଏକ ନିଶ୍ଚିତ ହାର ରହିଥାଏ। ଏସଆରଏସ ତଥ୍ୟ ଅନୁଯାୟୀ, ୨୦୧୭ରେ ମୃତ୍ୟୁ ହାର ବାର୍ଷିକ୧୦୦୦ ବ୍ୟକ୍ତିଙ୍କ ଅନୁପାତରେ ୬.୩ ରହିଥିଲା।

ଏହା ମଧ୍ୟ ଗୁରୁତ୍ୱପୂର୍ଣ୍ଣ ଓ ପ୍ରାସଙ୍ଗିକ ଯେ କୋଭିଡ-୧୯ ରୋଗରେ ପଜିଟିଭ୍ ଚିହ୍ନଟ ହେଉଥିବା ଲୋକମାନଙ୍କର ମୃତ୍ୟୁ ହାର ୧ ପ୍ରତିଶତରୁ ଅଧିକ ଏବଂ କୋଭିଡ-୧୯ ଟିକାକରଣ ଏସବୁ ମୃତ୍ୟୁର ନିରାକରଣ କରିପାରିବ। ସେଥିପାଇଁ, କୋଭିଡ-୧୯ କାରଣରୁ ହେଉଥିବା ମୃତ୍ୟୁ ତୁଳନାରେ ଟିକାକରଣ ପରେ ହେଉଥିବା ମୃତ୍ୟୁର ବିପଦ ପାଖାପାଖି ନଗଣ୍ୟ।

ତେଣୁ ଟିକାକରଣ ପରେ ଦେଖାଦେଉଥିବା ଏଇଏଫଆଇକୁ ‘ଯେକୌଣସି ଚିକିତ୍ସାଜନିତ ଅଘଟଣ ଭାବେ ପରିଭାଷିତ କରାଯାଇଛି ଏବଂ ଟିକାର ଉପଯୋଗ ସହିତ ଏହାର ସିଧାସଳଖ ସମ୍ପର୍କ ରହିଛି ବୋଲି ନିର୍ଦ୍ଦିଷ୍ଟ ଭାବେ କୁହାଯାଇପାରିବ ନାହିଁ’। ଏହା ଏକ ପ୍ରତିକୂଳ କିମ୍ବା ଅନିଚ୍ଛାକୃତ ସଙ୍କେତ, ଅସ୍ୱାଭାବିକ ଗବେଷଣାଗାର ସନ୍ଧାନ, ଲକ୍ଷଣ କିମ୍ବା ରୋଗ ହୋଇପାରେ। ଭାରତ ଟିକାକରଣ ପରେ ହେଉଥିବା ସମସ୍ତ ମୃତ୍ୟୁ, ଡାକ୍ତରଖାନାରେ ଭର୍ତ୍ତି ହେବା ଏବଂ ବିକଳାଙ୍ଗ ହୋଇଯିବା ସଂକ୍ରାନ୍ତରେ ଯେକୌଣସି ଛୋଟ କିମ୍ବା ପ୍ରତିକୂଳ ଘଟଣାର ରିପୋର୍ଟ କରିବା ଲାଗି ସରକାରଙ୍କ ସହିତ ରାଜ୍ୟ ସରକାରଙ୍କ ପକ୍ଷରୁ ସ୍ୱାସ୍ଥ୍ୟକର୍ମୀ, ଡାକ୍ତର ଓ ଟିକାଗ୍ରହଣକାରୀମାନଙ୍କୁ ପ୍ରୋତ୍ସାହିତ କରାଯାଉଛି।

ଟିକାକରଣ ପରେ ହେଉଥିବା ଯେକୌଣସି ମୃତ୍ୟୁ, ଡାକ୍ତରଖାନାରେ ଭର୍ତ୍ତି ହେବା କିମ୍ବା ବିକଳାଙ୍ଗ ହୋଇଯିବା ଅଥବା ଚିନ୍ତାର କାରଣ ସାଜୁଥିବା ଯେକୌଣସି ଘଟଣାକୁ ଗମ୍ଭୀର କିମ୍ବା ଚିନ୍ତାଜନକ ମାମଲା ଭାବେ ବର୍ଗୀକୃତ କରାଯାଇଥାଏ। ଏପରି ମାମଲାର ଜିଲ୍ଲାସ୍ତରରେ ଯାଞ୍ଚ କରାଯାଇଥାଏ। ଏପରି ଗମ୍ଭୀର ଘଟଣା ସିଧାସଳଖ ଟିକା କାରଣରୁ ହୋଇଛି ବୋଲି ବୁଝିବାରେ ଏହି ଘଟଣାର ଆକଳନ ସହାୟକ ହୋଇଥାଏ । ରାଜ୍ୟ ଓ ଜାତୀୟ ସ୍ତରରେ ଏପରି ମାମଲାର ଯାଞ୍ଚ କରାଯାଇଥାଏ। ସେଥିପାଇଁ ଜିଲ୍ଲା, ରାଜ୍ୟ ଓ ଜାତୀୟ ସ୍ତରରେ ଏଇଏଫଆଇ ସମିତି ଦ୍ୱାରା ଯାଞ୍ଚ କରାଯାଇ ଏପରି ମାମଲା ନିମନ୍ତେ ଟିକାକରଣ ଦାୟୀ ବୋଲି ସୁନିଶ୍ଚିତ କରାନଯିବା ପର୍ଯ୍ୟନ୍ତ, ଟିକାକରଣ ପରେ କୌଣସି ବ୍ୟକ୍ତିଙ୍କ ମୃତ୍ୟୁ କିମ୍ବା ଡାକ୍ତରଖାନାରେ ଭର୍ତ୍ତି ହେବା ଘଟଣା ପଛରେ କାରଣ ଆପେ ଆପେ ଟିକାକରଣ ବୋଲି ଗ୍ରହଣ କରାଯାଇପାରିବ ନାହିଁ।

ଜିଲ୍ଲା ସ୍ତର ଠାରୁ ଆରମ୍ଭ କରି ରାଜ୍ୟ ପର୍ଯ୍ୟନ୍ତ ପ୍ରତ୍ୟେକ ସ୍ତରରେ ଏଇଏଫଆଇର ନିରୀକ୍ଷଣ କରିବା ଲାଗି ମଜବୁତ ବ୍ୟବସ୍ଥା ରହିଛି। ଥରେ ଯାଞ୍ଚ ସମ୍ପୂର୍ଣ୍ଣ ହେବା ପରେ, କୋଭିଡ-୧୯ ଟିକାକରଣ ସମ୍ପର୍କିତ ସୂଚନାକୁ ପାରଦର୍ଶୀ ଭାବେ ପ୍ରଦାନ କରାଯାଇଥାଏ। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ୱେବସାଇଟରେ ରିପୋର୍ଟ ଜାରି କରାଯାଇଥାଏ।

Also Read | Human Life Span:ମଣିଷ କେତେ ବର୍ଷ ବଞ୍ଚିପାରିବ? ବୈଜ୍ଞାନିକମାନେ କଲେ ପ୍ରକାଶ