ୱେଷ୍ଟଇଣ୍ଡିଜ୍ ସମ୍ମୁଖରେ ବିଜୟ ଲକ୍ଷ୍ୟ ୩୯୯ ରନ୍, ବ୍ରଡ କୁ ୮ ୱିକେଟ
ମଞ୍ଚେଷ୍ଟର :ଇଂଲଣ୍ଡ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଶେଷ ତଥା ନିର୍ଣ୍ଣାୟକ ମ୍ୟାଚ୍ ମଞ୍ଚେଷ୍ଟରରେ ଖେଳାଯାଉଛି। ମ୍ୟାଚ୍ର ତୃତୀୟ ଦିନରେ ୱେଷ୍ଟଇଣ୍ଡିଜ୍ର ପ୍ରଥମ ଇନିଂସ ୧୯୭ ରନ ରେ ପଛରେ ଥିଲା। ପ୍ରଥମ ଇନିଂସରେ ୩୬୯ରନ୍ ସଂଗ୍ରହ କରିଥିବା ଇଂଲଣ୍ଡ ୧୭୨ ରନ୍ ରେ ଅଗ୍ରଣୀ ହାସଲ କରିଥିଲା ଏବଂ ଦ୍ୱିତୀୟ ଇନିଂସରେ ଦ୍ରୁତ ରନ୍ ସ୍କୋର କରି ୨୨୬ ରେ ଇନିଂସ୍ ଘୋଷଣା କରିଥିଲେ ଏବଂ ୱେଷ୍ଟଇଣ୍ଡିଜ୍ ସମ୍ମୁଖରେ ବିରାଟ 399 ରନ୍ ର ଟାର୍ଗେଟ ଦେଇଛି।
ପ୍ରଥମ ଇନିଂସରେ ୬ ୱିକେଟ୍ ନେଇଥିବା ଷ୍ଟୁଆର୍ଟ ବ୍ରଡ୍ ଦ୍ୱିତୀୟ ଇନିଂସରେ ୱେଷ୍ଟଇଣ୍ଡିଜ୍ ର ପ୍ରାରମ୍ଭିକ ବିପର୍ଯ୍ୟୟ କରିଥିଲେ। ଦିନର ଖେଳ ଶେଷ ହେବା ପରେ ୱେଷ୍ଟଇଣ୍ଡିଜ୍ ୨ ୱିକେଟ୍ ହରାଇ ୧୦ ରନ ସ୍କୋର କରିଥିଲା ପ୍ରଥମ ଇନିଂସରେ ୬ ୱିକେଟ୍ ନେଇଥିବା ବ୍ରଡ୍ ଦ୍ୱିତୀୟ ଇନିଂସରେ ହଇଚଇ ସୃଷ୍ଟି କରିଥିଲେ। ୱେଷ୍ଟଇଣ୍ଡିଜ୍ ମାତ୍ର ୬ ରନ୍ ପାଇଁ ଦୁଇଟି ୱିକେଟ୍ ହରାଇଥିଲା।
ଇଂଲଣ୍ଡ ଦ୍ୱିତୀୟ ଇନିଂସ ୨୨୬ ରନ୍ ରେ ପାଳି ଘୋଷଣା କରିଥିଲା ତୃତୀୟ ଦିନରେ ୱେଷ୍ଟଇଣ୍ଡିଜକୁ ସହଳ ରେ ଆଉଟ ପରେ ଇଂଲଣ୍ଡ ଜୋରଦାର ବ୍ୟାଟିଂ କରି ୱେଷ୍ଟଇଣ୍ଡିଜ୍ ଆଗରେ ୩୯୯ ରନ୍ ସଂଗ୍ରହ କରିଥିଲା। ଓପନର୍ ବର୍ନସ୍ ଙ୍କ ୯୦ ଏବଂ ଡୋମ୍ ସିବିଲିଙ୍କ ୫୬ ରନ ବଳରେ ୨୨୬ ରନ୍ ସ୍କୋର କରି ଇଂଲଣ୍ଡ ଦ୍ୱିତୀୟ ଇନିଂସ ପାଇଁ ଘୋଷଣା କରିଥିଲା। କ୍ୟାପଟେନ ଜୋ ରୁଟ୍ ମଧ୍ୟ ୬୮ ରନର ଅପରାଜିତ ଥିଲେ।
ସଂକ୍ଷିପ୍ତ ସ୍କୋର: ଇଂଲଣ୍ଡ ପ୍ରଥମ ପାଳି: ୩୬୯ (ପୋପ୍-୯୧, କେମାର ରୋଚ୍-୪/୭୨)। ୱେଷ୍ଟଇଣ୍ଡିଜ୍ ପ୍ରଥମ ପାଳି: ୧୯୭ (ହୋଲଡର-୪୬, ଡାଓରିଚ୍-୩୭, ଷ୍ଟୁଆର୍ଟ ବ୍ରଡ୍-୬/୩୧)।ଇଂଲଣ୍ଡ ଦ୍ବିତୀୟ ପାଳି: ୫୮ ଓଭରରେ ୨୨୬/୨, ପାଳି ଘୋଷଣା (ରୋରି ବର୍ନସ-୯୦, ଡୋମିନିକ୍ ଶିବଲେ-୫୬, ଜୋ ରୁଟ୍-୬୮*, ଜାସନ୍ ହୋଲଡର୍-୧/୨୪, ରସ୍ତନ୍ ଚେଜ୍-୧/୬୮)। ୱେଷ୍ଟଇଣ୍ଡିଜ୍ ଦ୍ବିତୀୟ ପାଳି: ୬ ଓଭରରେ ୧୦/୨ (କ୍ରେଗ୍ ବ୍ରାଥ୍ୱେଟ୍-୨*, ସାଇ ହୋପ୍-୪*, ଷ୍ଟୁଆର୍ଟ ବ୍ରଡ୍-୨/୮)।
